Opið bréf til Sigmundar Davíðs

Mótmæli á Austurvell
Auglýsing

Kæri Sigmundur,

Þetta er opið bréf frá okkur til þín.

Það skiptir engu máli að konan þín sé moldrík. Hún mætti eiga peningageymi í anda Jóakims Aðalandar uppá Esjunni án þess að það skipti máli. Staðsetningin væru að vísu skrítin en fólk sem veit ekki aura sinna tal gerir oft sérkennilega hluti. Við vitum allir að auðæfi ykkar hjóna eru ekki ástæðan fyrir því að fólk kallar eftir afsögn þinni og þú ættir að hætta að stilla þeim upp sem aðalatriði í þessu máli. Hagsmunir hjóna eru ekki klipptir í sundur með lagagerningum. Þetta veistu vel, þó svo að þú reynir að halda öðru fram.

Auglýsing

Það má líka vel vera að þú hafir náð frábærum árangri í samningum við kröfuhafa föllnu bankanna. Það breytir samt ekki þeirri staðreynd að þú varst bullandi vanhæfur í því máli. Jafnvel þó svo að þú hefðir náð bestu samningum í heimi varstu samt vanhæfur. Það er engin leið til að spinna þetta öðruvísi. Við vitum það allir. Þeir sem hafa hagsmuna að gæta beggja vegna samningaborðsins eru vanhæfir, ef ekki í lagalegum skilningi, þá í siðferðilegum. Punktur.

Það skiptir líka litlu máli að þú skulir halda því fram allir skattir hafi verið greiddir af þessum auðæfum. Það er auðvitað engin leið að staðfesta það heldur, enda er það tilgangur skattaskjóla að leyna eignum og komast hjá skattgreiðslum—og varla hægt að ætlast til þess af fólki að taka einungis þín orð fyrir því, þegar traust á þér sjálfum liggur undir.

Málið snýst um allt aðra hluti og tilraunir til að halda því fram að Tortóla sé ekki skattaskjól eru í besta falli vandræðalegar. Þetta veistu allt, enda temmilega klár náungi, og það gerir þig óheiðarlegan í allri framkomu í þessu máli. Þú hlýtur að sjá að þú hefur vondan málstað að verja og nú er mál að linni.

Þau atriði sem skipta máli eru frekar einföld og skýr þegar öllu er á botninn hvolft:

1.    Augljósir hagsmunaárekstrar: Það er ekki heiðarlegt að leika tveimur skjöldum og íslenskir kjósendur hefðu með réttu átt að fá að vita hvernig þú varst flæktur inn í málefni föllnu bankanna áður en þeir kusu þig. Það er svo bíræfinn hagsmunaárekstur að manni fallast bara hendur.

 

2.    Besti gjaldmiðill í heimi: Þú hefur verið óþreytandi í að verja krónuna og verðtrygginguna, og meira að segja gengið svo langt að kalla krónuna sterkasta gjaldmiðil í heimi. Þú hefur talað um að það skipti máli að „trúa á Ísland“ og komst í veg fyrir að þjóðin gæti greitt atkvæði um aðild að Evrópusambandinu.

Það skýtur því svolítið skökku við að þú kjósir að geyma sparifé þitt, og það engar smá upphæðir, í erlendum gjaldeyri í skattaskjóli utan gjaldeyrishaftanna, meðan almenningur þarf að notast við krónu í höftum. Þetta er í besta falli algjör hræsni og tvískinnungur—og skuldar þú þjóðinni í að minnsta afsökunarbeiðni fyrir þetta.

 

3.    Þú laugst blákalt: Í viðtalinu í Kastljósi í gær laugstu upp í opið geðið á fréttamanni sænska ríkissjónvarpsins í þrígang. Fyrst neitaðirðu að hafa nokkurn tíma haft nokkur tengsl við aflandsfélög, því næst þóttistu ekki vita nákvæmlega hvaða félag Wintris væri og hvernig þú tengdist því og loks þóttistu ekkert kannast við það að hafa selt konunni þinni þinn hlut í félaginu.

Síðan viðtalið var tekið upp hefurðu haft þrjár vikur til að leiðrétta lygina og biðjast afsökunar og reyna að bjarga þeirri litlu æru sem þú áttir eftir. Í staðinn hefurðu djöflast áfram eins og naut í flagi, beitt félögum þínum fyrir þig og dregið allan flokkinn og ríkisstjórnina niður með þér. Þú hefur meira að segja logið því í viðtali við fréttakonu Stöðvar tvö að þú hafir ekki logið og þrætt fyrir það með veikum útúrsnúningum í ræðustól Alþingis.

Fyrir þetta allt ættirðu að segja af þér. Við getum einfaldlega ekki haft óheiðarlegan mann á stóli forsætisráðherra.

4.    Málið hefur skaðað orðspor Íslands: Almennt er það litið mjög alvarlegum augum í öðrum löndum að kjörnir fulltrúar eigi fé falið í skattaskjólum og er okkur nú skipað á bekk með glæpamönnum og leiðtogum gjörspilltra landa í heimspressunni og er það félagsskapur sem við viljum ekki láta kenna okkur við.

Þessi umfjöllun skaðar orðspor og hagsmuni Íslands og þó að þér kunni að finnast það ósanngjarnt og allt byggt á misskilningi, þá skiptir það engu máli. Hagsmunir Íslands eiga að vega þyngra en þínir persónulegu hagsmunir—og það eru ekki hagsmunir Íslands að það sé almennt talið að forsætisráðherrann sé gjörspilltur bófi og lygari.

