Konur í Sádí-­Ar­abíu munu fá að kjósa og bjóða sig fram til kosn­inga í fyrsta sinn í des­em­ber næst­kom­andi. Þá fara fram sveit­ar­stjórn­ar­kosn­ingar í land­inu. Kjós­endur þurfa að skrá sig til að kom­ast á kjör­skrána, og skrán­ingin hófst víð­ast hvar í gær.

Tvær kon­ur, þær Safinaz Abu al-S­hamat og Jamal al-Saadi, urðu fyrstar kvenna í sögu rík­is­ins til þess að kom­ast inn á kjör­skrána. Þetta gerð­ist reyndar um síð­ustu helgi, en skrán­ing hófst þá í Mekka og Med­ínu.

Búist er við því að um 70 konur muni bjóða sig fram í kosn­ing­un­um, og að um 80 konur til við­bótar muni skrá sig sem kosn­inga­stjóra. Hvorki karlar né konur munu mega nota myndir af sér til að aug­lýsa sig. Á kjör­dag verða svo aðskildir kjör­staðir fyrir kyn­in.

Kosn­inga­réttur kvenna hefur lengi verið bar­áttu­mál í þessu mjög íhalds­sama ríki, þar sem konum er enn bannað að keyra og þar sem kerfið geri ráð fyrir því að þær séu undir for­sjá karla, og þurfi leyfi slíks ef þær vilja fara í háskóla, vinna, ferðast, höfða mál á hendur ein­hverjum og í ein­hverjum til­vikum einnig ef þær þurfa að gang­ast undir lækn­is­hend­ur.

Þátt­taka kvenna í kosn­ingum er því mik­il­vægt skref í átt að auk­inni sam­fé­lags­þátt­töku kvenna, að mati Nouf al-Sa­d­iq, meist­ara­nema í Mið­aust­ur­landa­fræðum við George Was­hington háskól­ann. Hún telur það einnig mik­il­vægt skref í átt að hóf­sam­ara sam­fé­lag­i. Fawzia Abu Khalid, stjórn­mála­fé­lags­fræð­ingur við King Saud háskóla, segir svo við Al Jazeera að sú ákvörðun að heim­ila konum að kjósa end­ur­spegli víð­tæk­ari breyt­ingar sem muni verða á sam­fé­lag­inu.

Þó benda aðrir á að kynja­mis­rétti sé svo inn­gróið í rík­inu að það þurfi alls­herj­ar­yf­ir­haln­ingu til þess að raun­veru­legar breyt­ingar verði. Þrátt fyrir þennan kosn­inga­rétt og kjör­gengi í sveit­ar­stjórn­ar­kosn­ingum verði sýni­leiki kvenna og völd lít­il. Sveita­stjórnir hafi lítil völd.