Auglýsing

Mikið er ég glaður að verk­falli lækna sé lok­ið. Ég er búinn að vera svo hræddur um að veikj­ast að ég þorði ekki einu sinni að faðma mína eigin móður um jólin því mér fannst hún eitt­hvað veiklu­leg. Þetta kemur reyndar pínu­lítið á óvart af því það er varla vika síðan fjár­mála­ráð­herra var mættur í frétt­irnar – svo gallsúr að ég þurfti að lækka í sjón­varp­inu til að finna ekki lykt­ina af honum – að dylgja um meinta græðgi þess­ara elítu­lækna sem hann vildi meina að væru að maka hver annan upp úr trufflu­olíu og drekka Dom Perignon úr nas­hyrn­ings­horn­um.

Mín upp­lifun af því að hafa búið með lækni er reyndar sú að þegar þeir eru ekki að vinna á dag­inn, kvöld­in, næt­urnar eða ein­hverja skelfi­lega blöndu af þessu þrennu þá eru þeir fyrst og fremst sitj­andi með stríðs­hrjáð all­ir-í-bát­ana augna­ráð eða sof­andi í fimm fer­metra her­bergi í nokkrar klukku­stund­ir, lík­lega dreym­andi norskt fjarða­loft og sænska lerk­i­sveppi, til þess eins að vakna við vekjara­klukku sem hljómar eins og loft­varn­ar­lúður og hefja þetta ferli allt upp á nýtt.

Eftir þetta við­tal hefur ein­hver úr samn­inga­nefnd­inni lík­lega sett haus­poka yfir Bjarna, troðið honum í fjólu­bláan Abercrombie & Fitch-­skíða­galla og sent hann með sjúkra­flugi beint í sviss­nesku alpana svo hægt væri að klára þetta mál. Á meðan á öllu þessu stóð var Krist­ján Þór Júl­í­us­son svo hinum megin við göt­una með gervi­gler­augu með áföstu nefi og yfir­vara­skeggi að fylgj­ast með í gegn um tvö útklippt göt á dag­blaði sem hann þótt­ist vera að lesa, von­andi að eng­inn myndi muna að hann væri ennþá heil­brigð­is­ráð­herra.

Auglýsing

Öfga­menn í leið­indum



Vöfflu­járnið var varla kólnað hjá rík­is­sátta­semj­ara þegar umræðan var komin á fyr­ir­sjá­an­legar og hræði­legar slóð­ir. Karl Garð­ar­son, öfga­maður í leið­ind­um, greip þennan þvala bolta á lofti og hróp­aði að nú myndu fleiri stéttir vilja bita af kök­unni, verð­bólgu­draug­ur­inn yrði særður úr gröf sinni og enda­lok hins marg­um­rædda stöð­ug­leika, og lík­lega heims­ins alls, væru yfir­vof­andi.

Þetta er svo sem ekk­ert nýtt. Sam­tök atvinnu­lífs­ins hafa gert það að árlegum sið að gefa út klám­fengið mynd­band þar sem lit­ríkar teikn­mynda­fígúrur tala við almenn­ing eins og hann sé greind­ar­skertur um það af hverju það sé öllum fyrir bestu að lág­launa­stéttir haldi áfram að vera fátæk­ar. Það verða allir að taka höndum saman og við­halda þeim árangri í stöð­ug­leika sem náðst hefur síð­ustu ár. Seðla­banka­stjóri tekur í sama streng og auð­vitað fjár­mála­ráð­herra líka. Hinn heilaga stöð­ug­leika ber að vernda líkt og biskup sjálfur hafi blessað hann. Ég hef reyndar aldrei skilið af hverju það eru lægstu stétt­irnar sem þurfa að halda uppi þessum valta Jenga-turni sem hag­kerfið virð­ist vera. Það virð­ist samt engu skipta hversu mikið af anda­fitu efri þrepin troða í sig – það ógnar engum stöð­ug­leika – en um leið og skúr­inga­kona á Akra­nesi biður um meira en 2,8% hækkun á 214.000 krón­urnar sínar þá leggjast allar plágur Egypta­lands á okk­ur. Þetta er stöð­ug­leiki eins og beina­berir leggir á erítreskum þræl sem heldur uppi akfeitum róm­verskum hedónista sem er sífellt að skamma hann fyrir að standa ekki í lapp­irn­ar; kerfi sem stendur og fellur með því að verka­fólk hafi engar ráða­stöf­un­ar­tekjur er fúnda­mentallí galið.

