Þessi færsla er úr eldra greinasafni Kjarnans og gæti þess vegna birst furðulega.

Rómantíkin í kringum...Swansea City FC?

jack-to-a-king.jpg
Auglýsing

Ég verð að viðurkenna að ég er afar veikur fyrir rómantíkinni í kringum íþróttir og þekki  af fyrstu hendi að tileinka óeðlilegum tíma og vinnu í að reyna að koma íþróttafélagi í lag án þess að fá mikið til baka nema vesen. Vesen og ánægjuna þegar stritið leiðir af sér litla sigra á borð við það að skila rekstrinum réttu megin við eða þegar fáránlega óvinsæli Serbinn sem þið réðuð um mitt sumar heldur liðinu uppi á lokametrum deildarkeppninnar.

Í nútíma knattspyrnu vinna liðin sem eiga mestu peninganna. Það er því miður staðreynd. Ef þú getur keypt bestu leikmennina og bestu þjálfaranna þá vinnur þú. Það breytir því ekki að enn er hægt að finna rómantík í knattspyrnunni. Þar er að finna ótrúlegar sögur af fólki vopnað vilja og nánast forheimskulegum tilfinningum gagnvart íþróttaliði sem uppsker árangur á ævintýralegan hátt. Ein slík saga, saga Swansea City, var nýverið fest á filmu.

Hótun um líkamsmeiðingar og grasrót


Íslendingar tengja Swansea City eðlilega við Gylfa Þór Sigurðsson, íslenska landsliðsmanninn sem í dag er besti leikmaður liðsins í ensku úrvalsdeildinni. Fæstir átta sig hins vegar á þeirri umbreytingu sem félagið hefur gengið í gegnum frá síðustu aldarmótum. Sú umbreyting, og hvernig henni var hrundið af stað, er skjalfest í heimildarmyndinni „Jack to a King“, sem var frumsýnd í september í fyrra.

Árið 2001 var Swansea í neðstu deild í Englandi. Félagið var í gríðarlegum fjárhagsvanda og var á endanum selt fyrir eitt pund til enska athafnamannsins Tony Petty. Fyrir utan að vera Englendingur, sem fór ekki vel í walesku stuðningsmennina, gerði Petty þá brjálaða með því að leysa flesta bestu leikmenn liðsins undan samningi til að draga úr kostnaði.

Auglýsing

James Thomas var efnilegur knattspyrnumaður sem lék um tíma með Blackburn í úrvalsdeildinni. Hann snéri svo aftur til Swansea, þegar liðið var í neðstu deild, og er í dag goðsögn hjá félaginu. Thomas starfar í dag sem sjúkraflutningamaður. James Thomas var efnilegur knattspyrnumaður sem lék um tíma með Blackburn í úrvalsdeildinni. Hann snéri svo aftur til Swansea, þegar liðið var í neðstu deild, og er í dag goðsögn hjá félaginu. Thomas starfar í dag sem sjúkraflutningamaður.

Í kringum andúðina á Petty myndaðist grasrótarhreyfing stuðningsmanna sem fór að safna peningum til að reyna að hjálpa félaginu sínu. Á meðal þeirra var hópur sem ekki er hægt að lýsa öðruvísi en bullum. Menn, sem eru til viðtals í heimildarmyndinni (þeir eru með lambúshettur í viðtalinu), viðurkenna þar fúslega að hafa ítrekað hótað Petty líkamsmeiðingum og að hafa framið skemmdarverk á velli liðsins til að koma í veg fyrir að Petty gæti grætt pening á liðinu.

Eftir slæmt tap gegn Macclesfield í enska bikarnum árið 2002 þorði Petty ekki aftur til Swansea og ákvað að selja félagið fyrir 20 þúsund pund til nokkurra áhangenda, sem voru studdir að grasrótarsamtökunum „Swansea supporters Trust“. Einn þessarra manna var gerður að stjórnarformanni. Hann heitir Huw Jenkins og í myndinni segir að hann hafi verið settur í starfið vegna þess að hann var leiðinlegastur þeirra sem að kaupunum komu. Hann er enn þann dag í dag stjórnarformaður.

