Auglýsing

Nú er komið að þessu krakkar mín­ir. Sá tími er að ganga í hönd þar sem þjóðin umbreyt­ist og fer í nátt­úru­lega gras­vímu, augun eru hálf­opin og efri mörk í 120. Við gleymum þeim sem hafa farið illa með okkur í gegnum tíð­ina, svikið okkur og prett­að, umberum það sem vana­lega pirrar okkur og bara almennt svífum um með yfir­vegað og heil­agt bros.

Ég stend sjálfa mig til dæmis að því að splæsa læki á mat­ar­myndir þessa dag­ana, jafn­vel af sushi og ostrum, bara eitt stórt læk á þetta allt sam­an. Ég kaupi fær­eyska harm­on­ikku­tón­list af ein­hverjum krútt­legum ein­yrkja á net­inu því mér finnst hann bara eiga svo mikið skilið að selja eitt­hvað. Af því bara. Þið finnið mig ekki með dólg og djöf­ul­gang við starfs­fólkið í lúg­unni sem gleymir salt­inu með frönn­unum eða lætur mig ekki hafa auka servéttu. Ónei. Ég leyfi hlut­unum bara að slæda krakk­ar. Ég er tjill. Ég góla „já nei, ekk­ert mál, ekki spá í því að þú hafir keyrt mig nið­ur, ég hringi bara á sjúkra­bíl sjálf, eins og maður sé ekki með gemsa?! Knús!” Þið vit­ið. Ég er bara ha-ress í boð­inu.

Ég rölti í bæinn og ef ég sé marg­menni þá bara dembi ég mér beint í hring­iðuna, beint í auga storms­ins, faðma fólk og hrópa „ji, svo gaman að sjá ykkur öll, eru ekki fleiri að mæta?” Ég rölti um hverf­ið, kíki inn um glugga og ef ég sé blöðrur bundnar við dyra­stafi þá hendi ég mér inn og geri mig vel­komna í barna­af­mælið sem er í blússandi gír. Ef lítið er um blöðrur við heima­hús dengi ég mér í Skemmti­garð­inn í Smára­lind og lauma mér á bak við afgreiðslu­borðin þar sem ég sker pizz­ur, fylli á goskönnur og fylgi krökk­unum í skemmti­tæk­in, allt í nafni friðar og kær­leika.

Auglýsing

Þessi vel­vild mín og almennt umburð­ar­lyndi á ekki bara við um svik­ara, skyndi­bita­staði, öku­níð­inga, ein­yrkja og gólandi krakka, heldur nær kær­leik­ur­inn líka til ríka fólks­ins. Maður skilur engan útundan um jól­in, aldeilis ekki, hó, hó, hó!

Þegar sér­stak­lega vel liggur á mér kemur fyrir að ég leggi auka seríu á runn­ann hjá fína útvegs­mann­inum sem var svo dug­legur að skreyta garð­inn fyrir jól­in. Ef það er snjór þá skrifa ég kveðju í hann með priki: „Þú átt svo fal­lega ljósakrónu, ég horfi alltaf á hana þegar ég geng fram­hjá hús­inu þín­u.”

Og hvað hald­iði að ég geri þegar ég geng fram á grát­andi pels­klædda frú í Mela­búð­inni á Þor­láks­messu, algjör­lega kreisí kreis því búðin klúðr­aði fois gras pönt­un­inni „þriðju fokk­ans jólin í röð”? Ég skal segja ykkur það. Ég faðma hana skiln­ings­ríku faðm­lagi. Ef hún heldur áfram að gráta í fang­inu á mér yfir­ því að „Heiðrún hafi klikkað á sér­pant­aða Bai­leys­rjóm­an­um” sem hún ætl­aði að slá í gegn með á gamlárs og skvetta yfir creme bru­lee gos­brun­inn, þá faðma ég hana bara ennþá fastar og rétti henni tis­sjú. Ef hún fer út í það að þemað í ár hafi átt að vera tíu teg­undir af súkkulað­i­líkjörum en nú líti út fyrir að allt endi í einni teg­und af ópalskoti eftir fokkup hjá Amazon eða toll­inum (eða bæði, hver veit með þessa and­skot­ans djöfla) þá næ ég í koll handa henni og hjálpa henni að anda í poka.

