Lands­bank­inn, sem er í rík­i­s­eigu, hagn­að­ist um 7,6 millj­arða króna á fyrsta árs­fjórð­ungi árs­ins 2021. Arð­semi eig­in­fjár hans var 11,7 pró­sent. Um 2,5 millj­arðar króna af hagn­að­inum er vegna jákvæðrar virð­is­breyt­inga á útlánum sem eru til­komnar vegna þess að spár um efna­hags­bata og ítar­legt mat á útlána­safni þótti gefa til­efni til þess. Kostn­að­ar­hlut­fall bank­ans – hlut­fall rekstr­ar­kostn­aðar af rekstr­ar­tekjum – var 45,8 pró­sent sem er það lægsta á meðal þriggja stærstu banka lands­ins. 

Þetta kemur fram í upp­gjöri Lands­bank­ans fyrir fyrstu þrjá mán­uði árs­ins sem birt var í dag. 

Hagnaðurinn var rúm­lega tvisvar sinnum meiri en á fyrsta árs­fjórð­ungi síð­asta árs, þegar Lands­bank­inn hagn­að­ist um 3,6 millj­arða króna. 

Heild­ar­eignir Lands­bank­ans juk­ust um 36,8 millj­arða króna á tíma­bil­inu og námu 1.601 millj­­arði króna í lok fyrsta árs­fjórð­ungs. Útlán juk­ust um 14 millj­arða króna en útlána­aukn­ingin á fjórð­ungnum má rekja til aukn­ingar á lánum ein­stak­linga. Þar er að uppi­stöðu um að ræða hús­næð­is­lán en hlut­deild Lands­bank­ans á íbúða­lána­mark­aði er nú 26,8 pró­sent og hefur aldrei verið hærri. Til sam­an­burðar var sú hlut­deild 22 pró­sent í lok mars í fyrra. 

Eigið fé Lands­bank­ans var 261,4 millj­arðar króna í lok mars síð­ast­lið­ins og eig­in­fjár­hlut­fallið var 24,9 pró­sent. Á aðal­fundi bank­ans, sem hald­inn var þann 24. mars 2021, var sam­þykkt til­laga banka­ráðs um að greiða arð til hlut­hafa vegna rekstr­ar­árs­ins 2020 að fjár­hæð 4.489 millj­ónir króna og hefur arð­ur­inn verið greiddur út. Hann rennur á langstærstu leyti í rík­is­sjóð. 

Lilja Björk Ein­ars­dótt­ir, banka­stjóri Lands­bank­ans, segir í til­kynn­ingu til Kaup­hallar Íslands vegna upp­gjörs­ins að það beri hæst í upp­gjör­inu að þjón­ustu­tekjur hafi auk­ist og sér í lagi tekjur vegna auk­inna umsvifa í mark­aðsvið­skipt­um, ekki síst vegna góðs árang­urs bank­ans í eigna­stýr­ingu. „Góð afkoma er af verð­bréfum í eigu bank­ans og vaxta­tekjur eru traust­ar. Vaxta­munur fer þó enn lækk­andi en þar munar mestu um áherslu bank­ans á að bjóða mjög sam­keppn­is­hæfa vexti á hús­næð­is­lán­um. Vel hefur gengið að halda rekstr­ar­gjöldum í skefjum og hag­kvæmni í rekstri bank­ans heldur áfram að aukast. Hlut­fall rekstr­ar­kostn­aðar af með­al­stöðu heild­ar­eigna er 1,5 pró­sent og hefur lækkað jafnt og þétt und­an­farin ár.“