Samningur við Thorsil fallinn úr gildi vegna vanefnda

Engin viðbrögð bárust frá Thorsil ehf. í kjölfar þess að stjórn Reykjaneshafnar ákvað fyrir ári að segja upp lóða- og hafnarsamningi vegna vanefnda. Fyrirtækið hugðist reisa fjögurra ljósbogaofna kísilver í Helguvík.

Kísilver Thorsil átti að rísa á lóð í Helguvík samkvæmt samningi við Reykjaneshöfn. Hann er nú fallinn úr gildi.
Kísilver Thorsil átti að rísa á lóð í Helguvík samkvæmt samningi við Reykjaneshöfn. Hann er nú fallinn úr gildi.
Auglýsing

„Thorsil hafði eitt ár frá upp­sögn til að ganga frá sínum mál­um. Það var ekki gert og því var upp­sögn lóða­leigu­samn­ings­ins haldið til streit­u.“

Þetta segir Kjartan Már Kjart­ans­son, bæj­ar­stjóri Reykja­nes­bæj­ar, um nýlega sam­þykkt stjórnar Reykja­nes­hafnar þar sem segir að litið sé svo á að lóð­ar- og hafn­ar­samn­ingur við Thorsil ehf. sé úr gildi fall­inn. Thorsil hafði gert samn­ing um lóð við Berg­hóla­braut á iðn­að­ar­svæð­inu í Helgu­vík þar sem fyr­ir­tækið hugð­ist reisa kís­il­ver.

Í jan­úar árið 2019 hvatti meiri­hluti bæj­ar­stjórnar bæði Arion banka og Thorsil að falla frá öllum áformum um upp­bygg­ingu og rekstur kís­il­málm­verk­smiðja í Helgu­vík og til að taka frekar þátt í annarri atvinnu­upp­bygg­ingu í sátt við fólkið í sveit­ar­fé­lag­inu og umhverf­ið.

Auglýsing

Reykja­nes­höfn og Thorsil ehf. und­ir­rit­uðu í apríl árið 2014 lóð­ar- og hafn­ar­samn­ing. Á fundi stjórnar Reykja­nes­hafnar í maí í fyrra var sam­þykkt að segja samn­ingnum upp þar sem fyr­ir­tækið hefði van­efnt samn­ings­skyldur sín­ar. Í bókun stjórn­ar­innar var rifjað upp að með upp­bygg­ingu kís­il­vers­ins hafi átt að skap­ast „vel launuð störf“ og umsvif við höfn­ina enn­fremur að aukast. Mörg ár séu liðin frá und­ir­skrift en „ekk­ert bólar á fyr­ir­hug­aðri starf­sem­i“.

Fram kom auk þess í bók­un­inni að fyr­ir­liggj­andi væru samn­ings­við­aukar aðila þar sem kveðið væri á um greiðslu­fyr­ir­komu­lag þeirra gjalda sem inna átti af hendi á grund­velli samn­ings­ins. „Í ljósi þess að greiðslur hafa ekki borist lítur stjórn Reykja­nes­hafnar svo á að Thorsil ehf. hafi van­efnt samn­ings­skyldur sín­ar. Á tímum óvissu og atvinnu­brests er þörf á allri upp­bygg­ingu til að vega upp á móti óheilla­væn­legri þró­un. Stjórn Reykja­nes­hafnar telur ófor­svar­an­legt að bíða enda­laust í óvissu á meðan nýir aðilar óska eftir sam­ræðum um fram­tíð­ar­upp­bygg­ing­u.“

Ákveðið var á þessum fundi að segja upp samn­ingnum en sam­kvæmt ákvæði í honum tæki upp­sögnin gildi að ári en hefði engin áhrif ef fyr­ir­tækið efndi samn­ings­skyldur sínar á upp­sagn­ar­frest­in­um.

Til­kynn­ing um upp­sögn­ina var send for­svars­mönnum Thorsil 20. maí í fyrra. „Þar sem liðið er rúmt ár frá því að upp­sögn samn­ings var til­kynnt og engin við­brögð hafa borist frá Thorsil ehf. varð­andi upp­sögn­ina og lítur stjórn Reykja­nes­hafnar svo á að ofan­greindur lóð­ar- og hafn­ar­samn­ingur sé úr gildi fall­inn,“ segir sam­þykkt stjórnar hafn­ar­innar frá því í lok júní í ár.

Sam­kvæmt starfs­leyfi sem Umhverf­is­stofnun gaf út árið 2017 hefur fyr­ir­tækið heim­ild til að fram­leiða allt að 110 þús­und tonn á ári af hrákís­li, allt að 55 þús­und tonnum af kís­il­dufti og 9 þús­und tonnum af kís­il­gjalli í fjórum ljós­boga­ofn­um. Árið 2015 sömdu for­svars­menn þess við ann­ars vegar Lands­virkjun um raf­magn til starf­sem­innar og hins vegar Lands­nets um raf­orku­flutn­inga.

Vilja fá að kjósa um Helgu­vík

Íbúar og stjórn­völd í Reykja­nesbæ eru brennd af reynsl­unni af kís­il­veri United Sil­icon, sem starf­aði á tíu mán­aða tíma­bili á árunum 2016 og 2017. Ver­ið, sem stóð nærri byggð rétt eins og ver Thorsil myndi gera, var frá upp­hafi gagn­rýnt fyrir fjöl­marga þætti. Bygg­ing­arnar voru hærri og meiri en skipu­lag gerði ráð fyrir og það angr­aði veru­lega fólk með lykt og annarri mengun sem hafði áhrif á heilsu margra. Er slökkt var á eina ljós­boga­ofni kís­il­vers­ins vörp­uðu því margir önd­inni létt­ar.

