Græn­ingjar mæl­ast nú trekk í trekk stærsta stjórn­mála­afl Þýska­lands í skoð­ana­könn­un­um, þegar fimm mán­uðir eru til kosn­inga. Kristi­legir demókrat­ar, flokkur Ang­elu Merkel, sem hafa farið með stjórn­ar­taumana í land­inu und­an­farin 16 ár virð­ast eiga í vök að verj­ast eftir að flokk­arnir kynntu kansl­ara­efni sín í apr­íl­mán­uði.

Græn­ingjar hafa ekki verið með for­ystu í skoð­ana­könn­unum síðan árið 2019, en ýmsir sam­verk­andi þættir eru taldir valda því að flokk­ur­inn, sem var sá sjötti stærsti á þýska þing­inu eftir kosn­ing­arnar árið 2017, er nú með rúm­lega fjórð­ungs­fylgi í skoð­ana­könn­unum í flestum til­fellum að mæl­ast stærri en Kristi­legir demókratar á lands­vísu.

Í fyrsta lagi er það óánægja Þjóð­verja með stífar sótt­varn­ar­að­gerðir sem hafa verið við lýði und­an­farna mán­uði, en eftir að hafa verið með ágætis tök á far­aldr­inum í upp­hafi þessa árs versn­aði staðan mjög, gripið var til harðra aðgerða sem hefur reynst erfitt að vinda ofan af og rík­is­stjórn Merkel lá undir ámæli frá lang­þreyttum þýskum þegnum fyrir að missa stjórn á stöð­unni. Hæga­gangur í bólu­setn­ingu framan af vori bætti ekki þessa stöðu ráð­andi afla.

Í öðru lagi eru það kansl­ara­efnin sjálf, en Græn­ingjar kynntu Önnu­lenu Baer­bock sem kansl­ara­efni sitt sinn um sama leyti og til­kynnt var að Armin Laschet leið­togi Kristi­legra demókrata myndi leiða kosn­inga­banda­lag flokks­ins og syst­ur­flokks­ins í Bæj­ara­landi, eins og Kjarn­inn fjall­aði um í apr­íl­mán­uð­i.

Anna­lena Baer­bock þykir öfl­ugur stjórn­mála­maður með skýra og trú­verð­uga sýn á umhverf­is­mál, sem eru mörgum Þjóð­verjum hug­leik­in, ekki síst yngri kyn­slóð­um. Að sama skapi virð­ist ljóst að mörgum þykir Armin Laschet ekk­ert sér­stak­lega spenn­andi stjórn­mála­maður og hefur hann jafn­vel átt erfitt með að fylkja sínum eigin flokks­mönnum að baki sér, sam­kvæmt skoð­ana­könn­un­um.

Í könn­unum á milli kansl­ara­efna þriggja stærstu flokk­anna und­an­farnar vikur hefur Baer­bock verið með tölu­verða for­ystu, en á bil­inu 26-32 pró­sent nefna hana sem væn­leg­asta kansl­ara­kost­inn þegar valið stendur á milli henn­ar, Laschet og for­manns Sós­í­alde­mókrata, Olaf Scholz. Fimmtán til átján pró­sent hafa nefnt Laschet í þessu þriggja hesta kapp­hlaupi en þrettán til tutt­ugu pró­sent hafa talið Scholz væn­leg­asta kost­inn í und­an­förnum könn­un­um. Stór hluti aðspurðra, eða yfir þriðj­ung­ur, kýs þó að velja ekk­ert þeirra.

Þýskir stjórn­mála­skýrendur telja margt óvíst um hvernig mál muni þró­ast á næstu mán­uð­um.

Stefan Merz hjá rann­sókna­fyr­ir­tæk­inu Infratest Dimap sagði við breska blaðið Guar­dian á dög­unum að þrátt fyrir að staðan væri Græn­ingjum hag­felld í dag gæti það breyst eftir að þorri þýsku þjóð­ar­innar verður orð­inn bólu­settur fyrir COVID-19 og hömlum í sam­fé­lag­inu verður aflétt.

„Ef sam­fé­lags­um­ræðan fær­ist yfir á efna­hags­málin á þeim tíma­punkti gætu Kristi­legir demókratar unnið sig til bak­a,“ sagði Merz.