Ráðherrar hafi ekki gagnrýnt eitt né neitt í ferlinu og stjórnvöld verið ítarlega upplýst

Stjórn og starfsfólk Bankasýslunnar segir að framkvæmd útboðsins í Íslandsbanka hafi verið „í nánu samstarfi við stjórnvöld“, sem hafi verið „ítarlega upplýst um öll skref sem stigin voru“ og ekki komið fram með neina formlega gagnrýni.

Lárus Blöndal stjórnarformaður og Jón Gunnar Jónsson forstjóri Bankasýslu ríkisins.
Lárus Blöndal stjórnarformaður og Jón Gunnar Jónsson forstjóri Bankasýslu ríkisins.
Auglýsing

Stjórn og starfs­fólk Banka­sýslu rík­is­ins segir að orða­lag í yfir­lýs­ingu for­manna rík­is­stjórn­ar­flokk­anna í dag, um ann­marka við fram­kvæmd útboðs á hlut á Íslands­banka, hafi komið „á óvart“. Í yfir­lýs­ingu frá stjórn og starfs­fólki, sem send var á fjöl­miðla síð­deg­is, segir að fram­kvæmd útboðs­ins hafi verið „í nánu sam­starfi við stjórn­völd“, sem hafi verið „ít­ar­lega upp­lýst um öll skref sem stigin vor­u“.

Þar segir einnig að stjórn og starfs­fólk hafi unnið að fram­kvæmd útboðs­ins „með fag­mennsku og heið­ar­leika í fyr­ir­rúmi“ og að stofn­unin hafi litið svo á að „fram­kvæmd útboðs­ins væri þannig að fullu í sam­ræmi við vilja stjórn­valda“ enda hefðu „engin fyr­ir­mæli eða við­brögð rík­i­s­tjórnar borið merki um ann­að, hvorki í aðdrag­anda þess né eftir að því var lok­ið.“

„Þannig taldi stjórn og starfs­fólk Banka­sýsl­unnar sig vinna í fullu umboði fjár­mála­ráð­herra og rík­is­stjórn­ar,“ segir í yfir­lýs­ing­unni og er því bætt við að engin form­leg gagn­rýni hafi borist Banka­sýsl­unni frá ráð­herrum rík­is­stjórn­ar­innar á fram­kvæmd útboðs­ins, þó komið hafi fram að ráð­herrar hafi verið ósáttir við að Banka­sýsla rík­is­ins taldi ekki heim­ilt að birta lista yfir kaup­endur í útboð­inu.

„Það mat Banka­sýsl­unnar byggði á álitum fleiri en eins utan­að­kom­andi lög­fræði­ráð­gjafa stofn­un­ar­inn­ar,“ segir í yfir­lýs­ing­unni sem stjórnin og starfs­menn stofn­un­ar­innar senda frá sér í dag.

Hana má lesa í heild sinni hér að neð­an, en í morgun birt­ist skyndi­lega til­kynn­ing á vef Stjórn­ar­ráðs Íslands frá for­mönnum stjórn­ar­flokk­anna þriggja þess efnis að til stæði að leggja niður Banka­sýslu rík­is­ins.

Þar sagði að „þeir ann­mark­ar“ sem í ljós hefðu komið „við und­ir­bún­ing og fram­kvæmd sölu á eign­ar­hluta rík­is­ins í fjár­mála­fyr­ir­tækj­um“ hefðu „leitt í ljós þörf­ina fyrir end­ur­skoðun á lagaum­gjörð og stofn­ana­fyr­ir­komu­lag­i.“

Yfir­lýs­ing frá stjórn og starfs­fólki Banka­sýslu rík­is­ins

Í stjórn­ar­sátt­mála rík­is­stjórnar Íslands var Banka­sýslu rík­is­ins fengið það hlut­verk að selja allan eign­ar­hlut rík­is­ins í Íslands­banka fyrir árs­lok 2023 væru mark­aðs­að­stæður hag­felld­ar.

Árið 2021 var 35% eign­ar­hlutur í Íslands­banka seldur í frumút­boði sem skil­aði rík­is­sjóði rúmum 55 millj­örðum króna. Í fram­haldi var tekin ákvörðun um að selja næsta hlut með svoköll­uðu til­boðs­fyr­ir­komu­lagi.

Í sam­ræmi við lög var óskað eftir umsögn og athuga­semdum frá bæði fjár­laga­nefnd og efna­hags- og við­skipta­nefnd Alþing­is. Þá var einnig óskað eftir form­legri umsögn Seðla­banka Íslands. Allt ferlið var opin­bert og nákvæm tíma­setn­ing þess er skráð á heima­síðu Banka­sýslu rík­is­ins og í frétta­til­kynn­ingum til kaup­hall­ar.

