Barna­her­maður í liði með ISIS sést á mynd­bandi, sem her­skár hópur í Homs í Sýr­landi hefur undir hönd­um, afhöfða sýr­lenskan her­mann. Þetta er fyrstu hald­bæru sann­an­irnar fyrir því að börn séu látin fremja slík­ voða­verk fyrir Íslamska rík­ið.

Sér­stakir barna­her­flokkar Íslamska rík­is­ins eru skip­aðir nokkur hund­ruð svoköll­uðum „hvolpum Kalifats­ins“ (e. Cubs of the Calip­hate). Barnið á myndum er eitt þeirra. Börnin eru flest á tán­ings­aldri  og hafa hlotið her­þjálf­un. Flest hafa þau skráð sig hjá ISIS-liðum sem bíða við skóla og moskur á svæðum undir stjórn Íslamska rík­is­ins.

Á mynd­unum sést barnið klætt bún­ingi í felu­litum hald­andi á mann­höfði og blóð­ugum hníf. Her­mað­ur­inn sem myrtur var er tal­inn hafa verið í haldi Íslamska rík­is­ins síðan það náði svæðum í Pal­myra í maí, nærri borg­inni Homs í Sýr­landi.

Rami Abdul Rahman, yfir­maður sam­taka sem fjalla um mann­rétt­indi í Sýr­landi, hefur mynd­bandið undir hönd­um. „Þetta er fyrsta svona til­fellið þar sem barn afhöfðar mann­eskju,“ segir Rahman í sam­tali við Reuters.

Liðs­menn Íslamska rík­is­ins hefur afhöfðað eða myrt sýr­lenska borg­ara, her­menn, erlenda hjálp­ar­starfs­menn og blaða­menn á svæðum sem þeir ráða yfir. Á mynd­böndum sem þeir hafa dreift á inter­net­inu af voða­verk­unum sjást börn jafnan horfa á eða taka þátt í dráp­un­um.

NATO und­ir­býr stærstu her­æf­ingu síðan 2002

Hans-Lothar Dom­rose, her­for­ing­i

Á mið­viku­dag sagði Hans-Lothar Dom­rose, her­for­ingi NATO, segir þáttak­endur munu æfa árás á landi, í lofti og á legi. Sví­þjóð og Aust­ur­ríki munu einnig taka þátt í æfing­unni jafn­vel þó þau séu ekki í NATO. Alls munu 30 ríki taka þátt í æfing­unni sem fram fer á Ítal­íu, Spáni, Portugal og á Mið­jarð­ar­hafi.

Athygli NATO hefur und­an­farna mán­uði verið á Rúss­landi sem það telur vera sí rót­tækara í aðgerðum sin­um. Jens Stol­ten­berg, fram­kvæmda­stjóri NATO, lagði áherslu á að því upp­lausn­ar­á­standi sem ríkir fyrir botni Mið­jarð­ar­hafs verði að ljúka.