Stjórnarformaður, forstjóri og stjórnarmaður í Play til rannsóknar hjá yfirvöldum

Tveir af fimm stjórnarmönnum Play eru til rannsóknar hjá yfirvöldum hérlendis. Það er forstjóri flugfélagsins líka. Grunur er um að Play hafi hagnýtt sér af­ritaðar flug­rekstrar­hand­bækur WOW air við umsókn um flugrekstrarleyfi.

Einar Örn Ólafsson, stjórnarformaður Play, Birgir Jónsson, forstjóri félagsins, og María Rúnarsdóttir, stjórnarmaður í Play.
Einar Örn Ólafsson, stjórnarformaður Play, Birgir Jónsson, forstjóri félagsins, og María Rúnarsdóttir, stjórnarmaður í Play.
Auglýsing

Í útboðs­gögnum Play kemur fram að bæði Birgir Jóns­son, for­stjóri flug­fé­lags­ins, og Einar Örn Ólafs­son, stjórn­ar­for­maður og næst stærsti ein­staki hlut­hafi félags­ins, séu til rann­sóknar hjá emb­ætti hér­aðs­sak­sókn­ara. Birgir hefur verið til rann­sóknar frá því í sept­em­ber 2018 vegna fjár­magnstekna sem hann afl­aði á árum áður og hvort að þær tekjur hafi fallið til eftir að hann færði heim­il­is­festi sitt frá Rúm­eníu til Íslands árið 2013. Hér­aðs­sak­sókn­ari rann­sakar auk þess málið og er þess sér­stak­lega getið í skrán­ing­ar­lýs­ingu að málið sé enn opið hjá því emb­ætt­i. 

Í til­felli Ein­ars Arnar er um að ræða hið svo­kall­aða Skelj­ungs­mál, sem á rætur sínar að rekja til þess að Íslands­banki kærði Einar og fjóra aðra ein­stak­linga til emb­ættis sér­staks sak­sókn­ara fyrir fimm árum síðan vegna gruns um lög­brot í tengslum við kaup og sölu á hlutum í Skelj­ungi fyrir og eftir banka­hrun­ið. Einar Örn var starfs­maður Glitnis banka, fyr­ir­renn­ara Íslands­banka, þegar salan átti sér stað og var síðar ráð­inn for­stjóri Skelj­ungs af nýjum eig­endum félags­ins. Á meðal þeirra brota sem grunur er um að hafi verið framin eru umboðs­svik. Sam­kvæmt heim­ildum Kjarn­ans er rann­sókn máls­ins langt komin og búist er við því að nið­ur­staða um hvort ákært verði í mál­inu eða það verði fellt niður liggi fyrir innan tíð­ar.

Í skrán­ing­ar­lýs­ingu Play kemur einnig fram að María Rún Rún­ars­dótt­ir, sem situr í stjórn Play, hafi verið til skatt­rann­sóknar frá því á síð­asta ári vegna skatt­skila hennar á árunum 2011 og 2012. 

Kannað hvort leyfi Play byggi á stolnum gögnum

Því eru tveir af fimm stjórn­ar­mönnum Play og for­stjóri félags­ins í ein­hvers­konar rann­sókn hjá yfir­völdum sem stend­ur. 

Til við­bótar var greint frá því á for­síðu Frétta­blaðs­ins í morgun að fyr­ir­tæki Michelle Ball­ar­in, USA­er­ospace Partners, sem keypti hluta eigna WOW air eftir að það félag fór í þrot, hafi beðið um að tekin yrði skýrsla af alls ell­efu manns sem tengd­ust WOW air. Til­gangur þessa er að fá á hreint hvað hafi orðið um flug­rekstr­ar­hand­bækur félags­ins, sem eru að mati kaup­and­ans ein verð­mætasta eignin sem WOW air átti og for­senda þess að flug­fé­lag geti fengið leyfi sem flug­rek­andi hjá Sam­göngu­stofu. Þessar hand­bækur var hins vegar hvergi að finna í þeim gögnum sem fyr­ir­tæki Ball­arin fékk afhent. 

Auglýsing
Á meðal þeirra sem USA­er­ospace Partners vill að tekin verði skýrsla af eru Arnar Már Magn­ús­son, Sveinn Ingi Stein­þórs­son og Þór­oddur Þór­odds­son sem allir voru lyk­il­starfs­menn hjá WOW air. Þeir stóðu allir að stofnun Play og Arn­ar, sem situr í fram­kvæmda­stjórn Play í dag, var fyrsti for­stjóri félags­ins. 

Á vef Frétta­blaðs­ins í dag er svo fjallað um tölvu­póst sem Sveinn Andri Sveins­son, skipta­stjóri þrota­bús WOW air, hafi sent til Sam­göngu­stofu 3. júní síð­ast­lið­inn þar sem hann seg­ist hafa fengið upp­lýs­ingar um að stofn­endur Play ​hafi við um­­sókn um flug­­­rekstr­ar­­­leyfi hag­nýtt sér og lagt fram í eigin nafni af­­rit­aðar flug­­­rekstr­ar­­hand­bækur WOW air.

