Auglýsing

25 þing­menn úr fjórum stjórn­mála­flokkum lögðu í vik­unn­i fram þings­á­lykt­un­ar­til­lögu þess efnis að haldin verð­i ­þjóð­ar­at­kvæða­greiðsla um veru flug­vall­ar­ins í Vatns­mýri. ­Tíma­setn­ingin er ein­kenni­leg, og til­lagan út í hött.

Fyrir það fyrsta átti þingi að ljúka í dag, þótt aug­ljóst sé að tals­vert sé í það. 57 dagar eru í þing­kosn­ingar og það er ómögu­legt að kosið yrði um málið sam­hliða þeim. Það vita all­ir, en greini­lega á nú að tromma upp flug­völl­inn í Vatns­mýr­inn­i ­sem kosn­inga­mál – í það minnsta próf­kjörs­mál. Fyrir þau sem ætla sér áfram­hald­andi setu á Al­þingi er þetta kjörið tæki­færi til að hreykja sér af í slíkri bar­áttu. Við skulum ekki gleyma hvað Fram­sókn og flug­vall­ar­vin­ir ­náðu miklum árangri í borg­inni með hræðslu­á­róðri um flug­völl­inn (og kyn­þátta­for­dóm­um). Allir óbreyttir þing­menn þess flokks utan eins taka þátt í fram­lagn­ingu þessa máls. 

Ódýrt lýð­skrum

Það er hins vegar ódýrt lýð­skrum að leggja þessa þings­á­lykt­un­ar­til­lögu fram, líkt og svo margt í umræðu um flug­völl­inn hefur verið um langt skeið. Það leysir engan vanda að kjósa um málið eins og það er lagt fram, það mun bara ýta okkur lengra niður í skot­graf­irn­ar. 

Auglýsing

Til­raunir hafa vissu­lega verið gerðar til þess að hefja málið upp úr skot­gröf­un­um, til dæmis með Rögnu­nefnd­inni svoköll­uðu, sem skil­aði vand­aðri vinnu þótt í skýrsl­una hafi vantað margt, meðal ann­ars mögu­leik­ann á því að færa inn­an­lands­flugið til Kefla­vík­ur. 

Ef þing­menn­irnir 25 hefðu haft raun­veru­legan áhuga á raun­veru­legri lausn á mál­inu þá hefðu þeir getað ýtt á það að inn­an­rík­is­ráðu­neytið færi í við­ræður um þá skýrslu og nið­ur­stöður hennar fyrir rúm­lega ári síð­an, þegar nið­ur­staða hennar lá ljós fyr­ir. Flestir þeirra til­heyra jú stjórn­ar­meiri­hlut­an­um. Þeir hefðu getað staðið fyrir upp­lýstri umræðu um mál­ið, kosti og galla.

Í stað­inn hafa stjórn­völd misst algjör­lega stjórn­ina á þró­un­inni. Icelanda­ir, sem tók þátt í Rögnu­nefnd­inni, er hætt að nenna að bíða eftir ríki og borg og hefur hafið sínar eigin athug­anir á besta kost­inum sam­kvæmt skýrslu nefnd­ar­innar – Hvassa­hrauni. „Það liggur alveg fyrir að Reykja­vík­ur­flug­völlur er að fara úr Vatns­mýr­inn­i,“ sagði Björgólfur Jóhanns­son, stjórn­ar­for­maður Icelanda­ir, um málið í sumarEinka­fyr­ir­tækið hefur því tekið af skarið og sagt eins og er, þessi stóra fjár­fest­ing og þetta stóra mál yfir höf­uð, þarfn­ast þess að mögu­leik­arnir séu skoð­aðir eins vel og hægt er. 

Þetta er áfell­is­dómur yfir stjórn­völd­um, og stjórn­mál­unum öll­um. Þau geta þverskall­ast við og reynt að banna flutn­ing vall­ar­ins með lög­um, en þró­unin er farin af stað, án þeirra. 

