Forsætisráherra sakar suma forystumenn verkalýðshreyfingarinnar um að stunda pólitík

10054150805_0c00abdeec_z.jpg
Auglýsing

Sig­mundur Davíð Gunn­laugs­son, for­sæt­is­ráð­herra, sakar ein­staka for­ystu­menn verka­lýðs­hreyf­ing­ar­innar um að stunda póli­tík á kostnað umbjóð­enda sinna í yfir­stand­andi kjara­deil­um. Þetta kom fram í útvarps­þætt­inum Sprengisandi á Bylgj­unni í dag. Sumir verka­lýðs­for­ingjar geri allt hvað þeir geti til gera rík­is­stjórn­inn sem erf­ið­ast fyr­ir.

Aðspurður um hvort honum finn­ist yfir­stand­andi verk­falls­að­gerðir vera póli­tískar, og hvort verka­lýðs­hreyf­ingin væri her­skárri nú en í tíð fyrri rík­i­s­tjórn­ar, sagði for­sæt­is­ráð­herra svo vera.

„Tví­mæla­laust. Mér finnst þetta vera óvenju póli­tískar vinnu­deilur núna, og ég held ég sé ekki einn um það. Ekki af hálfu laun­þeg­anna heldur af hálfu margra for­ystu­manna laun­þega­hreyf­ing­ar­inn­ar. Sem að mínu mati ganga sumir hverjir allt of langt í því að nota stöðu sína sem trún­að­ar­menn þess­ara félaga í póli­tískum til­gangi. Það er að segja í bar­áttu við stjórn­völd á nýjum víg­velli, ef svo má segja, haf­andi talið sig hafa farið hall­oka í kosn­ing­um. Það sem er sér­stak­lega slæmt við þetta er að með því eru þeir hugs­an­lega að fórna hags­munum umbjóð­enda sinna, ef þeir ganga það langt að við missum verð­bólg­una hér á fullt og kjörin rýrna á sama tíma og lánin hækka, það væri býsna dýr póli­tísk aðgerð.“

Auglýsing

Margir þeirra vilja koma rík­i­s­tjórn­inni frá



Aðspurður um hvort um póli­tískar aðgerðir væri að ræða til að koma rík­is­stjórn hans frá völd­um, svar­aði Sig­mundur Dav­íð: „Ef­laust langar þá marga til að koma rík­is­stjórn­inni frá, það er svo sem ekk­ert laun­ung­ar­mál. En hins vegar bitnar verð­bólgan ekki verst á rík­inu. Ríkið getur mjög fljótt lagað sig að verð­bólgu og verð­bólga jafn­vel aukið hag­vöxt og aukið tekjur rík­is­ins ef menn grípa til ráð­staf­ana til að hafa tekjur af verð­bólg­unni, þannig að ríkið mun spjara sig. En það eru helst umbjóð­endur þess­ara for­ystu­manna verka­lýðs­hreyf­ing­ar­innar sem myndu bíða skaða af, sem væri svo gríð­ar­lega mikil synd því núna er ein­stakt tæki­færi til að halda áfram að auka raun­veru­legan kaup­mátt á Íslandi, bæta kjörin og bæta sér­stak­lega kjörin hjá lægri og milli­tekju­hóp­un­um. Von­andi ná menn nú saman um það að skipta þessum ávinn­ingi á sann­gjarnan hátt þannig að við getum stjórn­völd bætt í, haldið áfram að stuðla að auknum jöfn­uði og nýtt öll þessi jákvæðu vopn sem stjórn­völd hafa inn í þessa stöð­u.“

Aðspurður um hvort honum finn­ist verka­lýðs­for­ystan óvenju óbil­gjörn um þessar mund­ir, og hvort hann teldi hana vera að reyna að gera rík­is­stjórn hans sem erf­ið­ast fyr­ir, svar­aði for­sæt­is­ráð­herra: „Mér finnst sumir af for­ystu­mönnum verka­lýðs­hreyf­ing­ar­innar tala með þeim hætti já, þegar þeir fara í það að rök­styðja aðgerðir sínar fyrst og fremst með vísan í póli­tík og óánægju með póli­tíska stefnu og þar fram eftir göt­un­um. Eða bara ein­fald­lega óánægju með það að til­teknir flokkar séu við völd.“

 

 

Mikill munur er orðinn á þeim lánakjörum sem standa íslendingum til boða. Þar skiptir til að mynda máli í hvaða lífeyrissjóð viðkomandi er að borga.
Enn lækka lægstu húsnæðislánavextir – Nú orðnir 1,64 prósent
Munurinn á þeim verðtryggðu vöxtum sem sjóðsfélögum Almenna lífeyrissjóðsins bjóðast og þeim vöxtum sem sjóðsfélögum Lífeyrissjóðs verzlunarmanna bjóðast er nú 38 prósent. Vextir Landsbankans eru tvisvar sinnum hærri en hjá Almenna.
Kjarninn 17. september 2019
Drónaárás skekur markaði um allan heim
Þegar olíuverð hækkar um 10 til 20 prósent yfir nótt þá myndast óhjákvæmilega skjálfti á mörkuðum. Hann náði til Íslands, og stóra spurningin er - hvað gerist næst, og hversu lengi verður framleiðsla Aramco í lamasessi?
Kjarninn 16. september 2019
Landsréttarmálið flutt í yfirdeild MDE 5. febrúar 2020
Ákveðið hefur verið hvaða dómarar muni sitja í yfirdeild Mannréttindadómstóls Evrópu þegar Landsréttarmálið svokallaða verður tekið þar fyrir snemma á næsta ári. Á meðal þeirra er Róbert Spanó, sem sat einnig í dómnum sem felldi áfellisdóm í mars.
Kjarninn 16. september 2019
Hallgrímur Hróðmarsson
Enn er von – Traust almennings til Alþingis mun aukast
Kjarninn 16. september 2019
Agnes M. Sigurðardóttir er biskup Íslands.
Óásættanlegt að þjóðkirkjuprestur hafi brotið á konum
Biskup Íslands og tveir vígslubiskupar hafa sent frá sé yfirlýsingu þar sem þau harma brot fyrrverandi sóknarprests gagnvart konum. Prestinum var meðal annars gefið að hafa sleikt eyrnasnepla konu sem vann með honum.
Kjarninn 16. september 2019
OECD vill að ríkið selja banka, létti á regluverki og setji á veggjöld
Lífskjör eru mikil á Íslandi og flestar breytur í efnahagslífi okkar eru jákvæðar. Hér ríkir jöfnuður og hagvöxtur sem sýni að það geti haldist í hendur. Ýmsar hættur eru þó til staðar og margt má laga. Þetta er mat OECD á íslensku efnahagslífi.
Kjarninn 16. september 2019
Kemur ekki til greina að gera starfslokasamning við Harald að svo stöddu
Ekki kemur til greina hjá dómsmálaráðherra að gera starfslokasamning við Harald Johannessen, ríkislögreglustjóra, að svo stöddu.
Kjarninn 16. september 2019
Hitler, Hekla og hindúismi: Nýaldarnasistinn Savitri Devi
Tungutak fasista er farið að sjást aftur. Savitri Devi er ein einkennilegasta persónan sem komið hefur fram í uppsprettu öfgahópa. Flosi Þorgeirsson, sagnfræðingur, hefur kynnt sér sögu hennar.
Kjarninn 16. september 2019
Meira úr sama flokkiInnlent
None