Nu-Skin stór­lax og pakka­væddur heil­brigð­is­rekstur



Það er þessi hug­mynda­fræði sem er ástæðan fyrir því að bar­átt­unni um heil­brigð­is­kerf­ið, og í raun vel­ferð­ar­kerfið allt, er hvergi nærri lok­ið. Þvert á móti eru sífellt fleiri sem þykj­ast finna nálykt­ina í loft­inu og sleikja út um. Á árs­fundi áður­nefndra Sam­taka atvinnu­lífs­ins hélt Ásdís Halla Braga­dótt­ir, Nu Skin-stór­lax, fyrrum bæj­ar­stjóri Garða­bæjar og núver­andi fröm­uður í gróða á gömlu fólki, þrum­andi ræðu um hvernig Ísland væri heims­met­hafi í mið­stýr­ingu, hvernig ein­okun íslenska rík­is­ins væri eins og kúbversk vind­la­fram­leiðsla og að Albanía væri ljósárum á undan okkur í val­frelsi í heil­brigð­is­rekstri og tók þar sér­stak­lega dæmi um hvernig verð­andi albanskir for­eldrar gætu valið milli gull­pakka, silf­ur­pakka og hefð­bund­ins pakka þegar kæmi að fæð­ing­ar­þjón­ustu.

Þetta er auð­vitað stór­góð hug­mynd sem auð­velt væri að yfir­færa á íslenskt fyr­ir­mynda­sam­fé­lag fram­tíð­ar­inn­ar. Ímyndið ykkur hvít­tennta og bros­andi for­eldra ganga út af einka­rekna spít­al­anum með Nu Skin-raka­kremsmurðan hvít­voð­ung vaf­inn inn í kasmír­teppi tott­andi ergónó­mískt snuð úr hágæða nátt­úru­legum trefja­efnum – allt í boði gull­pakk­ans. Ef þú ert ekki með alveg jafn­mikið á milli hand­anna, eða bara að spara fyrir nýjum iPho­ne, get­urðu alltaf valið silf­ur­pakk­ann sem er alveg fínn líka. Hann gefur manni sex tíma náð­uga legu í sjúkra­rúmi en öll börn eru tekin með sog­klukku til þess að spara tíma og auka fram­leiðni. For­eldrar bera sjálfir ábyrgð á öllum þrif­um. Svo ef þú ert með 214.000 krónur í grunn­laun á mán­uði hef­urðu lík­lega bara efni á venju­lega pakk­anum – en í honum færðu heimsendan kassa með spritt­brúsa, spegli og sauð­burð­ar­töng.

Svo er algjör óþarfi að binda sig við þrjá pakka. Það væri til dæmis hægt að bæta við fjöl­skyldu­pakk­anum þar sem þú færð allt sem er í gull­pakk­anum auk bein­merg­s­skipta fyrir einn fjöl­skyldu­með­lim að eigin vali og amma gamla hoppar upp hjarta­þræð­ing­ar­list­ann. Svo þegar einka­rekna heilsuparadísin rennur óum­flýj­an­lega saman við 365 miðla og VÍS þá verður hægt að fá trölla­pakk­ann þar sem þú færð allt sem er í gull- og fjöl­skyldu­pökk­un­um, Krakka­stöð­ina, Enska bolt­ann, eld­fjalla­trygg­ingu, 15 insúl­ín­sprautur á mán­uði fyrir litla syk­ur­sjúk­ling­inn á heim­il­inu, 100 fríar mín­útur í alla heima­síma og prest til þess að syngja ömmu ofan í flú­or­meng­aða mold­ina. Það er nefni­lega svo mik­il­vægt í sið­mennt­uðu sam­fé­lagi að hafa val um það á hvern hátt þú lætur svindla á þér.

