Í gær greindust fimm COVID-19 smit inn­an­lands, allir utan sótt­kví­ar. Þrír hinna smit­uðu eru full bólu­settir en tveir ekki bólu­settir að fullu. Smitrakn­ing stendur yfir og er lík­legt að á annað hund­rað manns munu fara í sótt­kví vegna þessa.

„Það er ljóst að það er sam­fé­lags­legt smit á land­inu og því er gríð­ar­lega mik­il­vægt að allir fari var­lega á næstu dögum og vik­um, líka þeir sem eru bólu­settir því aug­ljóst er að þeir aðilar geta áfram smit­ast af COVID-19,” segir í til­kynn­ingu frá Hjör­dísi Guð­munds­dótt­ur, upp­lýs­inga­ful­trúa almanna­varna.

„Sér­stak­lega er mik­il­vægt að farið sé var­lega í umgengni við við­kvæma ein­stak­linga sem gætu veikst alvar­lega af COVID-19 jafn­vel þó að þeir séu bólu­sett­ir.”

Tveir greindust inn­an­lands og utan sótt­kvíar í gær og voru þeir báðir bólu­sett­ir.

Þau smit sem hafa komið upp und­an­farna daga hafa teng­ingar við skemmt­ana­líf­ið, stóra fjöl­skyldu- og vina­við­burði, segir Hjör­dís. „Al­manna­varnir hvetja alla til að halda áfram að passa upp á ein­stak­lings­bundnar sótt­varnir og fara í sýna­töku við minnstu ein­kenni, bæði bólu­settir ein­stak­lingar og óbólu­sett­ir.”