Sjö með­limum í Sví­þjóð­ar­demókröt­um, þriðja stærsta flokknum á sænska þing­inu, hefur verið vikið úr flokk­inum fyrir hægriöfg­ar. Meðal þeirra sem voru reknir eru Gustav Kassel­strand og William Hahne, for­kólfar í ung­liða­hreyf­ingu flokks­ins. Félaga­nefnd flokks­ins hefur haft 24 ­manns til skoð­unar und­an­far­inn mán­uð.

Mattias Karls­son, þings­flokks­for­maður Svíð­þjóð­ar­demókrata, hefur látið hafa eftir sér að Kassel­strand og Hahne hafi átt í sam­starfi með öfga­flokkum utan Sví­þjóðar en tví­menn­ing­arnir neita öllum ásök­un­um.

„Fé­laga­nefndin er aðeins að fylgja skip­unum Karls­son­ar. Þetta er hópur strengja­brúða,“ sagði Kassel­strand við TT-frétta­veit­una í síð­degis í dag eftir að nið­ur­staða nefnd­ar­innar var ljós. Í morgun höfðu félag­arnir sagst ætla að segja af sér for­mennsku og vara­for­mennsku í ung­liða­hreyf­ing­unni.

Sam­tals var sjö manns vikið úr flokknum í dag en nöfn þeirra Kassel­strands og Hahne aðeins gefin upp.  Á meðan rann­sókn flokks­ins stóð höfðu „sex eða sjö“ með­limir skilað inn flokks­skír­teini sínu, að sögn Ric­hard Joms­hof, flokks­rit­ara. „Allir með­lim­irnir höfðu sann­ar­lega og aug­ljós tengsl við öfga­öfl,“ sagði Joms­hof.

Þeir Kassel­strand og Hahne hafa þegar lýst yfir stuðn­ingi við for­manns­efni í ung­liða­hreyf­ing­unni. Það er Jessica Ohl­son sem er lög­fræð­ingur og póli­tískur aðstoð­ar­maður fyrir Sví­þjóð­ar­demókrata á sænska þing­inu.

Glada ändå: @gusta­v­kassel, @Willi­am_Hahne och @jesohl­son. pic.twitt­er.com/txRfCcoUw6

— Niklas Svens­son (@niklassvens­son) April 27, 2015

Sví­þjóð­ar­demókratar hlutu 12,9 pró­sent atkvæða í þing­kosn­ing­um ­síð­asta haust og er nú þriðji stærsti flokk­ur­inn á sænska þing­inu með 49 þing­menn af 349. Flokk­inn má stað­setja yst á hægri væng sænskra stjórn­mála. Hann aðhyllist sænska þjóð­ern­is­hyggju, félags­lega íhalds­semi og hefur talað gegn inn­flytj­end­um.

Mesti vöxtur fylgis flokks­ins hefur verið und­an­farin tíu ár undir for­ystu for­manns­ins Jimmie Åkes­son, þó hreyf­ingin hafi verið stofnuð árið 1988. Flokk­ur­inn var fyrst kjör­inn á þing árið 2010 og bætti við þing­mönnum í kosn­ing­unum í sept­em­ber í fyrra.

Þá sitja tveir sví­þjóð­ar­demókratar á Evr­ópu­þing­inu eftir að flokk­ur­inn fékk 9,7 pró­sent atkvæða í Evr­ópu­þings­kosn­ing­unum 2014. Á Evr­ópu­þing­inu hafa Sví­þjóð­ar­demókratar gengið í Evr­ópu frelsis og lýð­ræðis, fylk­ingu evr­ópu­skept­ískra flokka.

Flokks­for­mað­ur­inn Jimmie Åkes­son er þing­maður Svía á Evr­ópu­þing­inu. Mynd: EPA