Sig­mar Guð­munds­son, þing­maður Við­reisn­ar, spurði Katrínu Jak­obs­dóttur for­sæt­is­ráð­herra um það í óund­ir­búnum fyr­ir­spurn­ar­tíma á Alþingi í dag hvort hún teldi að það þyrfti ekki að skoða þá atburða­rás sem átti sér stað í aðdrag­anda þess að Sig­urður Ingi Jóhanns­son inn­við­a­ráð­herra baðst afsök­unar á rasískum ummælum fyrr í dag.

Þar vís­aði Sig­mar til við­bragða Ing­veldar Sæmunds­dótt­ur, aðstoð­ar­manns Sig­urðar Inga, sem birt­ust í kjöl­far þess að fyrstu fréttir voru sagðar af ummælum Sig­urðar Inga um Vig­­­dísi Häsler, fram­­­kvæmda­­­stjóri Bænda­­­sam­­­taka Íslands. Þar var ráð­herr­ann sagður hafa vísað til Vig­­dísar sem „hinnar svörtu“ í sam­­kvæmi á fimmt­u­­dags­­kvöld. Ing­veldur vís­að því á bug í sam­tali við DV um helg­ina að ráð­herra hefði notað það orða­lag og sagði orð­rétt: „Þetta er algjört bull.“

Sig­urður Ingi baðst hins vegar afsök­unar á ummæl­unum síð­degis í dag og sagði orðin sem hann hefði notað hafa verið „óvið­ur­kvæmi­leg.“

Sagði Sig­mari að spyrja Sig­urð Inga

Sig­mar sagði að skoða þyrfti að afsök­un­ar­beiðni Sig­urðar Inga í ljósi þeirrar atburða­rás­ar. „Ég velti því fyrir mér hvort að þessi gas­lýs­ing sem að birt­ist okkur um helg­ina, hvort hæst­virtur for­sæt­is­ráð­herra svari okkur ekki með aðeins efn­is­meiri hætti, því eins leið­in­legt og mér þykir að standa hér í þessum ræðu­stól og tala um þetta þá er það alveg gríð­ar­lega mik­il­vægt. Verðum við ekki að velta fyrir atburða­rásinni áður en beðist var afsök­unar og hver er hljómur afsök­un­ar­beiðni þegar aðdrag­and­inn er þessi?“

Gas­lýs­ing er tækni sem á ensku kall­ast „gaslight­ing“, Í henni felst að neita stans­­laust allri sök, afvega­­leiða, setja fram mót­sagn­ir, ljúga upp á fólk afstöðu, hengja sig í öll auka­at­riði og hanna nýja atburða­rás eftir á sem hentar mál­­stað þess sem er að verja sig.

Katrín svar­aði því til að hún sæi ekki ástæðu til að draga heil­indi afsök­un­ar­beiðni Sig­urðar Inga í efa. „Hvað varðar orð aðstoð­ar­manns hæst­virts ráð­herra þá hlýt ég hins vegar að vísa vanga­veltum hátt­virts þing­manns til hæst­virts inn­við­a­ráð­herra þar sem téður aðstoð­ar­maður starfar. Ég ætla ekki að tjá mig um það hér­.“·

Kjarn­inn hefur reynt að ná sam­bandi við Ing­veldi, Sig­urð Inga og Sig­trygg Magna­son, hinn aðstoð­ar­mann Sig­urðar Inga, í dag vegna máls­ins en án árang­ur­s. 

„Duldir for­­dómar eru gríð­­ar­­legt sam­­fé­lags­­mein“

Vig­­­dís birti stöð­u­­­upp­­­­­færslu fyrr í dag þar sem hún sagði að „afar sær­andi ummæli“ hefðu verið látin falla og að hún hefði heyrt þau, sem og fleira starfs­­­­fólk Bænda­­­­sam­tak­anna.

Hún sagði að hún hefði aldrei talið að hún þyrfti að setj­­­­­ast niður og skrifa yfir­­­lýs­ingu af þessu tagi. „Að­­stoð­­ar­­maður ráð­herr­ans var ekki við hlið hans þegar ummælin voru látin falla, eins og hún hefur haldið fram en myndir úr þess­­ari mynda­­töku sýna það án alls vafa. Það er sær­andi þegar reynt er að gera lítið úr upp­­lifun minni og þegar bein­línis rangar skýr­ingar eru not­aðar við það. Ég stend með sjálfri mér þegar kemur að þessu, ég veit hvað ég heyrði, ég veit hvað var sagt. Ég neita að bera ábyrgð á þeim orðum sem ráð­herr­ann við­hafði í minn garð. Duldir for­­dómar eru gríð­­ar­­legt sam­­fé­lags­­mein og grass­era á öllum stigum sam­­fé­lags­ins. Þeir smætta verk ein­stak­l­inga og gjörðir niður í lit eða kyn.“

Í kjöl­far hennar birti Sig­urður Ingi eigin stöðu­upp­færslu og baðst afsök­un­ar.