Ásgeir Sveins­son sigr­aði í próf­kjöri Sjálf­stæð­is­flokks­ins í Mos­fellsbæ sem fram fór í gær. Ásgeir hlaut 697 atkvæði eða 69% gildra atkvæða þegar öll atkvæði höfðu verið tal­in. Í öðru sæti var Jana Katrín Knúts­dóttir og Rúnar Bragi Guð­laugs­son hafn­aði í þriðja.

Kristín Ýr Pálm­ars­dótt­ir, sem sótt­ist eftir þriðja sæti á lista flokks­ins í bæn­um, segir Ásgeir, Rúnar og fleiri hafa smalað atkvæð­um. Í færslu sem hún birti á Face­book-­síðu sinni í gær­kvöldi þegar úrslit voru kunn segir hún að fólk sem láti ekki kjósa sig af eigin verð­leikum heldi smali fólki í kringum sig sé með minni­mátt­ar­kennd. Slíkt fólk er ekki leið­togar í hennar huga. Kristín er vara­bæj­ar­full­trúi Sjálf­stæð­is­flokks­ins í Mos­fellsbæ en hefur nú sagt sig úr flokkn­um. „Ég er búin að segja síðan í nóv­em­ber að svona yrðu úrslitin við mitt fólk eftir að hafa unnið með þeim í 4 ár,“ segir Kristín í færslu sinni.

Kol­brún G. Þor­steins­dótt­ir, sem sótt­ist eftir odd­vita­sæti í próf­kjör­inu, segir í athuga­semd við færslu Krist­ínar að hún ætli ekki að kjósa flokk­inn í vor. Kol­brún hafn­aði í fjórða sæti í próf­kjör­inu en hún hefur setið í bæj­ar­stjórn frá 2014.

Kristín segir það jákvæða sem kom út úr nið­ur­stöðu próf­kjörs­ins sé að hún þurfi ekki lengur að „starfa með þessum tveimur trúð­um“ og á hún þá að öllum lík­indum við Ásgeir sem varð í fyrsta sæti og Rúnar Braga Guð­laugs­son sem varð í þriðja sæti.

Har­aldur Sverr­is­son, bæj­ar­stjóri í Mos­fells­bæ, hefur ákveðið að gefa ekki kost á sér til áfram­hald­andi setu í bæj­ar­stjórn. Eftir úrslit próf­kjörs­ins í gær er ljóst að Ásgeir, sem er bæj­ar­full­trúi í Mos­fells­bæ, for­maður bæj­ar­ráðs og skipu­lags­nefnd­ar, verður bæj­ar­stjóra­efni flokks­ins í sveit­ar­stjórn­ar­kosn­ingum í vor.

Úrslit próf­kjörs­ins voru þessi:

Í fyrsta sæti er Ásgeir Sveins­son með 697 atkvæði með 69% gildra atkvæða.

Í öðru sæti er Jana Katrín Knúts­dóttir með 380 atkvæði í 1. – 2. sæti eða 37,6% gildra atkvæða

Í þriðja sæti er Rúnar Bragi Guð­laugs­son með 429 atkvæði sam­an­lagt í 1. – 3. sæti eða 42,5% gildra atkvæða.

Í fjórða sæti er Kol­brún G. Þor­steins­dóttir með 412 atkvæði sam­an­lagt í 1. – 4. sæti eða 40,8% gildra atkvæða.

Í fimmta sæti er Hjörtur Örn Arn­ar­son með 477 atkvæði sam­an­lagt í 1. – 5. sæti eða 47,2% gildra atkvæða.

Í sjötta sæti er Arna Haga­líns­dóttir með 437 atkvæði sam­an­lagt í 1. – 6. sæti eða 43,3% gildra atkvæða.

Í sjö­unda sæti er Hilmar Stef­áns­son með 497 atkvæði sam­an­lagt í 1. – 7. sæti eða 49,2% gildra atkvæða.

Alls greiddu 1.044 atkvæði í próf­kjör­inu. Gild atkvæði eru 1.010. Auð og ógild atkvæði eru 34.

Upp­fært 7. febr­ú­ar: Í gær­kvöldi, sunnu­dags­kvöld, virt­ist sem færsla Krist­ínar hefði verið fjar­lægð af Face­book en svo er ekki. Færslan er opin og öllum aðgengi­leg.