Birgir Þór­ar­ins­son sagði Sig­mundi Davíð Gunn­laugs­syni, for­manni Mið­flokks­ins, frá ákvörðun sinni að ganga til liðs við Sjálf­stæð­is­flokk­inn fyrir utan hús­næði Útvarps sögu eftir við­tal sem þing­menn­irnir veittu þar eftir kosn­ing­ar. Í fram­hald­inu fóru þeir í bíltúr þar sem ákvörð­unin var rædd frekar og von­að­ist Sig­mundur til þess að Birgir myndi end­ur­skoða ákvörðun sína.

Sig­mundur fór yfir brott­hvarf Birgis úr Mið­flokknum á Sprengisandi á Bylgj­unni í morgun og sagði hann Birgi hafa siglt undir fölsku flaggi í kosn­inga­bar­átt­unni. „Menn þurfa auð­vitað að geta treyst því að fram­bjóð­endur séu ekki að sigla undir fölsku flaggi og séu raun­veru­lega hluti af þeim flokki sem við­kom­andi kjós­andi veitir atkvæði sitt og treysti fyrir atkvæði sín­u,“ sagði Sig­mund­ur.

Hann sagði eðli­legt að upp komi póli­tískur ágrein­ingur og að fólk fari á milli flokka í kjöl­far þess. „En það á aug­ljós­lega ekki við í þessu til­viki, það var ekki einu sinni búið að ná að halda þing­flokks­fund. Það er ekki góð fram­koma gagn­vart kjós­end­um,“ sagði Sig­mund­ur, sem bað flokks­menn afsök­un­ar. Þá bað hann einnig kjós­endur flokks­ins afsök­un­ar, sem ætl­uðu sé ekki að verja atkvæði sínu í að fjölga þing­mönnum Sjálf­stæð­is­flokks­ins.

„Lýðræði virkar ekki nema í fyrsta lagi ef stjórn­mála­menn ætli sér að standa við sem þeir lofa og gefi kjós­endum þannig raun­veru­legt val. En það virkar ekki heldur aug­ljós­lega ef að menn fá eitt­hvað allt annað heldur en þeir kjósa, þetta er bara svo skrýtið allt sam­an,“ sagði Sig­mund­ur.

Vonar að kosn­ing­arnar verði end­ur­teknar

Á­huga­vert verð­ur, að mati Sig­mund­ar, að fylgj­ast með póli­tískum afleið­ingum vista­skipta Birg­is, ekki síst þar sem Birgir hafi iðu­lega gagn­rýnt Sjálf­stæð­is­flokk­inn. „Stundum þótti manni nóg um jafn­vel hvernig hann tal­aði í þing­ræðum í garð þess flokks og ann­arra. En allt í einu núna þá er breytt við­horf til Sjálf­stæð­is­flokks­ins sem hlýtur að þýða að Sjálf­stæð­is­flokk­ur­inn ætli ein­hvern veg­inn að laga sig að Birgi Þór­ar­ins­syn­i.“

Sig­mundur sagð­ist einnig vona að kosn­ing­arnar verði end­ur­teknar og öllum vafa þannig eytt. „Þá getur Birgir gefið kost á sér í próf­kjöri hjá Sjálf­stæð­is­flokknum í Suð­ur­kjör­dæmi.“

Í grein sinni í Morg­un­blað­inu í gær þar sem Birgir greindi frá ákvörðun sinni full­yrti hann að Erna Bjarna­dótt­ir, fyrsti vara­þing­maður flokks­ins í Suð­ur­kjör­dæmi, styddi ákvörð­un­ina. Sig­mundur virt­ist ekki sann­færð­ur. „Það þætti mér reyndar býsna sér­stakt miðað við póli­tíska stöðu Ernu Bjarna­dóttur til þessa, og afstöðu til Sjálf­stæð­is­flokks­ins. En það ger­ist margt skrýtið í póli­tík­inni þessa dag­ana.“