Við erum á svo hrika­lega hættu­legum stað. Læknar eru ennþá í verk­falli. Á meðan eru afdank­aðir júró­hippar farnir að lækna krabba­mein. Þetta er lækn­ir­inn þinn, hann er í mussu og Cypress Hill bol og ætlar að gefa þér eitur í skeið. Ég er ekki að segja að þetta kanna­bis­vúd­ú-drull virki ekki. Það er bara svo stutt síðan við virtum þetta ekki við­lits. Sýnir kannski hversu örvænt­inga­full við erum orð­in, frekar en hversu víð­sýn.

Sig­mundur Davíð segir að nú verðum við að for­gangs­raða í þágu spít­al­ans. Gott að hann sé til í það. Við hin sögðum þetta reyndar fyrir löngu, en þá fannst honum nauð­syn­legra að for­gangs­raða í þágu hátekju­fólks og útgerð­ar­inn­ar, svo fannst honum tölu­vert mik­il­væg­ara að sáldra pen­ingum yfir sam­fé­lagið - eitt­hvað sem snerti í raun alla - nema þá sem vissu­lega þurftu á því að halda.

Bara ef eitt­hvað af þessum apa­köttum sem hafa áhyggjur af Reykja­vík­ur­flug­velli myndu nú hafa sömu áhyggjur af Landspítalanum.

Mér fannst leið­rétt­ingin ekki einu sinni svo vit­laus hug­mynd. Ég meina ef það yrði vatns­skaði heima hjá mér, sem trygg­ing­ar­fé­lagið ætl­aði ekki að borga, þá myndi ég vilja lappa upp á skemmd­irnar á end­an­um. Ég myndi samt sem áður ekki ráð­ast í fram­kvæmd­irnar á meðan húsið stæði í ljósum log­um. Bara ef eitt­hvað af þessum apa­köttum sem hafa áhyggjur af Reykja­vík­ur­flug­velli myndu nú hafa sömu áhyggjur af Land­spít­al­an­um. Má ekki ljúga ein­hverju öðru að þessu fólki um not­hæf­is­stuðul á rassa­gangi sem verður að vera yfir ákveðnum mörk­um, ann­ars muni gjörvöll lands­byggðin fá hunda­æði? Eða að Sig­mundur Davíð ætli að byggja ísbúð á neyð­ar­bíla­stæð­inu og í kjöl­farið fái allt Norð­ur­landið hjarta­á­fall?

Þessi sjúkra­flugs­á­róð­ur, sem eng­inn sér­fræð­ingur eða læknir vill kvitta upp á er svo merki­lega áhrifa­rík­ur. En að sjálf­sögðu viljum við sem þjóð ekki hlusta á lækna eða sér­fræð­inga, við höfum aldrei tekið mark á þessu fólki. Við viljum bara ein­hvern nógu hyster­ískan og klikk­aðan og þá erum við góð. Þess vegna held ég að næsti fasi í þess­ari bar­áttu verði fólk sem vill flytja sjúkra­flugið til Kaup­manna­hafnar - lenda hjá alvöru sjúkra­húsi.

Mikið var það hetju­legt að bjarga Nasa svona. Í alvöru. Þetta var nákvæm­lega það sem þeir sem vildu bjarga Nasa voru að tala um. Nú þegar ein­hver þýskur mezzo-mix hali tætir í sig beikon í morg­un­verð­ar­salnum sem áður var þekktur sem Nasa mun hann eflaust hugsa. ,,diese parket is der hammer man. Ich würde wirklich gerne essen ecstasy und scheiße meine Hose in dieser Halle. Gott mit SDG und Paul Oscar - die Errett­er.”

Við skulum bara vona að þetta góð­verk for­sæt­is­ráð­herra verði ekki of dýr­keypt þegar fram líða stund­ir. Hádeg­is­matur er aldrei ókeypis, heldur ekki skulda­leið­rétt­ing - svo varið ykkur.

Við skulum bara vona að þetta góð­verk for­sæt­is­ráð­herra verði ekki of dýr­keypt þegar fram líða stund­ir. Hádeg­is­matur er aldrei ókeypis, heldur ekki skulda­leið­rétt­ing - svo varið ykk­ur.

Segi svona. Mikið var það ann­ars flott hjá leið­togum stjórn­ar­and­stöð­unnar að þiggja skulda­leið­rétt­ing­una á sama tíma og þeir mót­mæltu henni. Það er það sem sannir leið­togar gera. Að minnsta kosti í drullu­sokka­landi.

Veit hrein­lega ekki hvort ég hafi meiri áhyggjur af því hvort að þessi rík­is­stjórn láti alla vit­leys­una sína fram ganga eða hvort að eitt­hvað and­laus­asta lið í Evr­ópu fái að taka við völd­um.

Það er ein leið til að redda sam­fé­lag­inu. Þýska­land þurfti að fara hana. Rúss­land þurfti að fara hana. Við þurfum að banna hinn svo­nefnda fjór­flokk með laga­setn­ingu. Banna Sjálf­stæð­is­flokk­inn, banna Fram­sókn­ar­flokk­inn, banna Sam­fylk­ing­una og banna Vinstri græna. Þurfum svo að stíga skrefið enn lengra og banna öllum þeim sem ein­hvern­tím­ann hafa starfað í þágu þess­ara flokka að koma nálægt stjórn­málum aft­ur.

Við þurfum að banna hinn svo­nefnda fjór­flokk með laga­setn­ingu. Banna Sjálf­stæð­is­flokk­inn, banna Fram­sókn­ar­flokk­inn, banna Sam­fylk­ing­una og banna Vinstri græna.

Við getum ekki haft fólk sem þolir ekki hvort annað að stjórna land­inu. Í alvöru tal­að. Við hljótum bara að vera komin lengra en þetta. Allt þetta tal um hægri og vinstri þetta er að gera útaf við mig árið 2014. Mér og minni kyn­slóð er svo drullu­sama um að Styrmir Gunn­ars­son hafi njósnað um ein­hverja kalla í rass­gati. Og þetta óþol sem er inn­prentað í stjórn­mála­menn á Íslandi er hætt að vera fynd­ið.

Við þurfum að byrja upp á nýtt. Án hell­is­bú­anna í Fram­sókn­ar­flokkn­um, án kampa­vínskommanna í Sam­fylk­ing­unni, án hrapp­anna í Sjálf­stæð­is­flokknum og án lopa­peysulið­is­ins í Vg. Þá fyrst verður gam­an, en þangað til ræður þetta van­hæfa pakk.

btw – Vörður sund- og keilu­fé­lag Sjálf­stæð­is­flokks­ins er alveg brjálað yfir því að typpa­brautin á Reykja­vík­ur­flug­velli verði fjar­lægð og þannig verði ákveð­inn andi ákveð­ins sam­komu­lags sem reyndar eng­inn upp­lifði eins, ekki heiðr­að­ur. Flott hjá ykk­ur.