Stefnt gæti í verk­falla­hrynu opin­berra starfs­manna í Bret­landi svip­aða þeirri sem varð á átt­unda ára­tug síð­ustu ald­ar, bregð­ist stjórn­völd ekki við. Starfs­fólk breska járn­braut­ar­kerf­is­ins er á leið í verk­fall sem mun lama helm­ing leið­ar­kerf­is­ins í strax í næstu viku og útlit er fyrir að verk­föll bæði kenn­ara og heil­brigð­is­starfs­fólks gætu fylgt í kjöl­far­ið.

Um er að ræða verk­föll vegna kröfu um launa­hækk­anir opin­berra starfs­manna í sam­ræmi við verð­bólgu, sem hefur farið upp úr öllu valdi í Bret­landi líkt og víða ann­ars staðar vegna inn­rásar Rúss­lands í Úkra­ínu. Verð­bólgan í Bret­landi mælist nú um 9,2%, en breski seðla­bank­inn hefur varað við því að hún gæti náð allt að 11% í haust.

Verk­föll starfs­fólk breska járn­braut­ar­kerf­is­ins eru fyr­ir­huguð á þriðju­dag, fimmtu­dag og laug­ar­dag í vik­unni sem hefst á morg­un, en nú hafa stærstu kenn­ara­sam­tök Bret­lands til­kynnt að bjóð­ist kenn­urum ekki launa­hækkun í betra sam­ræmi við verð­bólg­una fyrir mið­viku­dag­inn muni félagið til­kynni mennta­mála­ráð­herra Bret­lands að boðað verði til atkvæða­greiðslu innan félags­ins um hugs­an­legar verk­falls­að­gerðir í haust.

Þá gætu fleiri stór­tíð­indi verið á leið­inni þegar starfs­fólki breska heil­brigð­is­kerf­is­ins NHS verða kynntar árlegar launa­hækk­anir í vik­unni, en útlit er fyrir að þær verði mun lægri en verð­bólg­an. Tals­menn stétt­ar­fé­lags heil­brigð­is­starfs­fólks segja tvennt í stöð­unni fyrir bresk stjórn­völd: að bjóða heil­brigð­is­starfs­fólki sann­gjarnar kjara­bætur í sam­ræmi við verð­bólg­una eða horfa upp á fjölda­upp­sagnir og hugs­an­legar verk­falls­að­gerðir innan heil­brigð­is­kerfis sem þegar sé þan­ið.

Talið er að bresk yfir­völd hygg­ist bjóða heil­brigð­is­starfs­fólki, kenn­urum og millj­ónum ann­arra opin­berra starfs­manna 3 til 4 pró­senta launa­hækk­an­ir, en betur má ef duga skal þegar verð­bólga í land­inu er yfir 9%, segja sér­fræð­ing­ar. Þá harðn­aði gagn­rýn­in, sem og lík­urnar á fjölda­verk­föll­um, tals­vert þegar seðla­bank­inn spáði fyrir um allt að 11% verð­bólgu á árinu.

Þús­undir komu saman í mið­borg London í gær til að krefj­ast aðgerða af hálfu stjórn­valda til að koma til móts við hækk­andi fram­færslu­kostn­að. Tveir við­mæl­endur The Guar­dian sögðu fjölda skóla­barna ekki fá nóg að borða heima hjá sér og að for­eldrar þyrftu að velja á milli þess að gefa börn­unum sínum að borða, ekki sjálfum sér, og að borga leigu.