Heimamaður setur þrennu


Á þessum tíma gat Swansea-liðið ekkert og þegar liðið var á tímabilið 2002/2003 var það í bullandi hættu á að falla úr ensku deildarkeppninni og niður í utandeildina. Þá var Brian Flynn ráðinn sem stjóri og hann fékk ýmsa leikmenn til liðsins sem breyttu því algjörlega. Leikmenn á borð við Leon Britton (sem enn spilar með Swansea) og Roberto Martinez.

Þótt liðinu gengi betur var staðan samt þannig að það þurfti að vinna síðasta leik tímabilsins til að halda sér uppi í neðstu deild enskrar knattspyrnu. Líkt og í öllum epískum íþróttasögum er það heimamaður, sem snéri aftur til baka frá úrvaldsdeildarliði í liðið sem hann ólst upp hjá, sem bjargar deginum. Sá heitir James Thomas og starfar í dag sem sjúkraflutningamaður, en það er önnur saga.

Roberto-Martinez Roberto Martinez breytti Swansea sem knattspyrnufélagi. Hann var fyrirliði liðsins sem komst upp úr neðstu deild enskrar knattspyrnu og þjálfari þess þegar það komst upp í næst efstu deild. Undir hans stjórn fór liðið úr því að gefa 120 sendingar í leik í um 650 sendingar í leik.

Frá þessum tímapunkti hefst ótrúlegt uppbyggingarskeið. Swansea liðið þrykkist upp um deildir, byggði nýjan völl, Roberto Martinez tók við sem þjálfari og fjölgaði sendingum liðsins í hverjum leik úr 120 í 650 (sem var afar óvenjulegt í neðri deildunum í Englandi) og tíu árum eftir að James Thomas tryggði deildartilveruna var Brendan Rodgers (sem hafði tekið við keflinu af Martinez) kominn með liðið í úrslitaleik á Wembley um sæti í úrvalsdeild.

Hvernig sá leikur fór er auðvitað ekkert leyndarmál. Hann fór 4-2 fyrir Swansea, sem eru nákvæmlega sömu úrslit og urðu í leiknum mikilvæga tíu árum áður. Þá skoraði James Thomas þrennu, þar af tvö úr vítum. Á Wembley skoraði Scott Sinclair þrennu, þar af tvö úr vítum. Myndinni lýkur á þessum miklu tímamótum. Á sigri í umspilsleik á Wembley, sem er líklega dýrasti knattspyrnuleikur sem spilaður er. Liðið sem vinnur fer upp í úrvaldseildina og fær yfir 100 milljónir punda. Liðið sem tapar situr eftir í Championship deildinni og fær ekkert.

Litla liði sem gat, í heimi peninganna


Síðan þá hefur ævintýrið í raun haldið áfram. Swansea liðið hefur unnið deildarbikarkeppnina, keppt í Evrópukeppni, seldi nýverið leikmann, Wilfred Bony, fyrir 28 milljónir punda og tveir mikilvægustu þjálfararnir í þessari síðari tíma sögu Swansea, Roberto Martinez og Brendan Rodgers, þjálfa nú tvö af sögufrægustu, og sigursælustu, lið enskrar knattspyrnu, Everton og Liverpool.

Garry Monk er þjálfari Swansea í dag. Hann var áður fyrirliði liðsins á eftir Martinez og bjargaði eftirminnilega á línu á ögurstundu í umspilsleiknum fræga sem tryggði Swansea sæti í úrvaldsdeild. Garry Monk er þjálfari Swansea í dag. Hann var áður fyrirliði liðsins á eftir Martinez og bjargaði eftirminnilega á línu á ögurstundu í umspilsleiknum fræga sem tryggði Swansea sæti í úrvaldsdeild.

Ef Swansea yrði selt í dag færi félagið aldrei á undir 100 milljónir punda. Það er aðeins meira en þau 20 þúsund pund sem hópurinn sem stýrir félaginu í dag borgaði fyrir það árið2002. Stuðningsmannasamtökin sem stóðu að baki þeim kaupum eiga enn 20 prósent hlut í félaginu.

