Auglýsing

Justin Tru­deau, verð­andi for­sæt­is­ráð­herra Kana­da, er frá­bær­asti maður sem ég hef séð. Ég er búinn að eyða öllum deg­inum í að skoða myndir af hon­um; Justin að keppa í góð­gerð­ar­hnefa­leika­móti til styrktar krabba­meins­rann­sókn­um, Justin að láta tattú­era á sér upp­hand­legg­inn, Justin að stunda jóga í almenn­ings­garði, Justin að taka þátt í gleði­göng­unni. Það er ekki til slæm mynd af mann­in­um. Þessi 43 ára for­maður Frjáls­lynda flokks­ins (engin tengsl) er ekki aðeins eins og end­ur­reisn­ar-marm­ara­stytta úr holdi og blóði með svo frá­bær­lega dökkt og þykkt hár að ég ímynda mér að það væri eins og höggva sig með sveðju í gegnum villtasta hluta Amazon-frum­skóg­ar­ins fengi ég að strjúka fingrum mínum í gegn um það, heldur er hann líka bjartasta von­ar­stjarna ungra frjáls­lyndra krata um heim all­an.

Fyrrum stærð­fræð­i-, frönsku- og leik­list­ar­kenn­ar­inn Tru­deau, sem er sonur eins fræg­asta sjórn­mála­manns Kana­da, kom eins og storm­sveipur inn í kanadísk stjórn­mál með Quebec-hippa­svægi og lof­orði um að bjarga Kanada úr níu ára ein­angr­un­ar­sinn­aðri aft­ur­halds­ánuð Steph­ens Harper. Kanada er nefni­lega dálítið eins og Ísland – land sem hefur alþjóð­lega ímynd frjáls­ræð­is, góð­mennsku, nátt­úru­feg­urðar og víð­sýni en leynir myrk­ari sögu aft­ur­halds og útlend­inga­hræðslu sem teymd hefur verið áfram í áraraðir af sjarma­lausum íhalds­pung sem á tíu pör af sömu jakka­föt­unum og er með hár­greiðslu sem lítur út eins og hún hafi verið klippt með sjón­varps­mark­aðs­ryksugu­hár­klipp­unum eða keypt í Hókus Pók­us.

Vá, ég man ekki einu sinni um hvort landið ég er að tala leng­ur.

Auglýsing

En með Tru­deau tekst Kanada loks­ins að sam­ræma ímynd­ina og raun­veru­leik­ann. Hann er yfir­lýstur femínisti sem hefur lofað að hætta loft­árásum í Írak og Sýr­landi, taka inn marg­falt fleiri flótta­menn en áður var áætl­að, berj­ast fyrir afglæpa­væð­ingu fíkni­efna­neyslu og varð­veislu rétt­inda kvenna yfir eigin lík­ama. Hann er einnig nátt­úru­vernd­ar­sinni sem hefur miklar áhyggjur af hlýnun jarð­ar, vill skatt­leggja hinu rík­ustu og jafna kjör í land­inu.

Menn sem líta svona út og hafa svona skoð­anir hljóta að vera með ein­hverjar hræði­leg­ar, hand­járn­aðar og múl­bundnar beina­grindur í skápnum – en þangað til þær fljóta upp á yfir­borðið sit ég glas­eygður við skrif­borðið mitt í vinn­unni, stari út í tómið og dagdreymi um að ein­hver krata­prins eða -prinsessa komi og bjargi okkur úr þessum fúlu popúlista-­þjóð­ern­is­remb­ings-aft­ur­halds­álögum sem við erum föst í næstu 18 mán­uð­ina í það minnsta.

Svo ranka ég við mér. Ég er ekki á hest­baki á kanadískri hásléttu að láta Kletta­fjalla­loftið gæla við skegg mitt og tign­ar­legar minjar þess höf­uð­hárs sem eitt sinn var, heldur er ég á Íslandi þar sem for­sæt­is­ráð­herr­ann vill helst ein­beita sér að því að særa fram gömul emb­ætti eins og Húsa­smíða­meist­ara rík­is­ins og frið­lýsa 80 ára gamlan hafn­ar­garð sem stóð í rúmt korter því að hann þótti svo mikið drasl. Hann er svo fastur í eigin Indi­ana Jones-L­ARPi að hann fæst ekki til að mæta á þing­fund um afnám sömu verð­trygg­ingar og Fram­sókn­ar­flokk­ur­inn lof­aði að „taka á“ í aðdrag­anda síð­ustu þing­kosn­inga.

Hvernig gengur ann­ars að opna tár­vota sam­kennd­ar­arma íslensku land­helg­innar fyrir öllu því flótta­fólki sem við ætlum að hleypa inn í hlýjan vel­ferð­ar­faðm okk­ar? Í kjöl­farið á enn einni frétt­inni um að hæl­is­leit­endum hafi þvert á móti verið vísað rak­leitt aftur úr landi hafði Unnur Brá Konn­ráðs­dótt­ir, for­maður alls­herj­ar­nefnd­ar, þessi traust­vekj­andi orð að segja:

„Það mun taka tíma að slípa reglu­verkið til, EN það góða við þetta er að stjórn­völd hafa sett af stað þverpóli­tíska þing­manna­nefnd sem er að skila drögum að nýju frum­varpi til ráð­herra um ný útlend­inga­lög þar sem fjallað er um hæl­is­mál­in, meðal ann­ars, og von­andi náum við að afgreiða það stóra mál í gegn um þingið í vet­ur.“

Þverpóli­tísk þing­manna­nefnd! Drög að frum­varpi! Kannski í vet­ur! Þarna erum við að tala um snarpa, skil­virka stjórn­sýslu í skugga alþjóð­legra ham­fara. En það verður allt allt í lagi svo lengi sem við höldum áfram að minn­ast á hvað ástandið er slæmt og að við munum von­andi ein­hvern tím­ann gera okkar besta.

