Yfir 200 tonn af mat­vælum bíða afgreiðslu á hafn­ar­bakk­anum í Sund­ar­höfn. Ekki er hægt að leysa vör­urnar út og koma þeim í versl­anir vegna kjara­deilu dýra­lækna hjá Mat­væla­stofn­un, en þeir eru í verk­falli sem hefur staðið yfir í rúmar þrjár vik­ur. Dýra­lækn­arnir þurfa að votta allar inn­fluttar mat­vör­ur. Frá þessu er greint í Frétta­blað­inu í dag.

Eina und­an­þágu­beiðnin sem hefur verið sam­þykkt er vegna ung­barna­mjólk­ur.

Mik­ill skortur er á nauta­kjöti, kjúklinga­kjöti og fersku svína­kjöti á inn­an­lands­mark­aði vegna verk­falls dýra­lækna. Slátrun á svínum og ali­fuglum hefur verið heim­iluð með þeirri kröfu að afurðir fari í frost og að ekki verði unnið úr þeim fyrr en verk­falli lýk­ur.

Ekk­ert kjöt hefur þrátt fyrir þetta verið flutt til lands­ins. Sum þeirra mat­væla sem bíða afgreiðslu í Sunda­höfn eru með stuttum tíma­stimpli og gætu skemmst. Á meðal þeirra eru kjúklingar og nauta­kjöt.

Í Frétta­blað­inu segir Jón Gísla­son, for­stjóri Mat­væla­stofn­un­ar, að engin heim­ild hafi feng­ist fyrir inn­flutn­ingi á mat­vælum á meðan verk­fallið hefur staðið yfir.