Þann 22. mars síð­ast­lið­inn var 22,5% hlutur rík­is­ins í Íslands­banka seldur með til­boðs­fyr­ir­komu­lagi og feng­ust rúmir 52,6 millj­arðar króna fyrir hlut­inn. Sala með þessu fyr­ir­komu­lagi felur í sér lokað útboð á hlutum í þegar skráðu félagi til hæfra fjár­festa og er algeng­asta sölu­að­ferð eftir frumút­boð á hluta­bréfum í evr­ópskum fyr­ir­tækj­um.

Auglýsing

Í öllum gögnum frá Banka­sýsl­unni kom fram að helsti gall­inn við til­boðs­fyr­ir­komu­lag væri að ekki væri gert ráð fyrir þátt­töku almennra fjár­festa í ferl­inu. Rík­is­sjóður á enn 42,5% hlut í Íslands­banka og er hlut­ur­inn met­inn á um 100 millj­arða. Þann hlut á eftir að selja og var m.a. gert ráð fyrir þátt­töku almenn­ings í næstu skref­um.

Útboð á 22,5% hlut í fullu sam­ræmi við yfir­lýst áform

Fram­kvæmd við söl­una sem fram fór í mars var á grund­velli for­senda sem fram komu í frum­varpi til fjár­laga fyrir árið 2022 og í fullu sam­ræmi við ákvörðun fjár­mála­ráð­herra, kynn­ingar Banka­sýsl­unnar fyrir ráð­herra­nefnd rík­i­s­tjórn­ar­innar um efna­hags­mál, fjár­laga­nefnd og efna­hags- og við­skipta­nefnd Alþingis og Seðla­banka Íslands, eig­anda­stefnu rík­is­ins fyrir fjár­mála­fyr­ir­tæki, ákvæði laga nr. 88/2009 og laga nr. 155/2012 og við­teknum venjum á hluta­bréfa­mörk­uð­um.

Fram­kvæmd útboðs­ins fór eins fram og því hafði verið lýst af hálfu stofn­unnnar frá upp­hafi til loka, í nánu sam­starfi við stjórn­völd sem voru ítar­lega upp­lýst um öll skref sem stigin voru.

Stjórn og starfs­fólk Banka­sýslu rík­is­ins hafa unnið að fram­kvæmd útboðs­ins í sam­ræmi við ofan­greindar for­sendur með fag­mennsku og heið­ar­leika í fyr­ir­rúmi. Leit stofn­unin svo á að fram­kvæmd útboðs­ins væri þannig að fullu í sam­ræmi við vilja stjórn­valda enda hafa engin fyr­ir­mæli eða við­brögð rík­i­s­tjórnar borið merki um ann­að, hvorki í aðdrag­anda þess né eftir að því var lok­ið. Þannig taldi stjórn og starfs­fólk Banka­sýsl­unnar sig vinna í fullu umboði fjár­mála­ráð­herra og rík­is­stjórn­ar.

Engin form­leg gagn­rýni hefur borist Banka­sýsl­unni frá ráð­herrum rík­is­stjórn­ar­innar á fram­kvæmd útboðs­ins þó komið hafi fram að ráð­herrar hafi verið ósáttir við að Banka­sýsla rík­is­ins taldi ekki heim­ilt að birta lista yfir kaup­endur í útboð­inu. Það mat Banka­sýsl­unnar byggði á álitum fleiri en eins utan­að­kom­andi lög­fræði­ráð­gjafa stofn­un­ar­inn­ar.

Um yfir­lýs­ingu for­manna

Stjórn Banka­sýsl­unnar telur þá umræðu sem skap­ast hefur í kjöl­far útboðs­ins að miklu leyti varða þau póli­tísku álita­efni sem sann­ar­lega koma upp vegna söl­unnar á Íslands­banka. Ljóst er að það sam­ræm­ist ekki hlut­verki Banka­sýsl­unnar að taka þátt í slíkri umræðu eða taka afstöðu til henn­ar.

Stjórn Banka­sýsl­unnar fagnar yfir­stand­andi skoðun á fram­kvæmd útboðs­ins af hálfu þar til bærra eft­ir­lits­að­ila og ekki mun standa á Banka­sýsl­unni við aðstoð og veit­ingu upp­lýs­inga er það varð­ar.

