For­menn stjórn­ar­and­stöðu­flokk­anna hafa lagt fram þings­á­lykt­un­ar­til­lögu um þjóð­ar­at­kvæða­greiðslu um fram­hald við­ræðna um aðild Íslands að Evr­ópu­sam­band­inu. Þau vilja að fram fari þjóð­ar­at­kvæða­greiðsla 26. sept­em­ber 2015 um hvort halda skuli áfram aðild­ar­við­ræðum Íslands við Evr­ópu­sam­band­ið.

Í þings­á­lykt­un­ar­til­lög­unni kemur fram spurn­ing sem þing­menn­irnir vilja að verði borin upp í þjóð­ar­at­kvæða­greiðsl­unni. Hún hljómar svona: „Vilt þú að Ísland taki upp þráð­inn í við­ræðum við Evr­ópu­sam­bandið með það að mark­miði að gera aðild­ar­samn­ing sem bor­inn yrði undir þjóð­ina til sam­þykktar eða synj­un­ar?“

Í þings­á­lykt­un­ar­til­lög­unni kemur fram að stjórn­ar­and­stöðu­flokk­arnir hafi ólíka afstöðu til aðildar að Evr­ópu­sam­band­inu. „Hins vegar er sam­eig­in­leg nið­ur­staða flutn­ings­manna sem koma úr öllum flokkum stjórn­ar­and­stöð­unnar að þetta mál sé af slíkri stærð­argráðu að eðli­legt sé að leita leið­sagnar þjóð­ar­innar um fram­hald þess. Af þeim sökum er lögð þung áhersla á að til­lagan verði afgreidd á þessu þingi þannig að unnt verði að sækja þá leið­sögn.“

ASÍ vill þjóð­ar­at­kvæði

Mið­stjórn Alþýðu­sam­bands Íslands hefur einnig sent frá sér ályktun um Evr­ópu­mál og vill að haldin verði þjóð­ar­at­kvæða­greiðsla um mál­ið. „Þetta er svo risa­vaxið álita­mál um fram­tíð­ar­mögu­leika okkar þjóð­ar, að það hlýtur að vera rétt­mæt krafa að þjóðin sjálf fái að segja sitt álit. Það hlýtur einnig að vera lág­marks­krafa til­ ráð­herra í rík­is­stjórn að þeir standi við lof­orð sem þeir marg end­ur­tóku fyrir kosn­ing­ar. Við hvað er ­rík­is­stjórnin hrædd?“

Í álykt­un­inni segir að útspil utan­rík­is­ráð­herra sé með slíkum ólík­indum að undrun sæti. „Í þeim ein­beitta ásetn­ingi sínum að slíta aðild­ar­við­ræðum Íslands við ESB huns­aði hann leik­regl­urn­ar, hann huns­aði sjálft Alþingi Íslend­inga sem hóf þess veg­ferð á sínum tíma.“

Í dag heldur áfram umræða um Evr­ópu­mál, og munn­lega skýrslu utan­rík­is­ráð­herra, á Alþingi.