Auglýsing

Ég var ofvaxið barn. Mínar fyrstu minn­ingar fela í sér að líða óþægi­lega í fang­inu á ein­hverjum ætt­ingja­ræfli sem var að reyna að sitja undir krakka á stærð við afa sinn og um átta ára aldur vildi áhyggju­fullur læknir gefa mér horm­óna­sprautur til að hægja á vexti. Sjálfs­mynd mín og lífs­við­horf mót­að­ist gíf­ur­lega af þessum ofvexti. Ég var aldrei krútt og hataði í laumi litlu sætu stelp­urnar í bekknum sem flissuðu í smæð sinni meðan strák­arnir báru þær á hest­baki. Í dans­tímum dans­aði ég við kennarann, gjó­andi öfund­sjúkum augum á písl­ina sem fékk að dansa við strák­inn sem ég var skotin í. Sá náði mér tæp­lega í öxl. Enn í dag líkar mér frekar illa við smá­vaxið fólk. Ég vann reyndar öll skóla­hlaup lengi vel, ekki vegna þess að ég væri sér­stak­lega fljót heldur af því að ég var helm­ingi stærri en allir hinir krakk­arn­ir. Smá eins og æsti pabb­inn sem rústar Lata­bæj­ar­hlaup­inu og allir klappa vandræða­lega fyrir í lok­in. Þegar ég byrj­aði í nýjum skóla í átt­unda bekk héldu allir að ég væri mamma ein­hvers af bekkj­ar­fé­lög­unum sem trítl­uðu um í Adi­das­göllum í barna­stærð. Ég gekk í gráum dragt­ar­jakka.

Þegar ég byrj­aði í nýjum skóla í átt­unda bekk héldu allir að ég væri mamma ein­hvers af bekkj­ar­fé­lög­unum sem trítl­uðu um í Adi­das­göllum í barna­stærð. Ég gekk í gráum dragtarjakka.

Smám saman hægð­ist þó á mér og undir lok grunn­skól­ans höfðu jafn­aldr­arnir all­flestir náð mér. Í dag er ég fremur venju­leg, eða því heldur töl­fræðin fram. Það breytir því þó ekki að mér líður alltaf eins og ég sé risa­vax­in. Innra með mér snöktir stutt­hærða, krull­aða og klunna­lega konu­barnið sem þráir það eitt að vera krútt. Háir hælar stækka mig á ein­hvern undra­verðan hátt langt yfir öll mörk og ég fer ósjálfrátt að labba eins og gíraffi. Allt mitt líf hef ég þannig barist gegn þess­ari, að hluta til ímynd­uðu, stærð. Bæði fata­val og hár­greiðsla mið­aði framan af að því einu að draga úr hæð minni. Ég laug til um sentí­metra eins og aðrar stelpur lugu til um kíló (auð­vitað laug ég síðan líka til um kíló). Ég var líka afskap­lega rólegt og fyr­ir­ferð­ar­lítið barn. Hafði mig lítið í frammi og var svo sann­ar­lega ekki fyrir nein­um. Hljóð­láti ris­inn. Þó að þar hafi með­fædd per­sónu­ein­kenni eflaust spilað inn í tel ég mig einnig hafa verið að bæta upp fyrir óhóf­lega plás­stöku. Biðj­ast hljóð­lega afsök­unar á til­veru minni, stillt, prúð og pass­leg.

Auglýsing

Og hvers vegna þótti mér þetta svo baga­legt? Hefði stráki liðið jafn afkára­lega í minni stærð? Hefði lækn­ir­inn verið á barmi örvænt­ingar fyrir hans hönd, til­bú­inn með afdrifa­ríkt inn­grip í sprautu­formi? Mig grunar þvert á móti að stráka-ég hefði verið kóngur bekkj­ar­ins og eytt ævinni í að ýkja stærð mína.

Við sem sam­fé­lag reynum í sífellu að minnka kon­ur. Við hrósum stúlku­börnum fyrir að vera prúðar og stillt­ar, hvetjum þær til að tala lágt og leika sér rólega á meðan strák­arnir okkar læra að taka pláss og athygli. Við hvetjum þessi sömu stúlku­börn þó til íþrótta­iðk­unar en sú iðkun rúm­ast ekki í íþrótta­f­rétta­tím­um. Það er rými stráka.

Við sem sam­fé­lag reynum í sífellu að minnka kon­ur. Við hrósum stúlku­börnum fyrir að vera prúðar og stillt­ar, hvetjum þær til að tala lágt og leika sér rólega á meðan strák­arnir okkar læra að taka pláss og athygli. Við hvetjum þessi sömu stúlku­börn þó til íþrótta­iðk­unar en sú iðkun rúm­ast ekki í íþrótta­f­rétta­tím­um. Það er rými stráka. Lík­ams­rækt kvenna mið­ast í flestum til­fellum að því að minnka þær, á meðan karl­menn stefna að stækk­un, áður en þeim vex ábyrg ístra. Við byrjum snemma að rugla í rými kynj­anna hvað þetta varð­ar. Banda­rísk rann­sókn frá 2005 sýndi fram á að for­eldrar þriggja ára drengja hafa áhyggjur af því að þeir borði ekki nógu mikið á meðan for­eldrar stúlkna á sama aldri hafa áhyggjur af því að þær borði of mik­ið. Þriggja ára. Ókei. Svo kennum við svöngu stúlk­unum okkar að sitja með kross­lagðar fætur svo þær taki eins lítið pláss í heim­inum og þeim framast er unnt. Við konur hrósum enda hver annarri fyrir minnkun,  sveltum okkur og und­ir­göng­umst allskyns sam­fé­lags­lega sam­þykkta þján­ingu því guð forði ver­öld­inni frá aukamassa af konum út um allt, tak­andi verð­mætt pláss frá karl­mönn­um. Skessur eru æva­gömul ógn sem mik­il­vægt er að hafa taum­hald á. Þær éta jú menn.

