Ávöxtun norska olíu­sjóðs­ins nam 9,4 pró­sentum á fyrstu sex mán­uðum árs­ins og var hún aðal­lega drifin áfram af hækkun hluta­bréfa­verðs, sam­kvæmt nýlega birtum hálfs­árs­reikn­ingi sjóðs­ins. Heild­ar­virði hans nemur 166 billjónum íslenskra króna, sem jafn­gildir 30 millj­ónum króna á hvern íbúa Nor­egs.

Hluta­bréfa­eign sjóðs­ins skil­aði honum tölu­verðri ávöxtun á tíma­bil­inu, eða um 13,7 pró­sent. Þessi hækkun var aðal­lega vegna verð­hækk­ana á hluta­bréfum í banda­rískum fyr­ir­tækj­um, sem námu 17 pró­sent, auk þess sem evr­ópsk fyr­ir­tæki hækk­uðu um 13,5 pró­sent í virði.

1,8 milljón á mann í tækniris­unum

Nær helm­ingur hluta­bréfa­eigna sjóðs­ins er í banda­rískum fyr­ir­tækj­um. Hlut­deildin er stærst í App­le, Microsoft, Alp­habet (áður Goog­le), Amazon og Face­book, en þessi fyr­ir­tæki eru gjarnan kölluð Tæknirisarnir (e. Big Tech).

Sam­an­lagt virði hlut­deild­ar­innar í þessum fyr­ir­tækjum nemur 9,79 billjónum króna, en það jafn­gildir 1,8 millj­ónum íslenskra króna á hvern Norð­mann. Meira en helm­ingur þess­arar upp­hæðar er bund­inn í Apple eða Microsoft.

Tæpt pró­sent af öllum hluta­bréfum heims­ins

Sam­kvæmt vef­síð­unni Statista nam heild­ar­virði allra hluta­bréfa á 20 stærstu kaup­höllum heims­ins 110 billjónum Banda­ríkja­dala síð­ast­lið­inn júní. Ef gert er ráð fyrir að lang­flest hluta­bréf séu skráð á þessum mörk­uðum má áætla að hluta­bréfa­eign norska olíu­sjóðs­ins nemi tæpu pró­senti af öllum hluta­bréfum í heimi.

Til sam­an­burðar nemur sam­an­lagt mark­aðsvirði allra félaga á aðal­mark­aði Kaup­hall­ar­innar 2.242 millj­örðum króna, en það jafn­gildir um 0,02 billjónum Banda­ríkja­dala. Norski olíu­sjóð­ur­inn er því rúm­lega 50 sinnum verð­mæt­ari heldur en öll fyr­ir­tæki í Kaup­höll­inni á Íslandi.