Núna verð ég að hætta áður en þetta verður svo langt að Egg­ert Skúla­son skilur þetta ekki.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Orri Páll Jóhannesson er nýr þingflokksformaður Vinstri grænna.
Orri Páll þingflokksformaður Vinstri grænna
Orri Páll Jóhannsson var í dag valinn þingflokksformaður Vinstri grænna. Bjarni Jónsson verður ritari þingflokksins.
Kjarninn 29. nóvember 2021
Katrín Jakobsdóttir forsætisráðherra.
„Umhverfismálin eiga að vera alls staðar“
Katrín Jakobsdóttir segist horfa á boðaða stækkun Vatnajökulsþjóðgarðar sem áfanga í átt að þjóðgarði á borð við hálendisþjóðgarðinn, sem bakkað er með í nýja stjórnarsáttmálanum. Kjarninn ræddi umhverfismál við Katrínu í gær.
Kjarninn 29. nóvember 2021
Bólusetningarvottorð gildi aðeins í níu mánuði
Stjórn Evrópusambandsins hefur lagt til að bólusetningarvottorð gildi í níu mánuði í stað tólf. Örvunarskammtur framlengi svo gildistímann.
Kjarninn 29. nóvember 2021
Samtal við samfélagið
Samtal við samfélagið
Samtal við samfélagið – Íslenska heilbrigðiskerfið: Áskoranir og framtíðin
Kjarninn 29. nóvember 2021
Guðlaugur Þór Þórðarson er nýr ráðherra umhverfis-, loftslags- og orkumála. Landvernd segir að það verði erfitt að gæta hagsmuna náttúrunnar og fara með orkumálin á sama tíma.
Landvernd segir „stríðsyfirlýsingu“ að finna í stjórnarsáttmálanum
Stjórn Landverndar gagnrýnir áform ríkisstjórnarinnar um breytta rammaáætlun, sérstök vindorkulög og flutning orkumála inn í umhverfisráðuneytið, í yfirlýsingu í dag.
Kjarninn 29. nóvember 2021
Róbert Marshall upplýsingafulltrúi ríkisstjórnarinnar.
Innsláttarvilla í Stjórnartíðindum hafði engin lögformleg áhrif
Guðlaugur Þór Þórðarson verður ekki ráðherra lista og menningarmála auk þess að fara með umhverfismál í nýrri ríkisstjórn Katrínar Jakobsdóttur. Innsláttarvilla á vef Stjórnartíðinda gaf ranglega til kynna að svo yrði, en hún hafði engin lögformleg áhrif.
Kjarninn 29. nóvember 2021
Á meðal þeirra geira sem þurfa á mörgum starfsmönnum að halda er byggingageirinn.
18 þúsund störf töpuðust í faraldrinum en 16.700 ný hafa orðið til
Seðlabankinn segir óvíst að hve miklu leyti ráðningarsamböndum sem byggjast á ráðningarstyrkjum verði viðhaldið, en þeir renna flestir út nú undir lok árs. Kannanir bendi þó til þess að störfum muni halda áfram að fjölga.
Kjarninn 29. nóvember 2021
Lilja D. Alfreðsdóttir.
Fjölmiðlar undir atvinnuvegaráðuneyti og þjóðarleikvangar færast til
Miklar tilfærslur eru á málaflokkum milli ráðuneyta í nýrri ríkisstjórn Katrínar Jakobsdóttur. Samkvæmt forsetaúrskurði heyrir fjölmiðlar undir atvinnuvegaráðuneytið og nýtt ráðuneyti fer með málefni þjóðarleikvanga.
Kjarninn 29. nóvember 2021
Meira úr sama flokkiKjaftæði
None