Ég sat í aft­ur­sæti leigu­bíls um dag­inn ásamt tveimur vinum mín­um, öðrum karl­kyns. Þar sem við kon­urnar sátum sam­an­kramdar og kven­leg­ar, klesstar upp við sitt­hvora hurð­ina eins og okkur bar  meðan karl­mað­ur­inn sat í fæð­ing­ar­stell­ingu í miðj­unni með metra á milli lær­anna rann mér skyndi­lega rétt­lát reiði í brjóst. Í einni svipan krist­all­að­ist allt órétt­læti heims­ins í þess­ari einkar ójöfnu plás­stöku. Með Bríet á hægri öxl og de Beauvoir á þeirri vinstri þjösnaði ég grun­lausum félaga mínum til hliðar og hreytti ein­hverju ill­kvittn­is­legu í hann um að feðra­veldið þarna á milli lappa hans þyrfti tæp­ast allt aft­ur­sæt­ið. Sár­móðg­aður reyndi hann bless­aður að láta minna fyrir sér fara, þrátt fyrir að vera það ljós­lega ekki eðli­legt. Allt umhverfi hans hefur enda frá fæð­ingu sann­fært hann um sjálf­sagðan rétt hans til rým­is. Sú sann­fær­ing má þó ekki vera á kostnað míns rým­is.

Hættum að ala upp fyr­ir­ferð­ar­litlar stúlk­ur. Setn­ingar eins og: „Hún er svo róleg og hæglát, það fer varla neitt fyrir henni“ ættu ekki að hljóma í við­ur­kenn­ing­ar­skyni, heldur sem áhyggju­efni er þarfn­ast úrlausn­ar. Lík­ömnuð þekk­ing gleym­ist síð­ur, jafn­rétti þarf að inn­prenta í vöðva­minni beggja kynja. Ver­öld­inni væri mun betur borgið ef meira færi fyrir kon­unum henn­ar.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Orri Páll Jóhannesson er nýr þingflokksformaður Vinstri grænna.
Orri Páll þingflokksformaður Vinstri grænna
Orri Páll Jóhannsson var í dag valinn þingflokksformaður Vinstri grænna. Bjarni Jónsson verður ritari þingflokksins.
Kjarninn 29. nóvember 2021
Katrín Jakobsdóttir forsætisráðherra.
„Umhverfismálin eiga að vera alls staðar“
Katrín Jakobsdóttir segist horfa á boðaða stækkun Vatnajökulsþjóðgarðar sem áfanga í átt að þjóðgarði á borð við hálendisþjóðgarðinn, sem bakkað er með í nýja stjórnarsáttmálanum. Kjarninn ræddi umhverfismál við Katrínu í gær.
Kjarninn 29. nóvember 2021
Bólusetningarvottorð gildi aðeins í níu mánuði
Stjórn Evrópusambandsins hefur lagt til að bólusetningarvottorð gildi í níu mánuði í stað tólf. Örvunarskammtur framlengi svo gildistímann.
Kjarninn 29. nóvember 2021
Samtal við samfélagið
Samtal við samfélagið
Samtal við samfélagið – Íslenska heilbrigðiskerfið: Áskoranir og framtíðin
Kjarninn 29. nóvember 2021
Guðlaugur Þór Þórðarson er nýr ráðherra umhverfis-, loftslags- og orkumála. Landvernd segir að það verði erfitt að gæta hagsmuna náttúrunnar og fara með orkumálin á sama tíma.
Landvernd segir „stríðsyfirlýsingu“ að finna í stjórnarsáttmálanum
Stjórn Landverndar gagnrýnir áform ríkisstjórnarinnar um breytta rammaáætlun, sérstök vindorkulög og flutning orkumála inn í umhverfisráðuneytið, í yfirlýsingu í dag.
Kjarninn 29. nóvember 2021
Róbert Marshall upplýsingafulltrúi ríkisstjórnarinnar.
Innsláttarvilla í Stjórnartíðindum hafði engin lögformleg áhrif
Guðlaugur Þór Þórðarson verður ekki ráðherra lista og menningarmála auk þess að fara með umhverfismál í nýrri ríkisstjórn Katrínar Jakobsdóttur. Innsláttarvilla á vef Stjórnartíðinda gaf ranglega til kynna að svo yrði, en hún hafði engin lögformleg áhrif.
Kjarninn 29. nóvember 2021
Á meðal þeirra geira sem þurfa á mörgum starfsmönnum að halda er byggingageirinn.
18 þúsund störf töpuðust í faraldrinum en 16.700 ný hafa orðið til
Seðlabankinn segir óvíst að hve miklu leyti ráðningarsamböndum sem byggjast á ráðningarstyrkjum verði viðhaldið, en þeir renna flestir út nú undir lok árs. Kannanir bendi þó til þess að störfum muni halda áfram að fjölga.
Kjarninn 29. nóvember 2021
Lilja D. Alfreðsdóttir.
Fjölmiðlar undir atvinnuvegaráðuneyti og þjóðarleikvangar færast til
Miklar tilfærslur eru á málaflokkum milli ráðuneyta í nýrri ríkisstjórn Katrínar Jakobsdóttur. Samkvæmt forsetaúrskurði heyrir fjölmiðlar undir atvinnuvegaráðuneytið og nýtt ráðuneyti fer með málefni þjóðarleikvanga.
Kjarninn 29. nóvember 2021
Meira úr sama flokkiKjaftæði
None