Jean-Claude Juncker, for­seti fram­kvæmda­stjórnar Evr­ópu­sam­bands­ins, seg­ist hneyksl­aður á fram­göngu stjórn­valda í Grikk­landi, með Syr­iza flokk­inn í broddi fylk­ing­ar, og sakar þau um vin­sæld­ar­brölt og óheið­ar­leika. Hann segir að fólkið í Grikk­landi eigi skilið að fá að „heyra sann­leik­ann“ því fjár­mála­ráð­herrar ríkja ­Evr­ópu­sam­bands­ins hafi verið opnir fyrir því að halda áfram við­ræð­um, sem og full­trúar ann­arra kröfu­hafa Grikk­lands. Þetta kom fram á blaða­manna­fundi sem Juncker hélt fyrr í dag, og breska rík­is­út­varpið BBC segir frá.

Grísk stjórn­völd hafa ákveðið að halda þjóð­ar­at­kvæða­greiðslu um fram­haldið 5. júlí næst­kom­andi. Nú hafa fjár­mála­ráð­herrar og leið­togar stærstu ríkja Evr­ópu­sam­bands­ins, Frakk­lands, Þýska­lands og Ítal­íu, sagt að þjóð­ar­at­kvæða­greiðslan muni í reynd snú­ast um hvort Grikkir vilji vera áfram hluti af evru­svæð­inu eða ekki, og taki þá upp drök­muna á nýjan leik, en það var þjóð­ar­gjald­mið­ill Grikk­lands þar til evran var tekin upp árið 2002.

Eins og greint var frá í morg­un, þá telur hópur sér­fræð­inga hjá tíma­rit­inu The Economist telur 60 pró­sent líkur á að grískir kjós­endir styðji við ríkj­andi stjórn­völd og hafni samn­ingn­um. Alls er þó óvíst hvort atkvæða­greiðslan hafi nokk­urt gildi þegar uppi er stað­ið. Hluti af fyrra neyð­ar­láni Alþjóða­gjald­eyr­is­sjóðs­ins til Grikk­lands fellur á gjald­daga á þriðju­dag og það er óvíst að gjald­daga verði frestað svo auð­veld­lega.

Grísk stjórn­völd til­kynntu í gær að bankar í land­inu myndu ekki opna í dag og hefur verið ákveðið að þeir verði lok­aðir alla vik­una. Ein­ungis verður hægt að taka út 60 evrur á dag úr hrað­bönkum á meðan lok­unin stendur yfir, jafn­virði tæp­lega níu þús­und króna. Efna­hags- og banka­hrun virð­ist blasa við Grikkj­um, þó óvissa ríki um hvert fram­haldið verður eftir þjóð­ar­at­kvæða­greiðsl­una.

Mark­aðir hafa tekið óviss­unni í Grikk­landi illa. Hluta­bréf hafa víð­ast hvar í Evr­ópu lækkað í verði, en fjár­festar hafa þó ekki tekið skyndi­á­kvarðnir um sölu eða til­færslu á fjár­magni, með til­heyr­andi miklum lækk­un­arafleið­ing­um, að því er segir á vef Wall Street Journal.

Mikil óvissa ríkir um lend­ingu á skulda­vanda Grikkja en samn­inga­við­ræðum við önnur evru­ríki um frek­ari neyð­ar­lán var slitið á laug­ar­dag. Í kjöl­farið til­kynnti Alexis Tsipras, for­sæt­is­ráð­herra Grikk­lands, að mál­ið, og samn­ings­til­lögur lán­ar­drottna, fari í þjóð­ar­at­kvæði þann 5. júlí næst­kom­andi.

The dignity of the Greek people in the face of black­mail and inju­st­ice will send a message of hope and pride to all of Europe. #Greece

— Alexis Tsipras (@tsipras_eu) June 28, 2015