Búvöru­samn­ing­arnir sem ritað var undir við íslenska bændur á föstu­dag hafa valdið miklu upp­námi í íslensku sam­fé­lagi. Hags­muna­sam­tök versl­un­ar­innar fóru af hjör­unum yfir þeim og valdir þing­menn Sjálf­stæð­is­flokks­ins ­sömu­leið­is. Stjórn­ar­and­stöðu­þing­menn hafa kallað þá glóru­lausa.  Fram­sókn­ar­menn, með for­sæt­is­ráð­herr­ann Sig­mund Da­víð Gunn­laugs­son fremstan í flokki, verja samn­ing­anna hins vegar út í yst­u æs­ar, líkt og við var að búast.

Fram­sókn­ar­flokk­ur­inn er líka, að minnsta kosti í orði, afar á­huga­samur um afnám verð­trygg­ing­ar. Slík aðgerð var eitt stærsta kosn­inga­mál og –lof­orð flokks­ins fyrir síð­ustu kosn­ingar og þing­menn hans eru sífellt að ­skrifa greinar og vekja athygli á mál­inu á þingi. Þegar fram fór sér­stök umræða um afnám verð­trygg­ingar í síð­ustu viku tók hins vegar ein­ungis einn þing­maður Fram­sókn­ar, Willum Þór Þórs­son, þátt í henni, en það er önnur saga.

Kjarn­inn beindi fyr­ir­spurn til Sig­mundar Dav­íðs um hvað ­felist í afnámi verð­trygg­ingar að hans mati þann 18. jan­úar síð­ast­lið­inn. Henn­i hefur ekki verið svarað þrátt fyrir ítrek­an­ir.

Það er að minnsta kosti ljóst að algjört afnám verð­trygg­ingar er ekki það sem var Sig­urði Inga Jóhanns­syni, vara­for­mann­i Fram­sókn­ar­flokks­ins, efst í huga þegar hann rit­aði undir búvöru­samn­ing­anna nýju í lok síð­ustu viku. Í þeim segir nefni­lega: „Árleg fram­lög sam­kvæmt samn­ingi þessum mið­ast við for­sendur fjár­laga ­fyrir árið 2016, en taka árlegum breyt­ingum í sam­ræmi við verð­lags­upp­færslu fjár­laga. Ef þróun með­al­tals­vísi­tölu neyslu­verðs (með­al­tal árs­ins) verður önn­ur en verð­lags­for­sendur fjár­laga á árinu, skal mis­mun­ur­inn leið­réttur í fjár­lög­um næsta árs."

Með öðrum orðum eru nýir búvöru­samn­ing­arn­ir, sem eiga að gilda í tíu ár, verð­tryggð­ir.