Rannveig Rist, stjórnarmaður í HB Granda, ætlar ekki að þiggja launahækkun

rannveig.rist-.jpg
Auglýsing

Rann­veig Rist, for­stjóri Rio Tinto Alcan á Íslandi og aðal­maður í stjórn Sam­taka atvinnu­lífs­ins, ætlar ekki að þiggja 33,3 pró­sent launa­hækkun fyrir að sitja í stjórn HB Granda. Hún segir í til­kynn­ingu að eftir á að hyggja sé hækk­unin á milli ára ekki í takti við stöðu kjara­mála á Íslandi og því muni hún ekki þiggja hana.

Í til­kynn­ingu sinni segir Rann­veig að þar sem gagn­rýni á ákvörð­un hlut­hafa HB Granda um þóknun til stjórnar fyr­ir­tæk­is­ins hafi að hluta til beinst sér­stak­lega að sér vegna, stöðu hennar í stjórn Sam­taka atvinnu­lífs­ins, vilji hún taka fram að  hlut­hafar hafi sam­þykkt til­ög­u ­stjórnar um þóknun stjórn­ar­manna með öllum greiddum atkvæð­um. Hún sé ekki hlut­hafi. "Á milli aðal­funda urðu þær breyt­ingar hjá HB Granda að fyr­ir­tækið var skráð á Aðal­markað NAS­DAQ OMX Iceland. Það felur í sér að meira reynir á stjórn­ar­hætti fyr­ir­tæk­is­ins en áður, sem ekki er óeðli­legt að end­ur­speglist að ein­hverju leyti í þóknun stjórn­ar. ­Þrátt fyrir hækk­un­ina er þóknun stjórn­ar­manna hjá HB Granda sú næst­lægsta meðal fyr­ir­tækja á Aðal­l­ist­an­um. Eftir á að hyggja er hækk­unin á milli ára hins vegar úr takti við stöðu kjara­mála á Íslandi. Ég hef því ákveðið að þiggja hana ekki."

Harð­lega gagn­rýnt víða



Ákvörðun HB Granda um hækkun launa stjórn­ar­manna um svo hátt hlut­fall hefur verið harð­lega gagn­rýnd víða. Stjórn stétt­ar­fé­lags­ins Efl­ingar sendi til að mynda frá sér ályktun í dag þar sem seg­ir: „Sú ákvörðun stjórnar HB Granda á síð­asta aðal­fundi að hækka stjórn­ar­laun fyr­ir­tæk­is­ins um 33% kemur eins og blaut tuska framan í starfs­menn fyr­ir­tæk­is­ins og launa­fólk í þeim kjara­við­ræðum sem nú standa yfir þar sem Sam­tök atvinnu­lífs­ins hafa boðið launa­fólki tíunda hluta þessa fjár­hæðar í launa­hækk­un."

Í til­kynn­ing­unni segir að ákvörðun aðal­fundar HB Granda lýsi „bæði takt­leysi og sið­leysi gagn­vart fólk­inu á gólf­inu sem hefur byggt upp HB Granda með vinnu sinni og auk­inni fram­leiðslu ár eftir ár.“ Er ákvörð­unin sögð vera algjör­lega „óboð­leg“.

Auglýsing

Efl­ing for­dæmir einnig ákvörðun stjórnar HB Granda fyrir þær arð­greiðslur sem fyr­ir­tækið hefur ákveðið að færa eig­endum sínum á síð­asta aðal­fundi fyr­ir­tæk­is­ins. „Í stað þess að fyr­ir­tækið deili ávinn­ingnum af upp­bygg­ingu og arð­semi af rekstri með starfs­mönnum sín­um, hafa eig­endur ákveðið að taka allan arð­inn sem deilt er út í eigin vasa,“ segir í til­kynn­ing­u Efl­ing­ar.

For­sæt­is­ráð­herra ­segir þetta kol­röng og óábyrg skila­boð



Sig­mundur Davíð Gunn­laugs­son for­sæt­is­ráð­herra gagn­rýndi hækk­an­irnar líka í ræðu sinni á árs­fundi Sam­taka atvinnu­lífs­ins í dag. Þar sagði hann að tug­pró­senta hækkun stjórn­ar­launa í fyr­ir­tækjum vera "kol­röng og óábyrg skila­boð inn í sam­fé­lagið á þessum tíma. Við þurfum sam­eig­in­lega að byggja upp þjóð­fé­lag festu og stöð­ug­leika og slíkar hækk­anir hjálpa ekki til við það.“

Krist­ján Lofts­son, stjórn­ar­for­maður HB Granda, hefur hins vegar varið ákvörð­un­ina. Hann sagði í sam­tali við RÚV í gær að ekki komi til greina að draga ákvörðun um aðgreiðslu og þriðj­ungs­hækkun á þóknun stjórn­ar­manna til baka. „Ég held að það sé ekk­ert óhóf í þessu að mínu mati, og ef þú færir yfir list­ann í þessu í Kaup­höll­inni þá held ég að Grandi sé í einu af neðstu sæt­un­um,“ sagði Krist­ján.

Innleiðingarhalli EES-gerða innan við eitt prósent þriðja árið í röð
Innleiðingarhalli EES-gerða á Íslandi stendur í 0,7 prósentum. Hallinn náði hámarki árið 2013 þegar hann nam 3,2 prósentum.
Kjarninn 16. júlí 2019
Katrín Baldursdóttir
Flokksskírteini leið til frama
Kjarninn 16. júlí 2019
Lífeyrisjóður verzlunarmanna lækkar óverðtryggða vexti
Lífeyrissjóður verzlunarmanna hefur lækkað fasta vexti á óverðtryggðum lánum úr 6,12 prósentum í 5,14 prósent. Í kjölfar breytingarinnar eru þetta lægstu föstu vextir óverðtryggðra lána sem í boði eru.
Kjarninn 16. júlí 2019
Íslenska ríkið braut gegn Styrmi og Júlíusi
Mannréttindadómstóll Evrópu telur íslenska ríkið hafa brotið gegn Styrmi Þór Bragasyni, fyrrum forstjóra MP banka, og Júlíusi Sigurþórssyni, fyrrum framkvæmdastjóra vörustýringasviðs Húsasmiðjunnar.
Kjarninn 16. júlí 2019
Duterte íhugar að slíta stjórnmálasambandi við Ísland
Rodrigo Duterte, forseti Filippseyja, íhugar alvarlega að slíta stjórnmálasambandi við Ísland í kjölfar ályktunar Íslands í mannréttindaráði Sameinuðu þjóðanna.
Kjarninn 16. júlí 2019
Píratar greiddu gegn tilnefningu Birgittu í trúnaðarráð flokksins
Birgitta Jónsdóttir mun ekki sitja í trúnaðarráði Pírata eftir að tilnefningu hennar í ráðið var hafnað í atkvæðagreiðslu á félagsfundi Pírata. Alls kusu 55 gegn og 13 með tilnefningu Birgittu í trúnaðarráð Pírata.
Kjarninn 16. júlí 2019
Persónuvernd annar ekki eftirspurn
Eftir að ný persónuverndarlöggjöf tók gildi síðasta sumar hefur kvörtunum til Persónuverndar fjölgað um 70 prósent en löggjöfin gerir fólki kleift að stýra sínum persónuupplýsingum betur. Persónuvernd hefur ekki náð að sinna eftirspurn að öllu leyti.
Kjarninn 16. júlí 2019
Ástþór Ólafsson
Styrkjandi áhrif til eftirbreytni
Kjarninn 15. júlí 2019
Meira úr sama flokkiInnlent
None