Tökum á móti hlutfallslega færri flóttamönnum en Bandaríkin og Kanada

Ríkisstjórn Íslands hefur samþykkt að taka á móti 120 flóttamönnum frá Afganistan vegna yfirtöku Talibana þar í landi. Er það mikið eða lítið miðað við þann fjölda sem önnur lönd hafa sagst ætla að taka á móti?

h_57140325.jpg
Auglýsing

Íslenska rík­is­stjórnin hyggst taka á móti fleiri afgönskum flótta­mönnum en Bret­ar, en færri flótta­mönnum en Banda­ríkja­menn og Kana­da­bú­ar, ef tekið er til­lit til mann­fjölda.

Sam­kvæmt nýlegri umfjöllun Newsweek um málið hefur banda­ríska rík­is­stjórnin sam­þykkt að taka á móti allt að 125 þús­und flótta­mönnum frá Afganistan fyrir lok næsta árs. Breska rík­is­stjórnin hefur aftur á móti sagst ætla að taka á móti 20 þús­und flótta­mönnum það­an, en búast má við að 5 þús­und þeirra muni koma til lands­ins fyrir lok þessa árs.

Marco Mend­icino, inn­flytj­enda­mála­ráð­herra Kana­da, til­kynnti svo á Twitter fyrir tæpum tveimur vikum síðan að rík­is­stjórnin þar í landi ætli að taka á móti 20 þús­und afgönskum flótta­mönn­um. Til sam­an­burðar sam­þykkti íslenska rík­is­stjórnin að taka á móti 120 afgönskum flótta­mönnum vegna ástands­ins þar í landi í síð­ustu viku.

Auglýsing

Sam­kvæmt þessum yfir­lýs­ingum má því búast við að rúm­lega þremur afgönskum flótta­mönnum verði gefið dval­ar­leyfi hér á landi fyrir hverja 10 þús­und íbúa, nánar til­tekið 3,2. Þetta er nokkuð hærra en í Bret­landi, þar sem búast má við færri en þremur afgönskum flótta­mönnum á hverja 10 þús­und íbúa, en lægra en í Banda­ríkj­un­um, sem hyggj­ast ætla að taka á móti 3,6 afgönskum flótta­mönnum á hverja 10 þús­und íbúa.

Höfum tekið á móti færri Afgönum en hin Norð­ur­löndin

Sam­kvæmt tölum frá flótta­manna­stofnun Sam­ein­uðu þjóð­anna (UN­HCR) bjuggu rúm­lega 120 afganskir flótta­menn hér á landi í fyrra, eða rúm­lega þrír fyrir hverja 10 þús­und íbúa. Þetta er lægsta hlut­fall afganskra flótta­manna á öllum Norð­ur­lönd­um, líkt og sjá má á mynd hér að neð­an.

Mynd: Kjarninn. Heimild: UNHCR

Til sam­an­burðar hafa dönsk stjórn­völd tekið á móti fjórum afgönskum flótta­mönnum á hverja 10 þús­und íbúa, en Finnar hafa tekið á móti sex og Norð­menn sjö. Lang­hæsta hlut­fallið er þó í Sví­þjóð, en þar bjuggu tæp­lega 30 þús­und afganskir flótta­menn í fyrra. Þetta jafn­gildir 29 flótta­mönnum á hverja tíu þús­und íbúa.

Aftur á móti hafa Bret­ar, Banda­ríkja­menn og Kanada­menn tekið á móti mjög fáum afgönskum flótta­mönnum hingað til. Sam­kvæmt sömu tölum voru þeir ein­ungis um 1.600 tals­ins í Banda­ríkj­unum í fyrra, sem jafn­gildir 0,05 á hverja 10 þús­und íbúa. Í Kanada voru 0,6 afganskir flótta­menn á hverja 10 þús­und íbúa, en í Bret­landi nam sam­svar­andi hlut­fall 1,3.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Sigurður Ingi Jóhannsson innviðaráðherra og formaður Framsóknarflokksins á Kjarvalsstöðum í gær.
„Engin áform“ um að ríkið auki rekstrarframlög með tilkomu Borgarlínu
Sigurður Ingi Jóhannsson innviðaráðherra segist ekki sjá fyrir sér að ríkið auki framlög sín til rekstrar almenningssamgangna höfuðborgarsvæðisins, eins og sveitarfélögin á höfuðborgarsvæðinu og Strætó bs. hafa kallað eftir.
Kjarninn 29. nóvember 2021
Franskur fiskveiðibátur lokar á skipaumferð um Calais í Frakklandi.
Frakkar og Bretar berjast enn um fiskinn í Ermasundi
Enn er ósætti á milli Frakklands og Bretlands vegna fiskveiða í breskri landhelgi eftir Brexit. Á föstudaginn reyndu franskir sjómenn reyndu að loka fyrir vöruflutninga á milli landanna tveggja til að krefjast úthlutunar fleiri fiskveiðileyfa.
Kjarninn 28. nóvember 2021
Sunnlenskir sjálfstæðismenn kalla eftir skýringum frá Bjarna Benediktssyni.
Ósáttir sunnlenskir sjálfstæðismenn krefja Bjarna um skýringar
Sjálfstæðismenn á Suðurlandi eru með böggum hildar yfir því að Guðrún Hafsteinsdóttir oddviti flokksins í kjördæminu eigi ekki sæti við ríkisstjórnarborðið nú þegar. Tíu af tólf ráðherrum eru þingmenn kjördæma höfuðborgarsvæðisins.
Kjarninn 28. nóvember 2021
Bresk myndlistarkona málaði eitt hundrað málverk af eldgosinu í Fagradalsfjalli
Eldgosið í Fagradalsfjalli sem hófst í vor hefur vakið allskonar væringar hjá fólki. Amy Alice Riches ákvað að mála eitt málverk á dag af því í 100 daga. Hún safnar nú fyrir útgáfu bókar með verkunum.
Kjarninn 28. nóvember 2021
Allt sem þú þarft að vita um nýjan stjórnarsáttmála ríkisstjórnarinnar
Stefnt er að því að lækka skatta, selja banka og láta fjármagnseigendur greiða útsvar. Auðvelda á fyrirtækjum að virkja vind og endurskoða lög um rammaáætlun.
Kjarninn 28. nóvember 2021
Katrín Jakobsdóttir forsætisráðherra við kynningu stjórnarsáttmálans á Kjarvalsstöðum í dag.
Talað um að lækka mögulega skatta en engu lofað
Engar almennar skattkerfisbreytingar eru útfærðar í nýjum stjórnarsáttmála ríkisstjórnarinnar. Forsætisráðherra segir að horft verði til þess að lækka skatta á þá tekjulægstu eða til að bæta samkeppnisstöðu fyrirtækja ef svigrúm gefist.
Kjarninn 28. nóvember 2021
Álfheiður Eymarsdóttir
Kosningaframkvæmd fjórflokksins
Kjarninn 28. nóvember 2021
Ríkisstjórnin stokkast upp í dag, eftir rúmlega tveggja mánaða viðræður þriggja flokka um áframhaldandi samstarf.
Þessi verða ráðherrar
Willum Þór Þórsson og Jón Gunnarsson verða ráðherrar í nýrri ríkisstjórn Vinstri grænna, Sjálfstæðisflokks og Framsóknar sem kynnt er í dag. Guðrún Hafsteinsdóttir er sögð koma inn sem ráðherra dómsmála síðar á kjörtímabilinu.
Kjarninn 28. nóvember 2021
Meira úr sama flokkiErlent