Tón­list­ar­konan Láru Rún­ars er að vinna að útgáfu sinnar fimmtu plötu Þel. Fyrstu plöt­una gaf hún út rúm­lega tví­tug og segir sjálf að ýmis­legt hafi breyst síð­an. „Núna er til­veran full af skríkj­andi börnum og óhreinu taui en stundum er hún flókin eins og hún var þegar ég var tví­tug. Maður er alltaf að takast á við alls­konar krefj­andi hluti og sem betur fer hættir maður aldrei að leita að því besta í sjálfum sér. Á þess­ari plötu held ég áfram að leita og á stöku stað finn ég eitt­hvað en svo heldur ferða­lagið áfram.“

Hvernig mynd­irðu lýsa tón­list­inni þinni?

"Þessi plata er alveg sér­stök og ólík fyrri verk­um. Hún er draum­kennd og ævin­týra­leg. Lögin eru til­finn­inga­þrungin en björt. Við Stefán Örn, sem vann hana með mér, lögðum upp með að gera ein­falda plötu en hún end­aði ein­fald­lega marg­slung­in. Það er mikið af fal­legum blást­urs útsetn­ingum á henni og oft byrja lögin rólega en enda í flug­elda­sýn­ingu. Þegar ég sem lög þá er það alltaf lag­línan með ég leita uppi, síðan kemur allt hitt. Tón­listin mín er þannig ævin­týra­lega til­rauna­kennd popptón­list sem gætir áhrifa úr ýmsum átt­um. Það er hægt að tryggja sér ein­tak í for­sölu eða miða á útgáfu­tón­leik­ana mina í Frí­kirkj­unni 4. júní inni á hóp­fjár­mögn­un­ar­síð­unni karolina­fund.com. Þar er ég að safna fyrir útgáf­unni á plöt­unni og eru aðeins 2 dagar eftir og ég verð að ná 100% til að verk­efnið fari af stað."

https://soundclou­d.com/l­ararun­ar­s/rosir

 

Semur í fyrstu per­sónu

Hvaðan færðu inn­blást­ur?

"Inn­blást­ur­inn kemur aðal­lega frá fólki, hvernig það getur haft áhrif á mig. Ég sem oft­ast í fyrstu per­sónu því mér sjálfri finnst per­sónu­leg lög betri en lög sem segja sögu af ein­hverjum öðr­um. En ann­ars sæki ég inn­blástur frá nátt­úr­unni, fjöl­skyld­unni, virð­ing­unni og von­inni. Þegar ég var að semja þessa plötu var ég bæði í kenn­ara­námi í jóga­fræðum og að læra kynja­fræði þannig að ég sótti inn­blástur frá þessum tveimur frá­bæru en ólíku þekk­ing­ar­heim­um."

Hvaðan kemur nafnið Þel?

"Þel er innsti kjarni og mér fannst það lýsa verk­inu vel. Þetta er fyrsta platan mín sem er ein­göngu sungin á íslensku en árið 2006 gaf ég út plöt­una Þögn, sem var næstum öll sungin á íslensku. Þel og Þögn, Þagn­ar­innar Þel, Þels­ins Þögn. Þetta bara spilar vel sam­an."

Hægt er að skoða verk­efnið nánar og leggja því lið hér.

https://soundclou­d.com/l­ararun­ar­s/l­ararun­ars­svefn­geng­ill