Frá því að Banka­sýslan tók til starfa í árs­byrjun 2010 hefur hún farið með eign­ar­hluti rík­is­ins í fjár­mála­fyr­ir­tækjum sam­kvæmt lög­um. Verð­mæti þeirra eigna sem Banka­sýsl­unni var falið að hafa umsjón með hefur marg­fald­ast á starfs­tíma stofn­un­ar­innar svo nemur hund­ruðum millj­arða króna. Alls hefur stofn­unin inn­heimt 377 millj­arða króna í formi arð­greiðslna og sölu­and­virði eigna til rík­is­sjóðs og eft­ir­stæðar eignir í umsjón Banka­sýsl­unnar eru vænt­an­lega yfir 400 millj­arðar kr. Af þessum árangri er starfs­fólk og stjórn Banka­sýsl­unnar stolt.

Þrátt fyrir að lengi hafi legið fyrir að til stæði að leggja niður Banka­sýslu ríks­ins kom orða­lag yfir­lýs­ingar for­manna stjórn­ar­flokk­anna, um ann­marka við fram­kvæmd útboðs­ins, stjórn og starfs­mönnum Banka­sýsl­unnar á óvart.

Í ljósi frétta­flutn­ings fjöl­miðla í dag telur stjórn og starfs­menn Banka­sýsl­unnar nauð­syn­legt að koma ofan­greindum sjón­ar­miðum og upp­lýs­ingum á fram­færi.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Katrín Jakobsdóttir, formaður Vinstri grænna og forsætisráðherra.
Fylgi Vinstri grænna hefur aldrei mælst minna í könnun Gallup – 7,2 prósent styðja flokkinn
Píratar hafa næstum því tvöfaldað fylgi sitt frá síðustu kosningum og Samfylkingin hefur aukið sitt fylgi um tæplega 40 prósent. Sjálfstæðisflokkur mælist undir kjörfylgi en Framsókn siglir lygnan sjó.
Kjarninn 2. júlí 2022
Það sem er sérstakt við spjöld þessi er að í stað þess að á þeim séu myndir og upplýsingar um landsliðsmenn í knattspyrnu eru þar að finna sögur verkafólks sem látist hafa við undirbúning mótsins.
Gefa út „fótboltaspil“ með verkafólki sem látist hefur við undirbúninginn í Katar
Þúsunda farandsverkamanna er minnst í átaki sænsku rannsóknarblaðamannasamtakanna Blankspot til að vekja athygli á mannlega kostnaðnum við Heimsmeistaramótið sem hefst í nóvember.
Kjarninn 2. júlí 2022
Alls fóru 0,0002% af fjármagni í COVID-viðbragðsáætlunum í að uppræta kynbundið ofbeldi
Ríki sem eiga sterka femíníska hreyfingu hafa verið talsvert líklegri til að taka tillit til kynjasjónamiða í COVID-19 áætlunum sínum en þau ríki þar sem engin eða veik femínísk hreyfing er við lýði, samkvæmt nýrri skýrslu.
Kjarninn 2. júlí 2022
Heimili eru talin ábyrg fyrir tonnum á tonn ofan af matvælum sem fara í ruslið.
Svona spornar þú við sóun í sumarfríinu
Það vill enginn koma heim í ýldulykt eftir gott frí. Þá vilja eflaust flestir ekki umturnast í umhverfissóða á ferðalaginu. Hér eru nokkur ráð til njóta sumarleyfisins langþráða án þess að koma heim í fýlu.
Kjarninn 2. júlí 2022
Þórður Snær Júlíusson
Partíið er búið
Kjarninn 2. júlí 2022
Alls 16 prósent ungra kjósenda fylgdist ekkert með pólitískum fréttum í kosningabaráttunni
Það færist í aukana að fólk fái fréttir af íslenskum stjórnmálum í gegnum netið og sérstaklega samfélagsmiðla. Fleiri 18 til 25 ára kjósendur notuðu samfélagsmiðla til að nálgast upplýsingar um síðustu kosningar en sjónvarpsfréttir.
Kjarninn 2. júlí 2022
Þorbjörg Sigríður spurði Bjarna Benediktsson um grænar fjárfestingar ríkisins.
Um 2 prósent af fjárfestingum ríkisins teljast „grænar“
Miðað við þrönga skilgreiningu námu grænar fjárfestingar um 2 prósentum af heildarfjárfestingum ríkisins í fyrra. Ef notast er við víðari skilgreiningu og t.d. framlög til nýs Landspítala tekin með, er hlutfallið 20 prósent.
Kjarninn 1. júlí 2022
Bjarni Beneditsson fjármála- og efnahagsráðherra.
„Gjör rétt – ávallt“
Fjármála- og efnahagsráðherra segir að laun dómara eins og annarra æðstu embættismanna séu ekki lækka. Um sé að ræða leiðréttingu. Hann segir að það sé ekkert minna en siðferðisbrestur að skila því ekki sem ofgreitt var úr opinberum sjóðum.
Kjarninn 1. júlí 2022
Meira úr sama flokkiInnlent