Og þegar liðið sem stressar sig hvað mest fyrir jól­in stendur með sprungnar æðar í augum og gól­ar: „Í guð­anna bæn­um, slökum aðeins á og reynum að muna hvað það er sem skiptir raun­veru­lega máli á aðvent­unn­i!” eða „Muna svo, það þarf ekki allt að vera full­kom­ið, það má nota papp­írs­servéttur á aðfanga­dag svo lengi sem þær eru keyptar í HÖNN­UN­AR­BÚД og „Oh..ég elska jóga, sér­stak­lega í des­em­ber, bara algjör nauð­syn að kjarna sig reglu­lega í öllu þessu STRESSI,” þá, í stað þess að benda á að lang­flestir séu bara ekki rass­gat stress­að­ir, rétti ég úr mér, kinka kolli, lofa að mæta í næsta jóga­tíma og rétti við­kom­andi jóla­bjór.

Þessa dag­ana gæti mér ekki verið meira súrr­andi sama þegar karlpung­arnir sem vinna í sama húsi og ég ganga inn í lyft­una áður en ég kemst út úr henni. Ég bara bíð, fer með þeim upp og niður á allar þeirra hæð­ir, nokkrar ferðir og smeygi mér svo út. Ekk­ert mál, tekur ekki nema korter eða hvað. Það eru að koma jól.

Þetta krakkar mínir er það sem við köllum hinn sanna jóla­anda. Umburð­ar­lyndi fyrir öllu fólki, sam­kennd og bræðra­lag. Við bara nennum ekki neinu ves­eni á þessum tíma.

Um jólin látum við allt það sem vana­lega pirrar okkur bara algjör­lega slæda. Bara fjúka út á hafs­auga eins og umbúðir utan af Hlölla­bát í rjúk­andi vetr­ar­stormi.

Gleði­leg jól.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Fosshótel Hellnar er hluti af Íslandshótelum.
722 samtals sagt upp hjá tveimur hótelum og Bláa lóninu
Samtals var 722 starfsmönnum sagt upp í þremur stærstu hópuppsögnum maímánaðar; hjá Bláa lóninu, Flugleiðahóteli og Íslandshóteli. Vinnumálastofnun bárust 23 tilkynningar um hópuppsagnir í maí.
Kjarninn 4. júní 2020
Reynt að brjótast inn í tölvukerfi Reiknistofu bankanna
Brotist var inn í ysta netlag og eru engar vísbendingar um að komist hafi verið inn í kerfi Reiknistofu bankanna og viðskiptavina.
Kjarninn 4. júní 2020
Kristbjörn Árnason
Núverandi ríkisstjórn er ein alvarlegustu mistök stjórnmálanna hin síðustu ár
Leslistinn 4. júní 2020
Kóralrifið mikla hefur fölnað mikið á undanförnum árum.
Kóralrifið mikla heldur áfram að fölna
Fölnun Kóralrifsins mikla í mars síðastliðnum er sú umfangsmesta hingað til. Febrúar síðastliðinn var heitasti mánuður á svæðinu síðan mælingar hófust.
Kjarninn 4. júní 2020
Náttúrufegurð Færeyja er eitt helsta aðdráttarafl eyjanna.
Færeyingar opna landamærin „sérstaklega fyrir Íslendinga“
„Kæru frændur, nú er rétti tíminn til að heimsækja Færeyjar,“ stendur í skilaboðum frá færeyska flugfélaginu Atlantic Airways til íslensku þjóðarinnar.
Kjarninn 4. júní 2020
8 mínútur og 46 sekúndur leystu úr læðingi sársauka margra kynslóða
Ólgan í Bandaríkjunum snýst ekki aðeins um þær átta mínútur og 46 sekúndur sem lögreglumaður hélt hné sínu að hálsi George Floyds þar til hann lést. Hún á rætur í þjáningum margra kynslóða fólks er býr enn við misrétti sem er samgróið hugarfari valdhafa.
Kjarninn 4. júní 2020
Intenta segist í stakk búið til að taka við verkefnum sem Capacent sinnti áður
Ingvi Þór Elliðason, ráðgjafi og framkvæmdastjóri Intenta, sem fyrrverandi starfsmenn Capacent stofnuðu skömmu fyrir gjaldþrot fyrirtækisins, segir Intenta með þekkingu og getu til að taka við verkefnum sem Capacent sinnti áður.
Kjarninn 4. júní 2020
Lífeyrissjóður verzlunarmanna hefur aðsetur í Húsi verslunarinnar
Tæp tíu prósent útistandandi sjóðfélagalána LIVE í greiðsluhléi
Sjóðfélagalán í greiðsluhléi nema samtals ellefu milljörðum króna. Til samanburðar námu útistandandi sjóðfélagalán Lífeyrissjóðs verzlunarmanna við lok árs 2019 rúmum 120 milljörðum. Ávöxtun sjóðsins á fyrstu fjórum mánuðum ársins er áætluð 3,5 prósent.
Kjarninn 3. júní 2020
Meira úr sama flokkiKjaftæði
None