Svan­dís Svav­ars­dóttir sjáv­ar­út­vegs- og land­bún­að­ar­ráð­herra hefur skipað þriggja manna starfs­hóp sem hefur það hlut­verk að fjalla um blóð­töku úr fyl­fullum hryssum, sem hefur verið til nokk­urrar umræðu í dag eftir að evr­ópsk dýra­vernd­ar­sam­tök birtu mynd­skeið af slæmri með­ferð hrusss á YouTube undir lok síð­asta árs.

Hópnum er ætlað að skoða starf­sem­ina, reglu­verkið og eft­ir­litið í kring um hana, sam­kvæmt því sem segir í til­kynn­ingu sem birt var á vef stjórn­ar­ráðs­ins í dag.

Ráð­herra kall­aði eftir til­nefn­ingum í starfs­hóp­inn frá Mat­væla­stofnun og Sið­fræði­stofnun Háskóla Íslands. Iðunn Guð­jóns­dótt­ir, sér­fræð­ingur í atvinnu­vega- og nýsköp­un­ar­ráðu­neyt­inu er for­maður hóps­ins, en hún var skipuð af ráð­herra án til­nefn­ing­ar.

Einnig sitja í hópnum þau Sig­ríður Björns­dótt­ir, yfir­dýra­læknir í hrossa­sjúk­dómum hjá Mat­væla­stofn­un, sem MAST til­nefndi til setu í hópnum og Ólafur Páll Jóns­son, pró­fessor í heim­speki við Háskóla Íslands, sem til­nefndur er af Sið­fræði­stofnun Háskóla Íslands.

„Ráð­herra hefur falið hópnum að funda með hag­að­ilum auk þess sem almenn­ingi mun gef­ast kostur á að tjá sig um störf og til­lögur hóps­ins á Sam­ráðs­gátt stjórn­valda þegar þær liggja fyr­ir. Starfs­hóp­ur­inn mun hefja störf á næstu dögum og er ætlað að skila ráð­herra til­lögum sínum fyrir 1. jún­í,“ ­segir í til­kynn­ingu atvinnu­vega- og nýsköp­un­ar­ráðu­neyt­is­ins í dag.

Þar er jafn­framt tekið fram að verk­efni starfs­hóps­ins séu með öllu aðskilin rann­sókn Mat­væla­stofn­un­ar, sem rann­sakar um þessar mundir meint alvar­leg brot á vel­ferð blóð­töku­hryssa.