Vikan frá 17. ágúst til dags­ins í dag er mesta lækk­un­ar­vika á mörk­uðum frá því árið 1986, eða í næstum þrjá­tíu ár, sé horft til verð­bréfa­mark­aða og hrá­vara í senn. Olían hélt áfram að lækka og var olíu­verðið í lok dags á föstu­dag komið niður fyrir 40 Banda­ríkja­dali á tunn­una. Frá því í júní hefur það lækkað um 35 pró­sent. Sam­hliða lækk­uðu hluta­bréfa­vísi­tölur um allan heim, með­al­tali um nálægt sjö pró­sent.

Barist um mark­aðs­hlut­deild

„Það er aug­ljóst að stórir olíu­fram­leið­endur eru að berj­ast um mark­aðs­hlut­deild, þar á meðal Rúss­ar, Sádi-­Ara­bar og Banda­ríkja­menn,“ segir John Kilduff, sér­fræð­ingur hjá Again Capi­tal LLC vog­un­ar­sjóðnum í New York, í sam­tali við Bloomberg.

Því er spáð að olíu­verð muni hald­ast lágt, eða í lægri kant­in­um, á þessu ári þar sem ójafn­vægi eru tölu­vert milli fram­boðs og eft­ir­spurnar í heims­bú­skapn­um. Þrátt fyrir að dregið hafi úr eft­ir­spurn hefur fram­leiðsla ekki dreg­ist saman nema að litlu leyti, sem þrýstir verð­inu frekar niður á við, að því er segir í frétt Bloomberg.

Comm­odities Cof­fee -9.1% Oil -6.6% Natural Gas -4.9% Bloomberg C Index -2.8% Copper -2.7% Sil­ver +0.5% Iron Ore -1.1% Corn +0.5% Gold +4.3%

Auglýsing

Auglýsing

— Lawrence McDon­ald (@Con­vert­bond) Aug­ust 23, 2015

Getur dregið úr verð­bólgu hér á landi

Ol­íu­verð hefur mikil áhrif á gang mála á hrá­vöru­mörk­uð­um, og verð­lagn­ingu á öðrum vörum  þar sem olíu þarf til fram­leiðslu, svo dæmi sé tek­ið. Þannig tengj­ast verð­sveiflur á olíu verði á ýmsum vöru­teg­und­um. Gera má ráð fyrir að þessar hröðu verð­lækk­anir á olíu, um 35 pró­sent á tveimur mán­uð­um, eigi að ein­hverju leyti  eftir að koma fram í verð­lagi á Íslandi, einkum á inn­fluttum vör­um. Á innan við ári hefur tunnan af olíu fallið í verði úr 110 Banda­ríkja­dölum niður í 40 nú. Verð­þró­unin eins og hún er nú setur þrýst­ing verð­lag niður á við, en verð­bólga ­mælist 1,9 pró­sent þessa dag­ana, undir 2,5 pró­sent verð­bólgu­mark­miði Seðla­bank­ans.