Erlendir gestir Iceland Airwa­ves tón­list­ar­há­tíð­ar­innar í Reykja­vík eyddu sam­tals um 1,6 millj­örðum króna í neyslu á hátíð­inni árið 2014. Ferða- gisti- og miða­kostn­aður lækk­aði í heild milli ára en erlendum gestum fjölg­aði frá fyrra ári og gistinætur voru fleiri. Aukn­ing á neyslu milli ára nam um 420 millj­ónum króna. Þetta sýna nið­ur­stöður könn­unar ÚTÓN, útflutn­ings­skrif­stofu íslenskrar tón­list­ar. Síð­ast­liðin fjögur ár hefur ÚTÓN gert könnun á eyðslu erlendra gesta á Iceland Airwa­ves. Helstu nið­ur­stöður fyrir síð­asta ár eru þær að gestir eyddu meiru en áður og gistu lengur en síð­ustu ár.

„Einnig var reikn­aður út tekju­marg­fald­ari, en í hag­fræði er hann not­aður til að reikna út  heild­ar­á­hrif þess þegar ný inn­spýt­ing fjár­magns kemur inn í lokað hag­kerfi. Útreikn­ingar könn­un­ar­innar (tekju­marg­fald­ar­inn) eru byggðir á rit­gerð Ævars Rafns Haf­þórs­sonar til BA prófs í Hag­fræði árið 2013: Hag­ræn áhrif Iceland Airwa­ves 2012. Marg­föld­un­ar­á­hrif.

Þegar tekið er til greina marg­föld­un­ar­á­hrif eru heild­ar­tekjur af erlendum gestum innan Reykja­vík­ur á bil­inu 2,7 til tæp­lega 3 millj­arðar króna. Þessum fjár­munum er að mestu varið í veit­inga­staði og kaffi­hús, þar á eftir í  af­þr­ey­ingu ýmis­konar og í þriðja lagi í versl­un. ­Tekið skal fram að eyðsla utan höf­uð­borg­ar­svæð­is­ins og eyðsla íslenskra gesta er ekki tekin með í reikn­ing­inn,“ segir í til­kynn­ingu frá ÚTÓN. Hér má lesa nið­ur­stöður könn­un­ar­inn­ar í heild.