5.    Málið dregur úr trausti í samfélaginu: Af þessum ástæðum sem við höfum áður rakið, þá nýtur þú ekki lengur trausts sem forsætisráðherra. Það er mjög alvarlegt, því þegar ríkisstjórn situr sem fólk lítur ekki á séu fulltrúar þess, þá grefur það undan trausti á stofnunum samfélagsins og lögmæti ríkissstjórnar þinnar, ekki í lagalegum skilningi, heldur heimspekilegum.

Það er mjög skaðlegt fyrir lýðræðið og ástæðan fyrir því að stjórnmálamenn í löndum með sterka lýðræðishefð stíga til hliðar þegar þeir njóta ekki lengur trausts, því embætti forsætisráðherra er stærra en nokkur manneskja.

Sýndu nú í verki að þú búir yfir nógu mikilli auðmýkt og og persónulegum styrk til að setja hagsmuni Íslands ofar þínum eigin og segðu af þér embætti. Þér er ekki stætt á öðru. Það gæti kannski bjargað þinni pólitísku arfleifð og mannorði líka.

Með kærri kveðju og umhyggju,

Ásgeir og Siggeir

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Skálað á kaffihúsi í Danmörku.
Ýta við ferðaþjónustunni með 32 milljarða króna „sumarpakka“
Danska ríkisstjórnin ætlar að setja 1,6 milljarða danskra króna, um 32 milljarða íslenskra, í „sumarpakka“ til að örva ferðaþjónustu landsins.
Kjarninn 7. maí 2021
Kvótinn um 1.200 milljarða króna virði – Þrjár blokkir halda á tæplega helmingi hans
Miðað við síðustu gerðu viðskipti með aflaheimildir þá er virði þeirra langtum hærra en bókfært virði í ársreikningum útgerða. Í næstu viku munu örfáir eigendur útgerðar selja tæplega 30 prósent hlut sinn í henni.
Kjarninn 7. maí 2021
Páll Magnússon er formaður allsherjar- og menntamálanefndar.
Nefnd búin að afgreiða fjölmiðlastyrki og umsóknarfrestur verður til loka maímánaðar
Meirihluti allsherjar- og menntamálanefndar hefur skilað áliti um stuðningskerfi til fjölmiðla. Þar er lagt til að þrengja skilyrði fyrir stuðningi úr ríkissjóði og gildistími laganna er færður í eitt ár.
Kjarninn 7. maí 2021
Rósa Guðbjartsdóttir, bæjarstjóri Hafnarfjarðar, og verk Libiu og Ólafs áður en það var tekið niður af gafli Hafnarborgar.
Bæjarstjóri hafnar því að hafa gerst sek um ritskoðun þegar listaverk var fjarlægt
Fulltrúar minnihlutans í Hafnarfirðii segja fjarlægingu listaverks Libiu Castro og Ólafs Ólafssonar af gafli Hafnarborgar síðastliðinn sunnudag „alvarlega aðför að tjáningarfrelsi“ og vilja að bæjaryfirvöld biðji tvíeykið afsökunar.
Kjarninn 7. maí 2021
Svæðið fyrir og eftir að Rio Tinto hafði farið yfir það með stórvirkum vinnuvélum.
Hluthafar Rio Tinto hafna starfskjarastefnu sem ofurlaun forstjórans fyrrverandi byggðu á
Fyrstu viðbrögð Rio Tinto og forstjóra þess, þegar upp komst að fyrirtækið hefði eyðilagt 46 þúsund ára gamla steinhella, voru að segjast ekki hafa vitað að þeir væru heilagir í hugum frumbyggjanna. Þessar afsakanir voru hluthöfum ekki að skapi.
Kjarninn 6. maí 2021
Bjarni Benediktsson, fjármála- og efnahagsmálaráðherra.
Telur ásakanir um meint brot Samherja ekki hafa skaðað orðspor íslenskra fyrirtækja
Fjármála- og efnahagsráðherra segist aldrei hafa fengið símtal, ábendingu eða umkvörtun frá nokkrum einasta aðila sem heldur því fram að ásakanir um lögbrot Samherja séu að valda einhverjum verulegum vandræðum fyrir íslenskan útflutning.
Kjarninn 6. maí 2021
Lilja Björk Einarsdóttir, bankastjóri Landsbankans.
Landsbankinn hagnaðist um 7,6 milljarða króna á þremur mánuðum
Hlutdeild Landsbanka Íslands á íbúðalánamarkaði hefur stóraukist milli ára og er nú 26,8 prósent. Hún hefur aldrei verið hærri. Eigið fé bankans er nú 261,4 milljarðar króna.
Kjarninn 6. maí 2021
Smári McCarthy, þingmaður Pírata.
Segir „skrúðgöngur þjóðernispopúlista á atkvæðaveiðum“ lélega nýtingu á tíma og peningum
Þingmaður Pírata gagnrýnir Miðflokkinn harðlega fyrir að hafa „sóað rúmlega 12 klukkutímum af tíma þingsins í forsendulaust og beinlínis heimskulegt málþóf“.
Kjarninn 6. maí 2021
Meira úr sama flokkiAðsendar greinar
None