Nýr vís­i­sjóður á vegum íslenska sprota- og vaxta­sjóðs­ins Crowberry Capi­tal hefur lokið fjár­mögn­un. Sjóð­ur­inn ber heitið Crowberry II og nemur um 11,5 millj­örðum króna. Þetta kemur fram í frétt á vef­síðu Bloomberg sem birt­ist í morg­un.

Sam­kvæmt frétt­inni mun sjóð­ur­inn ein­beita sér að fjár­fest­ingum í nor­rænum sprota­fyr­ir­tækjum í tækni­geir­anum á fyrstu stigum fjár­mögn­unar þeirra. Einnig mun sjóð­ur­inn styrkja frum­kvöðla­starf­semi sem leidd er áfram af kon­um.

Davíð Helga­son á meðal fjár­festa

Evr­ópski fjár­fest­inga­sjóð­ur­inn (EIF), sem er í eigu evr­ópskra banka og er stærsti fag­fjár­festir vís­i­sjóða í Evr­ópu, leiðir fjár­fest­ing­una með fjórð­ungs­hlut í Crowberry II. Hins vegar koma aðrir fjár­festar einnig að, þar á meðal Davíð Helga­son, stofn­andi hug­bún­að­ar­fyr­ir­tæk­is­ins Unity Technologies.Í síð­asta vor­hefti Vís­bend­ingar má finna ítar­legt við­tal við Dav­íð, þar sem hann sagð­ist ætla aftur til Íslands og ein­beita sér að fjár­fest­ingum hér­lend­is.

Crowberry Capi­tal var stofnað af Heklu Arn­ar­dótt­ur, Helgu Val­fells og Jennýju Ruth Hrafns­dóttur árið 2016, en þær unnu áður hjá Nýsköp­un­ar­sjóði atvinnu­lífs­ins. Sjóð­ur­inn fjár­magnar nú fjölda íslenskra sprota­fyr­ir­tækja, líkt og leikja­fram­leið­end­urna 1939 Games og Main­frame, fjár­tækni­fyr­ir­tækin Lucinity og Moner­ium og gagna­stjórn­un­ar­fyr­ir­tækið Avo.

Í sam­tali við Bloomberg segir Crowberry að þær vilji stuðla að fjöl­breytni í nýsköp­un­ar­um­hverf­inu, en 5 af þeim 15 fyr­ir­tækjum sem sprota­sjóð­ur­inn fjár­magnar hafa konu í stöðu fram­kvæmda­stjóra. Crowberry segir svo að mikil gróska væri í nýsköp­un­ar­um­hverf­inu hér­lendis þessa stund­ina. Sjóð­ur­inn bætti einnig við að kallað væri eftir því að Norð­ur­löndin legðu sitt af mörkum til að taka þátt í þeim mikla vexti sem á sér stað í staf­rænni þróun á heims­vísu.