Þótt það megi vissulega setja stórt spurningamerki við þann hetjustimpil sem bullurnar með lambúshetturnar fá í myndinni, svona í ljósi þess að þær voru ítrekað að hóta að meiða og jafnvel drepa fyrrum eigandann, þá er „Jack to a King“ ákaflega hressandi saga um litla félagið sem gat, sérstaklega á tímum þar sem olíupeningar, gos-Rússar og þurrir Ameríkanar hafa tekið yfir þessa fallegu íþrótt í krafti peninga sinna. Fyrir þá sem finnst nútímaknattspyrna vera að missa sjarmann vegna þessa, eða þá sem hafa kannski misst trúnna eftir að hafa harkað of lengi í eigin knattspyrnulegri sjálfboðarvinnu, er gott að horfa á vel gerðar myndir sem fanga sögu litlu lestarinnar, eða í þessu tilfelli knattspyrnuliðsins, sem gat. Fyrir hina sem hafa engan áhuga á knattspyrnu, og skilja ekki hvað það er sem dregur fólk að íþróttinni, er áhorf á myndina hins vegar örugglega eins og að horfa á málningu þorna.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Einstök lönd geta ekki „bólusett sig út úr“ faraldrinum
Þrjú ríki heims hafa bólusett yfir 70 prósent íbúa. Ísland er eitt þeirra. Hlutfallið er undir 1,5 prósenti í Afríku. Ef ekki næst að koma því í 10 prósent bráðlega verður það „ör á samvisku okkar allra“ enda nóg til af bóluefnum, segir sérfræðingur WHO.
Kjarninn 1. ágúst 2021
Fékk „bakteríuna“ eftir Söngvakeppni sjónvarpsins
„Lögin hafa orðið til á yfir 20 ára tímabili og er því nokkur breidd í þessu hjá mér; allt frá stígandi ballöðum til eins konar rokkóperu,“ segir Pétur Arnar Kristinsson sem blásið hefur til söfnunar fyrir útgáfu fyrstu breiðskífu sinnar.
Kjarninn 1. ágúst 2021
Smári McCarthy er að hætta á þingi og ætlar í kjölfarið að láta reyna á sitt eigið hugvit í tengslum við loftslagsbreytingar.
„Flokkarnir voru að þvælast fyrir hvorum öðrum“ og niðurstaðan varð núll
Smára McCarthy fráfarandi þingmanni Pírata finnst sem undanfarin fjögur ár hafi litast af því að lítið ráðrúm hafi verið til þess að ræða pólitík, þar sem stjórnarflokkarnir eru ósammála um mörg grundvallarmálefni.
Kjarninn 1. ágúst 2021
Það er fremur fátítt að sólarhringsúrkoma í Reykjavík mælist meira en 20 mm eða meiri að sumarlagi.
Rignir af meiri ákefð nú en áður?
Fátt bendir til þess að Ísland sleppi alfarið við aftakaúrkomu sem nágrannaríki okkar hafa upplifað á síðustu árum, skrifar Einar Sveinbjörnsson veðurfræðingur og veltir fyrir sér getu fráveitukerfa til að taka við meiriháttar vatnsflaumi.
Kjarninn 1. ágúst 2021
Norska kvennaliðið í strandhandbolta að loknu Evrópumeistaramótinu í Búlgaríu á dögunum.
Bikiní- og stuttbuxnadeilan
Nýafstaðið Evrópumeistaramót í strandhandbolta vakti mikla athygli víða um heim. Það var þó ekki keppnin sjálf sem dró að sér athyglina heldur deilur um klæðnað. Nánar tiltekið klæðnað norska kvennalandsliðsins.
Kjarninn 1. ágúst 2021
Joe Biden forseti Bandaríkjanna tilkynnti í apríl að viðskiptaþvingunum yrði beitt á Rússland vegna njósnanna.
Brotist inn í tölvupósta bandarískra saksóknara
Óttast er að viðkvæmum gögnum hafi verið stolið er brotist var inn í tölvur tæplega þrjátíu embætta saksóknara í Bandaríkjunum á síðasta ári. Bandarísk yfirvöld telja Rússa standa að baki árásinni.
Kjarninn 31. júlí 2021
Eftir helgi verða breytingar á ferðatakmörkunum til Bretlands.
Fagna ákvörðun Breta um að bólusettir sleppi við sóttkví
„Hvenær ætla Bandaríkin að svara í sömu mynt?“ spyrja Alþjóða samtök flugfélaga sem fang ákvörðun Breta um að aflétta sóttkvíarkröfum á bólusetta farþega frá Bandaríkjunum og ESB-ríkjum.
Kjarninn 31. júlí 2021
Eggert Gunnarsson
Hamfarakynslóðin
Kjarninn 31. júlí 2021
Meira úr sama flokkiKjarnafæði
None