Vöru­skipti við útlönd voru nei­kvæð um 6,4 millj­arða króna á fyrstu sjö mán­uðum árs­ins. Á því tíma­bili fluttu Íslend­ingar inn vörur fyrir 391,5 millj­arða króna en út fyrir um 385,2 millj­arða króna. Á sama tíma árið 2014 voru vöru­skiptin óhag­stæð um 7,6 millj­arða króna. Vert er að hafa í huga að stórar fjár­fest­ingar íslenskra fyr­ir­tækja hafa haft tölu­verð áhrif á aukn­ingu í inn­flutn­ingi. Alls er inn­flutn­ingur á fyrstu sjö mán­uðum árs­ins 17,2 pró­sent meiri en hann var á sama tíma­bili í fyrra vegna hrá- og rekstr­ar­vöru og kaupa á flug­vél­um. Þetta kemur fram í nýjum tölum frá Hag­stofu Íslands sem birtar voru í morg­un.

Iðn­að­ar­vörur eru 54,2 pró­sent alls útflutn­ings það sem af er ári og er verð­mæti þerira 24,8 pró­sent hærra en árið áður. Þar skiptir útflutn­ingur á áli mestu. Sjáv­ar­af­urðir hafa alls verið 41,6 pró­sent vöru­út­flutn­ings og verð­mæti þeirra hefur verið 19,3 pró­sent hærra en í fyrra, aðal­lega vegna útflutn­ings á fiski­mjöli.

Tekjur íslenska þjóð­ar­bús­ins vegna ferða­þjón­ustu reikn­ast ekki inn í vöru­skipta­jöfn­um, heldur telj­ast þær til þjón­ustu­út­flutn­ings. Tölur um þjón­ustu­við­skipti verða birtar á morg­un.