Björn Leví Gunn­ars­son er einn þeirra þing­manna sem hefur tjáð sig opin­ber­lega um atburða­rás síð­ast­lið­inna vikna er varðar sölu rík­is­ins á 22,5 pró­senta hluta í Íslands­banka í mars síð­ast­liðn­um. Hann segir meðal ann­ars að það sé „ótrú­legt hvað þessir stjórn­ar­lið­ar“ leiti langt til þess að snúa öllu á hvolf.

Rík­is­end­ur­skoðun og Fjár­mála­eft­ir­lit Seðla­bank­ans hafa hafið rann­sókn á útboði Banka­sýsl­unnar en mörgum innan stjórn­ar­and­stöð­unnar þykir það ekki nægi­legt og vilja að sér­stök rann­sókn­ar­nefnd Alþingis verði skipuð til að rann­saka mál­ið.

Katrín Jak­obs­dóttir for­sæt­is­ráð­herra hefur sagt að hún vilji fyrst frá nið­ur­stöðu þess­ara tveggja stjórn­sýslu­ein­inga áður en áfram er hald­ið. Ekki margir VG liðar hafa tjáð sig um málið und­an­farið en Stein­unn Þóra Árna­dóttir þing­maður VG sagði í stöðu­upp­færslu á Face­book fyrr í dag að þau í VG hefðu frá upp­hafi verið skýr með það að fara yrði nákvæm­lega yfir það hvernig staðið var að fram­kvæmd­inni á sölu Íslands­banka. „Fjár­mála­eft­ir­lit Seðla­bank­ans og Rík­is­end­ur­skoð­un, sem er alger­lega sjálf­stæð í vinnu sinni, hafa þegar hafið athugun á mál­inu. Mér finnst mik­il­vægt að Alþingi sýni Rík­is­end­ur­skoðun fullt traust til að ljúka rann­sókn sinn­i,“ skrifar hún á Face­book.

Rann­sókn á söl­unni á Íslands­banka í réttum far­vegi

Telur Stein­unn Þóra að þeirri rann­sókn lok­inni verði hægt að leggja mat á það hvort stofna beri sér­staka rann­sókn­ar­nefnd um málið til að upp­lýsa það enn frek­ar.

Hún segir að það að byrja rann­sókn­ina hjá Rík­is­end­ur­skoðun sé eðli­legur upp­haf­s­punktur rann­sókn­ar. Í lögum um rann­sókn­ar­nefndir Alþingis sé fjallað um hvenær rétt sé að skipa rann­sókn­ar­nefnd. Þar segi meðal ann­ars að við und­ir­bún­ing slíkrar til­lögu og áður en hún er lögð fram skuli sér­stak­lega leggja mat á til­efni og grund­völl rann­sókn­ar, hvert sé mögu­legt umfang hennar og afmörkun og hvort önnur úrræði séu til­tæk.

Þá segi enn fremur að áður en til­laga um skipun rann­sókn­ar­nefndar er lögð fram skuli leita umsagnar for­seta Alþingis um þau atriði sem til­greind eru í lög­um. Við und­ir­bún­ing hennar sé for­seta Alþingis heim­ilt að leita umsagnar rík­is­end­ur­skoð­anda og umboðs­manns Alþingis um til­lög­una.

Vísar Stein­unn Þóra jafn­framt í grein­ar­gerð með frum­varp­inu en þar segir að rétt sé að árétta að skipun rann­sókn­ar­nefndar sé úrræði sem beri ein­ungis að nota ef ein­sýnt er að ekki er unnt að not­ast við hin hefð­bundnu rann­sóknar­úr­ræði. Úrræðið sé sér­úr­ræði og mik­il­vægt að á það sé litið sem slíkt og að til þess sé ekki gripið nema nauð­syn­legt sé.

„Á þessu má sjá að rann­sókn á söl­unni á Íslands­banka er í réttum far­veg­i,“ skrifar þing­maður VG.

Af hverju að bíða?

Björn Leví Gunn­ars­son þing­maður Pírata bregst við þessum orðum Stein­unnar Þóru í dag og spyr á Face­book af hverju bíða eigi eftir Rík­is­end­ur­skoðun þegar heim­ilt sé að leita umsagnar um skipan rann­sókn­ar­nefnd­ar.

„Þegar rík­is­end­ur­skoðun klárar núver­andi rann­sókn – ef þingið telur til­efni til þess að koma á fót rann­sókn­ar­nefnd þá þarf mögu­lega aftur að leita til rík­is­end­ur­skoð­unar um álit á til­lögu um rann­sókn­ar­nefnd. Af hverju ekki að stofna rann­sókn­ar­nefnd fyrst – og biðja um umsögn rík­is­end­ur­skoð­unar við því?“ spyr hann.

Björn Leví segir að ef rík­is­end­ur­skoðun myndi telja óþarft að stofna rann­sókn­ar­nefnd þá kæmi það fram í umsögn­inni. „Það er ótrú­legt hvað þessir stjórn­ar­liðar leita langt til þess að snúa öllu á hvolf.“

„Gilda hin svoköll­uðu arms­lengd­ar­sjón­ar­mið um hæfi ekki við þær aðstæð­ur?“

Þor­björg Sig­ríður Gunn­laugs­dóttir þing­maður Við­reisnar fjall­aði um málið á Face­book-­síðu sinni í gær og benti á að for­sæt­is­ráð­herra hefði talað um það að bíða þyrfti nið­ur­stöðu rann­sóknar áður en dómar væru felldir um hvernig til tókst með útboðið á tæpum fjórð­ungs­hluta í Íslands­banka. Engu að síður hefði Katrín sjálf ekki beðið nið­ur­stöðu neinnar rann­sóknar áður en hún kynnti frum­varp um að leggja Banka­sýsl­una nið­ur.

„Ljóst er af orðum hennar að stofn­unin verður einmitt og akkúrat lögð niður í beinum tengslum við hvernig til tókst. Hún beið hvorki nið­ur­stöðu Rík­is­end­ur­skoð­unar né Fjár­mála­eft­ir­lits­ins áður en frétta­til­kynn­ing var send út um enda­lok Banka­sýsl­unn­ar.

For­sæt­is­ráð­herra hefur hins vegar ekk­ert nefnt í hvaða stöðu ráð­herra er þegar eft­ir­lits­stofnun sem heyrir undir hann rann­sakar mál sem hann ber ábyrgð á. Undir fjár­mála­ráðu­neytið fellur opin­bert eft­ir­lit með fjár­mála­starf­semi sam­kvæmt vef­síðu fjár­mála­ráðu­neyt­is. Fjár­mála­ráð­herra er sam­kvæmt því æðsti yfir­maður Fjár­mála­eft­ir­lits sem nú rann­sakar þætti sem hann ber ábyrgð á. Und­ir­stofnun hans er um leið í þeirri stöðu að rann­saka þætti sem fjár­mála­ráð­herra ber ábyrgð á. Gilda hin svoköll­uðu arms­lengd­ar­sjón­ar­mið um hæfi ekki við þær aðstæð­ur?“ spyr hún.