Ætla að safna yfir fjórum millj­örðum

Hluta­fjár­út­boð Play hefst á fimmtu­dag og stendur yfir til loka vinnu­dags á föstu­dag. Stefnt er að því að safna 4-4,4 millj­örðum króna og skrá félagið í kjöl­farið á First North mark­að­inn. 

Í útboðs­lýs­ingu félags­ins kemur fram að þessi fjár­mögnun muni hjálpa lausa­fjár­stöðu þess enn frekar, en Play seg­ist nú þegar hafa náð að safna tæpum sjö millj­örðum króna í fjár­mögn­un.

Búist er við að almenn við­skipti með hluti í Play hefj­ist föstu­dag­inn 9. júlí.

Í útboðs­lýs­ingu segir að Play búist við því að selja selja jafn­mörg sæti og WOW air gerði árið 2017 innan fjög­urra ára. Það stefnir á að hefja flug til Banda­ríkj­anna næsta vor, en mun halda starfs­manna­kostn­aði í lág­marki með því að láta starfs­menn sína vinna lengur en starfs­menn ann­arra flug­fé­laga og taka færri frí­daga en starfs­menn WOW air tóku.

Hægt er að lesa frétta­skýr­ingu Kjarn­ans um útboðið hér. 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Nicola Sturgeon fyrsti ráðherra Skotlands.
Stefnir á atkvæðagreiðslu um sjálfstætt Skotland í október 2023
Nicola Sturgeon leiðtogi Skoska þjóðarflokksins stefnir á að halda þjóðaratkvæðagreiðslu um sjálfstæði Skotlands á ný næsta haust – með eða án leyfis bresku ríkisstjórnarinnar.
Kjarninn 28. júní 2022
Guðmundur Andri Thorsson
Ráfað um í Keflavíkurgöngu
Kjarninn 28. júní 2022
Samkvæmt tilkynningu frá Borgarlínu er gert ráð fyrir því að vagnar Borgarlínunnar byrji að ganga á milli Hamraborgar og Háskóla Íslands árið 2025, þrátt fyrir að framkvæmdum á þeim kafla verði ekki að fullu lokið þá.
Tímalínu framkvæmda við fyrstu lotu Borgarlínu seinkað
Endurskoðuð tímaáætlun framkvæmda við fyrstu lotu Borgarlínu gerir ráð fyrir því að framkvæmdalok verði á árunum 2026 og 2027, en ekki 2024 eða 2025 eins og lagt var upp með. Samstilling við aðrar framkvæmdir, eins og Sæbrautarstokk, spila inn í.
Kjarninn 28. júní 2022
Það að vera kvenkyns lögmaður eykur líkur á að mál falli umbjóðandanum í vil samkvæmt nýrri íslenskri rannsókn.
Kvenkyns lögmenn líklegri til að vinna mál í héraði
Kvenkyns málflytjendur skila betri árangri fyrir dómstólum og eldri dómarar eru líklegri til að dæma varnaraðila í vil en þeir sem yngri eru, samkvæmt nýrri íslenskri rannsókn.
Kjarninn 28. júní 2022
Örn Bárður Jónsson
Þungunarrof, samkynhneigð og kynusli
Kjarninn 28. júní 2022
Katrín Jakobsdóttir, formaður Vinstri grænna og forsætisráðherra, og Ásgeir Jónsson seðlabankastjóri.
Ætlar ekki að láta Seðlabankann afhenda sér gögn um ráðstöfun opinberra hagsmuna
Seðlabanki Íslands hefur ekki viljað leggja mat á hagsmuni almennings af birtingu upplýsinga um þá sem fengu að nýta sér fjárfestingaleið hans né af því að stöðugleikasamnirnir við kröfuhafa verði gerðir opinberir.
Kjarninn 28. júní 2022
Kristrún Frostadóttir, þingmaður Samfylkingarinnar.
Kristrún íhugar formannsframboð
Kristrún Frostadóttir, þingmaður Samfylkingarinnar, segist „íhuga alvarlega“ að bjóða sig fram til formanns á landsfundi flokksins í október. Logi Einarsson tilkynnti um miðjan júní að hann muni ekki bjóða sig fram að nýju.
Kjarninn 28. júní 2022
„Bleika húsið“, heilsugæsla sem þjónustar konur í Mississippi er eina heilsugæslan í ríkinu sem veitir þungunarrofsþjónustu. Henni verður að öllum líkindum lokað innan nokkurra daga.
Síðustu dagar „bleika hússins“ í Mississippi
Eigandi einu heilsugæslunnar í Mississippi sem veitir þungunarrofsþjónustu ætlar að halda ótrauð áfram, í öðru ríki ef þarf, eftir að Hæstiréttur Bandaríkjanna felldi rétt til þungunarrofs úr gildi.
Kjarninn 27. júní 2022
Meira úr sama flokkiInnlent