Rúm­lega átta af hverjum tíu lands­mönn­um, alls 83 pró­sent aðspurðra, segj­ast óánægð með fyr­ir­komu­lag á sölu á 22,5 pró­sent hlut rík­is­ins í Íslands­banka þann 22. mars síð­ast­lið­inn, sam­kvæmt nýrri könnun Pró­sents fyrir Frétta­blaðið. Af þessum hópi eru 70 pró­sent mjög óánægð með hvernig til tókst við söl­una. Alls telja 80 pró­sent að setja eigi upp rann­sókn­ar­nefnd Alþingis til að rann­saka söl­una. 

Þann 22. mars var ofan­greindur hlutur seldur í lok­uðu útboði með til­boðs­fyr­ir­komu­lagi og 2,25 millj­arða króna afslætti frá mark­aðsvirði til 207 fjár­festa. Salan hefur verið harð­lega gagn­rýnd fyrir að litlum fjár­fest­um, sem keyptu fyrir lágar upp­hæð­ir, hafi verið hleypt að í útboð­inu, að starfs­menn og eig­endur sölu­ráð­gjafa hafi keypt og að jafn­ræðis hafi ekki verið gætt þegar valdir voru þátt­tak­endur úr hópi skil­greindra fag­fjár­festa. 

Í könnun Pró­sents kemur fram að ein­ungis sjö pró­sent aðspurðra eru ánægð með hvernig til tókst og þar af ein­ungis þrjú pró­sent mjög ánægð. Athygli vekur að nán­ast allir hópar sam­fé­lags­ins virð­ast jafn óánægðir með söl­una á hlut rík­is­ins í Íslands­banka. Í Frétta­blað­inu í dag segir að það sé nán­ast eng­inn mark­tækur munur er á afstöðu fólks er kemur að kyni, aldri, búsetu, tekjum eða mennt­un. 

Þeir sem kjósa Sjálf­stæð­is­flokk­inn eru þó mark­tækt ánægð­ari með söl­una en kjós­endur ann­arra flokka. Alls segj­ast 30 pró­sent þeirra að þeir séu ánægðir með hana en 44 pró­sent segj­ast óánægð­ir. Til sam­an­burðar mælist óánægja með söl­una að minnsta 78 pró­sent á meðal kjós­enda allra ann­arra flokka í land­inu. Hjá hinum stjórn­ar­flokk­un­um, Vinstri grænum og Fram­sókn, er vart mæl­an­leg ánægja með söl­una á hlut rík­is­ins í Íslands­banka. Ein­ungis eitt pró­sent kjós­enda Vinstri grænna, flokks Katrínar Jak­obs­dóttur for­sæt­is­ráð­herra, segj­ast ánægð með söl­una og fimm pró­sent kjós­enda Fram­sókn­ar, flokks Sig­urðar Inga Jóhanns­sonar inn­við­a­ráð­herra. Í Frétta­blað­inu kemur fram að eng­inn stuðn­ings­maður Sam­fylk­ing­ar, Pírata eða Sós­í­alista sé ánægður með söl­una. 

Um var að ræða net­könnun Pró­sents sem var gerð 13. til 19. apr­íl. Úrtakið var 2.150 manns, 18 ára og eldri og svar­hlut­fall var 50,3 pró­sent. 

For­menn stjórn­ar­flokk­anna þriggja komu sér saman um það í byrjun viku að leggja niður Banka­sýslu rík­is­ins til að bregð­ast við þeirri miklu óánægju sem verið hefur í sam­fé­lag­inu með sölu­fyr­ir­komu­lag­ið. Þá fól Bjarni Bene­dikts­son, fjár­mála- og efna­hags­ráð­herra, Rík­is­end­ur­skoðun að rann­saka söl­una og sú stofnun á að skila stjórn­sýslu­út­tekt í júní. Fjár­mála­eft­ir­lit Seðla­banka Íslands rann­sakar auk þess þátt sölu­ráð­gjaf­ana fimm í útboð­inu, sér­stak­lega hvort skil­grein­ing þeirra á hæfi fag­fjár­festa stand­ist ekki skoðun og kaup starfs­manna og eig­enda sölu­ráð­gjafa í útboð­inu. Banka­sýsla rík­is­ins greindi frá því í gær að hún myndi halda eftir sölu­þóknun til ráð­gjaf­anna þar til það skýrist hvort þeir hafi gerst brot­leg­ir, en alls eiga allir ráð­gjafar að fá um 700 millj­ónir króna í þóknun fyrir sína aðkomu að útboð­inu. Í Morg­un­blað­inu í dag er greint frá því að titr­ings gæti á meðal sölu­ráð­gjafa þar sem nei­kvæð nið­ur­staða í rann­sókn á þeim gæti leitt til þess að fyr­ir­tækin missi starfs­leyfi.