Líf­eyr­is­­sjóð­­ur­inn Gildi hefur lagt fram breyt­ing­­ar­til­lögu við til­­lögu stjórnar Eim­skips um kaup­rétt­­ar­á­ætlun fyrir for­­stjóra, æðstu stjórn­­endur og lyk­il­­starfs­­menn félags­­ins. Í til­­lög­unni er lagt til að nýt­ing­­ar­verð kaup­rétt­­ar­­samn­inga verði skil­greint út frá með­al­gengi hluta­bréfa í félag­inu síð­ustu tíu við­skipta­daga eins og það er skráð á Nas­daq Iceland í íslenskum krónum fyrir úthlut­un­ar­dag. Þá skuli nýt­ing­ar­verð vera leið­rétt til lækk­unar fyrir fram­tíðar arð­greiðslum og sam­svar­andi úthlutun til hlut­hafa af eignum félags­ins, krónu fyrir krónu. Nýt­ing­ar­verð skuli einnig  vera leið­rétt með þriggja pró­senta árs­vöxtum ofan á áhættu­lausa vexti fram að nýt­ing­ar­degi.

Gildi er þriðji stærsti eig­andi Eim­skips með 10,45 pró­­sent hlut. Sam­herji Hold­ing er stærsti eig­and­inn með 32,79 pró­­sent hlut og Bald­vin Þor­steins­son, ein helsti eig­andi Sam­herja hf., er sem stendur stjórn­­­ar­­for­­maður Eim­skips. Líf­eyr­is­­sjóður verzl­un­ar­manna er næst stærsti eig­and­inn með 11,94 pró­­sent eign­­ar­hlut. Birta, Líf­eyr­is­­sjóður starfs­­manna rík­­is­ins (LS­R)  og líf­eyr­is­sjóð­ur­inn stapi eiga svo  sam­tals 13,96 pró­­sent. Sam­an­lagt eiga þessir fimm líf­eyr­is­­sjóðir því 36,35 pró­sent hlut í Eim­skip, eða meira en Sam­herji Hold­ing.

Ekki á að umb­una stjórn­endum nema arð­semi sé við­un­andi

Stjórn Eim­skips hefur lagt til að komið verði á fót kaup­rétt­ar­kerfi fyrir for­stjóra, fram­kvæmda­stjóra og lyk­il­starfs­menn félags­ins sem ætlað er að tengja hags­muni rétt­hafa við afkomu og lang­tíma­mark­mið félags­ins og hlut­hafa þess. Í til­lögu stjórnar er gert er ráð fyrir því að nýt­ing­ar­verð kaup­rétt­ar­samn­inga hækki um þrjú pró­sent árlega. Þá er gert ráð fyrir að for­stjóra og æðstu stjórn­endum verði gert skylt að halda eftir ákveðnum fjölda hluta þar til ákveðnu marg­feldi af grunn­launum er náð, þegar skattar hafa verið dregnir frá, allt til starfs­loka hjá félag­inu.

Gildi er ekki sátt við þessa veg­ferð og vill gera á henni ofan­greindar breyt­ing­ar. Það sé gert í því skyni að tengja betur saman hags­muni kaup­rétt­ar­hafa og hlut­hafa með því að færa nýt­ing­ar­verðið nær þeirri ávöxt­un­ar­kröfu sem gerð er til hluta­bréfa. „Það felur í sér að ekki sé for­senda til að umb­una stjórn­endum með þessum hætti ef hlut­hafar fá ekki við­un­andi arð­semi á sína fjár­fest­ingu í félag­in­u.“

Breyt­ing­ar­til­lagan er auk þess eðli­leg að mati sjóðs­ins í ljósi núver­andi heild­ar­launa stjórn­enda félags­ins og ann­arra mögu­leika þeirra á árang­urstengdum greiðsl­um. „Ætti þessi við­bót jafn­framt að mati sjóðs­ins að leiða til þess að minni þörf verði á almennum hækk­unum á launum stjórn­enda horft fram í tím­ann. Að lokum vill Gildi benda á að núver­andi mark­aðs­að­stæður geta verið erf­iður tíma­punktur til inn­leið­ingar á kaup­rétt­ar­kerfum þannig að þau þjóni til­gangi sínum og tengi raun­veru­lega saman lang­tíma­hags­muni stjórn­enda og hlut­hafa.“ 

Gildi lagði einnig fram breyt­ing­­ar­til­lögu við til­­lögu stjórnar Sím­ans um kaup­rétt­­ar­á­ætlun fyrir for­­stjóra, æðstu stjórn­­endur og lyk­il­­starfs­­menn félags­­ins. Sjóð­ur­inn  var einnig einn þeirra líf­eyr­is­­sjóða sem lagð­ist gegn til­­lögu stjórnar um kaupauka- og kaup­rétt­­ar­­kerfi hjá Icelandair Group á aðal­­fundi þess félags í síð­­­ustu viku. Sú til­­laga var sam­­þykkt með naumum meiri­hluta.