„Nauð­syn­legt er að tryggja að fram­hald aðild­ar­við­ræðna við ESB (Evr­ópu­sam­band­ið) verði lagt í dóm þjóð­ar­inn­ar.“ Svo segir í frétta­til­kynn­ingu frá Sam­tökum iðn­að­ar­ins (SI) sem send var fjöl­miðlum í morg­un.

Þá segir í til­kynn­ing­unni: „Ferli ákvarð­ana rík­is­valds­ins á að vera opið og byggj­ast á mál­efna­legri nálgun þannig að fólk og fyr­ir­tæki geti verið sátt við afgreiðslu þótt þau séu ekki endi­lega sam­mála end­an­legri nið­ur­stöðu.  Op­in­ber umræða und­an­farna daga um stöðu aðild­ar­um­sóknar Íslands að ESB er því miður ekki dæmi um mál­efna­lega nálg­un.“

Frjáls og óhindruð við­skipti og aðgangur að erlendum mörk­uðum eru lífæð íslenskra fyr­ir­tækja að mati SI. Þar skipti EES-­samn­ing­ur­inn sköpum en óvíst sé hvort hann einn og sér þjóni hags­munum Íslands til lengri tíma lit­ið.

Í til­kynn­ingu SI er haft eftir Guð­rúnu Haf­steins­dóttur for­manni sam­tak­anna: „Það eru 1.300 fyr­ir­tæki innan vébanda Sam­taka iðn­að­ar­ins. Það er ljóst að alþjóða­samn­ingar hafa mikil áhrif á rekstr­ar­um­hverfi þeirra, en mis­mikið þó. Því eru skoð­anir þeirra skiptar um aðild að Evr­ópu­sam­band­inu, en sam­eig­in­lega trúum við að lýð­ræð­is­legt ferli sé best til þess fallið að leiða málið til lykta. Málið þarf að vinn­ast þannig að sátt geti skap­ast um nið­ur­stöð­una.“