„Við gátum ekki farið neitt, höfðum enga vara­sjóði og gátum ekki fengið inn í neinu hús­næð­is,“ segir Dawn John­son, 43 ára gömul heiml­is­laus kona, í við­tali við New York Times í dag. Hún­ ­bjó ásamt manni sín­um, 32 ára gömlum afgreiðslu­manni í versl­un, M0hamed Diallo, í íbúð í Bronx hverf­inu í New York, þar til seinni part árs 2013 að þau neydd­ust til að flytja úr hús­inu vegna lélegs við­halds.

The New York Times htt­p://t.co/silJeJfIfG #NewYork

— New York News 360 (@NewYorkNews360) Sept­em­ber 7, 2015

Eig­andi húss­ins hafði þá leyft því að vera án hita og vatns, mán­uðum sam­an, og end­aði parið á því að leita réttar síns fyrir dóm­stól­um. Það reynd­ist þrautin þyngri, vegna fjár­hags­legra skuld­bind­inga sem þurfti að und­ir­gangast, og misstu þau hús­næðið að lok­um. Á svip­uðum tíma missti Diallo vinn­una, og voru þá góð ráð dýr.

Fólk sem hafði verið með stöð­ug­leikga í sínu lífi, var allt í einu komið á göt­una.

New York Times birtir í dag ítar­lega umfjöllun um stöðu heim­il­is­lausra í New York, en að því er fram kemur í umfjöll­un­inni, þá er vandi þeir sem býr á göt­unni og er án hús­næðis mun fjöl­breyti­legri en almenn­ingur gerir sér oft grein fyr­ir. Í mörgum til­vikum er vímu­efna­vandi und­ir­liggj­andi ástæða þess að fólk býr á göt­unni, og heldur til á lest­ar­stöðvum og í almenn­ings­görð­um, en mörg dæmi eru einnig um að skyndi­legar breyt­ingar hjá fólki, svo sem atvinnu­missir og hús­næð­is­vandi, kippi fót­unum algjör­lega undir lífi fólks. Svo virð­ist sem kerf­is­lægir þætt­ir, sem eigi að tryggja fólki sem lendir skyndi­lega í miklum erf­ið­leikum skamm­tíma­hús­næði, sé ekki að virka eins og það á að gera. Þá eru mörg hund­ruð ­manns sem glíma við geð­ræna kvilla, og hafa á ein­hverjum stigum fengið lækn­is­með­ferð við þeim, lent á göt­unni þar sem lækn­is­með­ferð hefur ekki verið kláruð eða  ein­stak­ling­arnir sótt sér með­ferð sem þeir eiga rétt á.

Umfjöll­unin er byggð á ljós­myndum Jos­hua Bright, ljós­mynd­ara rit­stjórnar New York Times, og við­tölum sem blaða­mað­ur­inn Nate Schwebb tók við heim­ils­laust fólk í borg­inni, yfir langt tíma­bil, en fyrsta umfjöll­unin í greina­flokki blaðs­ins birt­ist í dag.