Þannig að það er kannski best að loka bara aftur aug­unum og halda áfram að láta sig dreyma um okkar eigin krata­prins eða -prinsessu sem mun opna landa­mær­in, afnema verð­trygg­ing­una, skatt­leggja millj­óna­mær­ing­ana og brauð­fæða öreig­ana. Opna fang­elsin og hleypa fíkni­sjúk­ling­unum út, loka álver­unum og kljúfa Atlands­hafið eins og Móses sjálfur svo að unga fólkið geti gengið heim frá Nor­egi. Leiða landið úr raun­veru­leik­anum yfir í útópísku ímynd­ina sem allir skítugu júró­hipp­arnir sem koma hingað hafa af okk­ur.

En í stað­inn fyrir prins á hvítum Príus fáum við bara Björg­vin G. – óum­beð­inn og skömmustu­legan – læð­andi sér með­fram veggjum aftur inn á þing með haus­poka sem hann greiddi lík­lega ekki einu sinni fyr­ir.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Orri Páll Jóhannesson er nýr þingflokksformaður Vinstri grænna.
Orri Páll þingflokksformaður Vinstri grænna
Orri Páll Jóhannsson var í dag valinn þingflokksformaður Vinstri grænna. Bjarni Jónsson verður ritari þingflokksins.
Kjarninn 29. nóvember 2021
Katrín Jakobsdóttir forsætisráðherra.
„Umhverfismálin eiga að vera alls staðar“
Katrín Jakobsdóttir segist horfa á boðaða stækkun Vatnajökulsþjóðgarðar sem áfanga í átt að þjóðgarði á borð við hálendisþjóðgarðinn, sem bakkað er með í nýja stjórnarsáttmálanum. Kjarninn ræddi umhverfismál við Katrínu í gær.
Kjarninn 29. nóvember 2021
Bólusetningarvottorð gildi aðeins í níu mánuði
Stjórn Evrópusambandsins hefur lagt til að bólusetningarvottorð gildi í níu mánuði í stað tólf. Örvunarskammtur framlengi svo gildistímann.
Kjarninn 29. nóvember 2021
Samtal við samfélagið
Samtal við samfélagið
Samtal við samfélagið – Íslenska heilbrigðiskerfið: Áskoranir og framtíðin
Kjarninn 29. nóvember 2021
Guðlaugur Þór Þórðarson er nýr ráðherra umhverfis-, loftslags- og orkumála. Landvernd segir að það verði erfitt að gæta hagsmuna náttúrunnar og fara með orkumálin á sama tíma.
Landvernd segir „stríðsyfirlýsingu“ að finna í stjórnarsáttmálanum
Stjórn Landverndar gagnrýnir áform ríkisstjórnarinnar um breytta rammaáætlun, sérstök vindorkulög og flutning orkumála inn í umhverfisráðuneytið, í yfirlýsingu í dag.
Kjarninn 29. nóvember 2021
Róbert Marshall upplýsingafulltrúi ríkisstjórnarinnar.
Innsláttarvilla í Stjórnartíðindum hafði engin lögformleg áhrif
Guðlaugur Þór Þórðarson verður ekki ráðherra lista og menningarmála auk þess að fara með umhverfismál í nýrri ríkisstjórn Katrínar Jakobsdóttur. Innsláttarvilla á vef Stjórnartíðinda gaf ranglega til kynna að svo yrði, en hún hafði engin lögformleg áhrif.
Kjarninn 29. nóvember 2021
Á meðal þeirra geira sem þurfa á mörgum starfsmönnum að halda er byggingageirinn.
18 þúsund störf töpuðust í faraldrinum en 16.700 ný hafa orðið til
Seðlabankinn segir óvíst að hve miklu leyti ráðningarsamböndum sem byggjast á ráðningarstyrkjum verði viðhaldið, en þeir renna flestir út nú undir lok árs. Kannanir bendi þó til þess að störfum muni halda áfram að fjölga.
Kjarninn 29. nóvember 2021
Lilja D. Alfreðsdóttir.
Fjölmiðlar undir atvinnuvegaráðuneyti og þjóðarleikvangar færast til
Miklar tilfærslur eru á málaflokkum milli ráðuneyta í nýrri ríkisstjórn Katrínar Jakobsdóttur. Samkvæmt forsetaúrskurði heyrir fjölmiðlar undir atvinnuvegaráðuneytið og nýtt ráðuneyti fer með málefni þjóðarleikvanga.
Kjarninn 29. nóvember 2021
Meira úr sama flokkiKjaftæði
None