Verksmiðja United Silicon stendur enn í Helguvík. Hún er nú í eigu Arion banka.

Íbúa­sam­tökin And­stæð­ingar stór­iðju í Helgu­vík voru ötul í bar­áttu sinni gegn því að verið yrði end­ur­ræst sem og frek­ari starf­semi, m.a. Thorsil, á svæð­inu. Í árs­lok 2018 höfðu þau safnað und­ir­skriftum um 2.700 íbúa sem kröfð­ust þess að fá að kjósa um hvort verk­smiðj­urnar fengju að hefja starf­semi.

Kjartan Már bæj­ar­stjóri Reykja­nes­bæjar segir í svari við fyr­ir­spurn Kjarn­ans um fram­hald máls­ins að ekki hafi verið gert ráð fyrir tekjum tengdum Thorsil ehf. í fjár­hags­á­ætl­unum Reykja­nes­hafnar síð­ast­liðin tvö ár, hvorki til skemmri eða lengri tíma.

Í árs­reikn­ingi Reykja­nes­hafnar fyrir árið 2019 segir að í fjár­hags­á­ætlun árs­ins hafi verið gert ráð fyrir tekjum í gegnum lóð­ar­gjöld í tengslum við að upp­bygg­ing á kís­il­veri Thorsil hæf­ist í Helgu­vík. „Þau áform gengu ekki eftir og liggur ekki fyrir að svo stöddu hvort og hvenær af þeim áformum verð­ur,“ stóð í sam­an­tekt stjórnar og hafn­ar­stjóra.

Hvað fram­haldið í Helgu­vík varðar segir Kjartan Már Reykja­nesbæ vera að skoða ýmsa mögu­leika fyrir sveit­ar­fé­lagið um fram­tíð­ar­upp­bygg­ingu á svæð­inu.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Jódís Skúladóttir þingmaður VG.
Segir náin tengsl á milli hatursglæpa, vændis, kvenhaturs og útlendingahaturs
Þingmaður Vinstri grænna segir að hinsegin fólk sem fellur undir hatt fleiri minnihlutahópa sé útsettara fyrir ofbeldi en annað hinsegin fólk og því sé aldrei hægt að gefa afslátt í málaflokkum sem viðkoma þessum hópum.
Kjarninn 21. maí 2022
Hanna Katrín Friðriksson þingmaður Viðreisnar.
„Hvernig stendur á þessari vitleysu?“
Þingflokksformaður Viðreisnar telur að líta þurfi á heilbrigðiskerfið í heild sinni og spyr hvort það sé „í alvöru til of mikils ætlast að stjórnvöld ráði við það verkefni án þess að það bitni á heilsu og líðan fólks“.
Kjarninn 21. maí 2022
Framsóknarflokkurinn í Mosfellsbæ er í lykilstöðu um myndun meirihluta bæjarstjórnar.
Viðræðum Framsóknarflokksins og Vina Mosfellsbæjar slitið
Framsóknarflokkurinn í Mosfellsbæ tilkynnti Vinum Mosfellsbæjar skömmu fyrir áætlaðan fund þeirra í morgun að ákveðið hefði verið að slíta viðræðum. Líklegast er að Framsókn horfi til þess að mynda meirihluta með Samfylkingunni og Viðreisn.
Kjarninn 21. maí 2022
Gísli Pálsson
„Svartur undir stýri“: Tungutak á tímum kynþáttafordóma
Kjarninn 21. maí 2022
Horft frá toppi Úlfarsfells yfir Blikastaði
Blikastaðir eru „fallegasta byggingarland við innanverðan Faxaflóa“
„Notaleg“ laxveiði, æðardúnn í eina sæng á ári og næstu nágrannar huldufólk í hóli og kerling í bæjarfjallinu. Blikastaðir, ein fyrsta jörðin sem Viðeyjarklaustur eignaðist á 13. öld, á sér merka sögu.
Kjarninn 21. maí 2022
Selur í sínu náttúrulega umhverfi.
Ætla að gelda selina í garðinum með lyfjum
Borgaryfirvöld fundu enga lausn á óviðunandi aðstöðu selanna í Húsdýragarðinum aðra en að stækka laugina. Þeir yngstu gætu átt 3-4 áratugi eftir ólifaða. 20-30 kópum sem fæðst hafa í garðinum hefur verið lógað frá opnun hans.
Kjarninn 21. maí 2022
Í ávarpi sínu fór Katrín yfir þann lærdóm sem hægt er að draga af kórónuveirufaraldrinum, meðal annars að samheldni samfélagsins hafi reynst okkar mestu verðmæti.
Ekki einungis hægt að vísa ábyrgð á launafólk
Katrín Jakobsdóttir segir atvinnulíf og stjórnvöld bera mikla ábyrgð á bráttunni við verðbólguna og að ekki sé hægt að vísa ábyrgðinni eingöngu á launafólk í komandi kjarasamningum.
Kjarninn 20. maí 2022
Ingrid Kuhlman og Bjarni Jónsson
Læknar og hjúkrunarfræðingar styðja dánaraðstoð
Kjarninn 20. maí 2022
Meira úr sama flokkiInnlent