Forseti ASÍ segir forsætisráðherra torvelda gerð kjarasamninga með ásökunum og hótunum

A121425-1.jpg
Auglýsing

Gylfi Arnbjörnsson, forseti Alþýðusambands Íslands (ASÍ), segir Sigmund Davíð Gunnlaugsson, forsætisráðherra, torvelda gerð kjarasamninga með ásökunum í garð verkalýðsforystunnar og hótunum um skattahækkanir sem hann hafi viðhaft í viðtali í útvarpsþættinum Sprengisandi á Bylgjunni í dag.

Í áðurnefndu útvarpsviðtali sakaði forsætisráðherra „marga“ forystumenn verkalýðshreyfingarinnar um að stunda pólitík í yfirstandandi kjaradeilum á kostnað umbjóðenda sinna. Að þeir gerðu allt hvað þeir geti til að gera ríkisstjórninni sem erfiðast fyrir.

Rikisstjórnin beri sjálf ábyrgð á stöðunni


Forseti ASÍ segir þetta af og frá. „Hins vegar hefur ríkisstjórnin valið sér það hlutskipti að standa vörð um efnameiri fjölskyldur og fyrirtæki í landinu. Við þekkjum þetta með auðlegðarskattinn og skattalækkunina á sjávarútvegsfyrirtækin, sem eru að skila milljarða hagnaði á hverju ári, og það hefur valdið mikilli reiði í landinu. Þeirri kröfu hefur verið beint að verkalýðshreyfingunni að hún krefjist réttlætis og jöfnuðar og það kemur greinilega eitthvað við kaunin á forsætisráðherra að við séum að krefjast þess að hér ríki eitthvað réttlæti,“ segir Gylfi Arnbjörnsson í samtali við Kjarnann.

Forsætisráðherra sagði sömuleiðis í útvarpsviðtalinu á Bylgjunni að til greina komi að hækka skatta á almenning og fyrirtæki í landinu, ef verulegar launahækkanir kynda undir þenslu og verðbólgu. Það sé ein þeirra fáu aðgerða sem stjórnvöld geti gripið til til að viðhalda efnahagslegum stöðugleika.

Auglýsing

Forseti ASÍ minnir í þessu sambandi á að samningar sem ríkið stóð að á síðasta ári, til að mynda við lækna, hafi leitt til þeirrar ólgu sem nú ríki á vinnumarkaði. „Við skulum ekki gleyma því að bæði fjármálaráðherra og forsætisráðherra, og hvernig sá síðarnefndi hvatti til samninga við læknana, geta ekki firrt sig þeirri ábyrgð á því ástandi sem er hérna. En það heyrir algjörlega til nýmæla að forsætisráðherra, í þeirri alvarlegu stöðu sem nú er, það eru tugþúsundir manna að fara í verkfall eftir tvo virka daga, að hann skuli velja sér tímapunktinn til þess að fara fram með þessa vitleysu, að hóta fólki skattahækkunum ef það fær réttmætar launahækkanir. Það er eins og forsætisráðherra vilji ögra fólki til að fara í verkfall.“

Munu krefjast sérákvæðis ef til stendur að hækka skatta


Forseti ASÍ segir að forsætisráðherra hafi torveldað gerð kjarasamninga með ummælum sínum í dag. „Það liggur í augum uppi að verkalýðshreyfingin verður að bregðast við þessum hótunum um skattahækkanir með þeim hætti að krefjast þess að í forsenduákvæði kjarasamninga verði sett inn ákvæði um það að ef ríkisstjórnin hækki skatta á launafólk þá verði samningar lausir,“ segir Gylfi Arnbjörnsson, forseti ASÍ, í samtali við Kjarnann.

 

 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Meiri líkur en minni á því að hægt verði að mynda miðjustjórn sem teygir sig til vinstri
Þrjár gerðir fjögurra flokka stjórna sem innihalda miðju- og vinstriflokka mælast með meiri líkur á að geta orðið til en sitjandi ríkisstjórn hefur á því að sitja áfram.
Kjarninn 20. september 2021
Frá undirritun lífskjarasamningsins í apríl árið 2019.
Forsendur brostnar og örlög lífskjarasamningsins ráðist 30. september
Forsendunefnd ASÍ og SA hefur komist að þeirri niðurstöðu að forsendur lífskjarasamningsins frá 2019 séu brostnar, hvað aðgerðir stjórnvalda varðar. Formaður VR segir að örlög samninganna muni ráðast á fundi samninganefnda ASÍ og SA 30. september.
Kjarninn 20. september 2021
Sonja Ýr Þorbergsdóttir
Einkarekstur í heilbrigðisþjónustu er engin töfralausn
Kjarninn 20. september 2021
Þorvarður Bergmann Kjartansson
Þegar sumir hafa vald yfir öðrum
Kjarninn 20. september 2021
Hildur Gunnarsdóttir
Húsnæðispólitík og arkitektúr
Kjarninn 20. september 2021
Inga Sæland, formaður Flokks fólksins
Gæti kostað 50-60 milljarða að gera 350 þúsund króna laun skatt- og skerðingalaus
Staðreyndavakt Kjarnans skoðar fullyrðingu Ingu Sæland um að færsla á persónuafslætti frá „þeim ríku“ til hinna efnaminni geti fjármagnað 350 þúsund króna skattfrjálsa framfærslu.
Kjarninn 20. september 2021
Segja mikilvægt að undirbúa innviði og regluverk fyrir græna orkuframleiðslu
Íslendingar ættu að nýta þau tækifæri sem felast í orkuskiptum hérlendis og undirbúa innviði og regluverk fyrir samkeppnishæfa framleiðslu á kolefnislausum orkugjöfum, að mati tveggja verkfræðinga hjá EFLU.
Kjarninn 20. september 2021
Jóhann Friðrik Friðriksson
Heilbrigðiskerfi ekki óheilbrigðiskerfi
Kjarninn 20. september 2021
Meira úr sama flokkiInnlent
None