Í vor keypti Face­book sýnd­ar­veru­leika­fyr­ir­tækið Oculus Rift fyrir tvo millj­arða Banda­ríkja­dala, eða sem nemur 260 millj­örðum króna. Face­book er í dag metið á um 250 millj­arða Banda­ríkja­dala, eða sem nemur um 32.500 millj­örðum króna.

Mark Zuckeberg, stofn­andi og for­stjóri Face­book, seg­ist sann­færður um að sam­starf Face­book með Pal­mer Luckey, stofn­anda Oculus Rift, muni leiða af sér tækni­breyt­ingu sem muni jafn­ast á við inn­reið sam­fé­lags­miðla í líf fólks. Þetta kemur fram í ítar­legu við­tali við Zucker­berg í sept­em­ber­hefti Vanity Fair, en einnig er rætt við Luckey.

Þar fer hann yfir stöð­una í tækni­geir­an­um, og hvernig hann sér sam­fé­lags­miðla og tækni­fyr­ir­tæki þró­ast á næstu miss­er­um. Hann seg­ist hafa „veðj­að“ á Oculus Rift þegar hann hafi kynnt sér tækn­ina og séð hversu magn­aður veru­leiki var kall­aður fram með tæk­inu. Saga stofn­and­an, Pal­mers Luckey, er líka mögnuð frum­kvöðla­saga, en hann fjár­magn­aði verk­efnið í fyrstu á Kickstarter síð­unni og náði sér í 2,4 millj­ónir Banda­ríkja­dala með hóp­fjár­mögn­un. Þaðan fór hann í Síli­kondal­inn og náði í enn meira fé, áður en hann seldi fyr­ir­tæk­ið, fjórum árum eftir að hann sótti sér fyrst fjár­magn, fyrir tvo millj­arða Banda­ríkja­dala. „Mark­miðið hjá mér er að fólk muni stíga inn í sýnd­ar­veru­leika þar sem það finnur fyrir því að það sé inn í her­bergi með öðru fólki, raun­veru­lega finni fyrir því, og fái þannig að kynn­ast nýjum veru­leika,“ segir Luckey í við­tal­inu.

Zuckeberg seg­ist sann­færður um að sýnd­ar­veru­leika­tæknin sem Oculus Rift byggi á muni opna augu fólks fyrir nýjum mögu­leik­um, og þá muni fyr­ir­tæki einnig taka þess­ari tækni opnum örm­um.

https://www.youtu­be.com/watch?v=Xx6sO0Lwmr8