Betri borg þarf Vatns­mýri – betri lands­byggð þarf heil­brigð­is­þjón­ustu

Það hefur lengi verið mín skoðun að flug­völl­ur­inn ætti að víkja úr Vatns­mýr­inni. Það þýðir ekki að ég vilji skerða þjón­ustu við lands­byggð­ina eða vilji að fólk deyi. Það þýðir ein­fald­lega að ég trúi þeim sér­fræð­ingum sem segja að Vatns­mýrin sé besta, og eig­in­lega eina, tæki­færið til þess að þróa Reykja­vík og gera hana að betri og þétt­býlli borg. Betri Reykja­vík yrði okkur öllum til hags­bóta og við höfum ein­stakt tæki­færi til þess að byggja hana. Upp­bygg­ing í Vatns­mýri myndi auk þess vera stærsta inn­leggið í lausn á hús­næð­is­skorti í höf­uð­borg­inn­i. 

Margir segja að flug­völl­ur­inn eigi að vera þar sem hann er, þannig hafi það alltaf verið og þannig þurfum við ekki að taka flóknar ákvarð­anir og takast á við breyt­ing­ar. En vanda­málið er að þannig verður engin fram­þró­un. Við eigum bara þessa einu borg enn­þá, við öll, og til þess að hún haldi áfram að þróast, batna og geti orðið sam­keppn­is­hæf við aðrar borgir, þá þurfum við að grípa til aðgerða. Sam­keppnin er ein­fald­lega ekki á milli lands­byggðar og borg­ar, hún er á milli Íslands og ann­arra landa. Borga í öðrum lönd­um. Við snúum ekki við alþjóð­legri borg­ar­þróun með inn­an­lands­flugi í Vatns­mýri. 

Þetta eru helstu rökin fyrir því að loka flug­vell­in­um. En það eru líka afskap­lega sterk rök fyrir því að halda flug­vell­inum á sínum stað – þau rök eru sjúkra­flug­ið. Ekki vöru­flutn­ing­ar, ekki einka­flug eða kennslu­flug, ekki stjórn­sýslan, ekki neitt annað en sjúkra­flug­ið. Ekk­ert okkar vill að fólk deyi sökum fjar­lægðar frá góðri heil­brigð­is­þjón­ust­u. 

Það er hins vegar óskilj­an­legt hvers vegna ein­blínt er svona mikið á einn af mörgum þáttum í sjúkra­flutn­ingum milli lands­hluta. Lítið er talað um við­bragðs­tím­ann frá því að beiðni um sjúkra­flug berst og þangað til flug­vél er farin í lof­ið. Væri hægt að stytta þennan tíma? Lítið er talað um tím­ann sem það getur tekið að koma fólki að flug­völlum svo það geti kom­ist um borð í sjúkra­flug­vél. Sá tími er oft lang­ur, oft vegna lélegra sam­gangna. Lítið er talað um að stundum þurfa flug­vélar fyrst að fljúga frá Akur­eyri til Reykja­víkur til að sækja heil­brigð­is­starfs­fólk áður en flogið er á áfanga­stað þar sem sjúk­lingur er. Lítið er minnst á að það er ekki einu sinni búið að meta það hvort flutn­ingur flug­vallar í Hvassa­hraun myndi ógna öryggi sjúk­linga á nokkurn hátt. Svo nokkur dæmi séu tek­in. 

Hvers vegna erum við ekki að beina sjónum okkar að því að auka og bæta heil­brigð­is­þjón­ustu og sam­göngur á lands­byggð­inni? Hvar eru byggð­ar­sjón­ar­miðin í því að krefj­ast bara aðgangs að Reykja­vík­ur­flug­velli, en ekki almenni­legrar þjón­ustu í hverjum fjórð­ungi? Það eru stóru málin sem verið er að leiða okkur fram­hjá í enda­lausum, yfir­borðs­kenndum rifr­ildum stjórn­mála­manna og í til­lögum eins og þeirri sem nú hefur verið lögð fram á Alþingi. Með því að leggja málin svona á borð þurfa þeir nefni­lega ekki að koma með raun­veru­legar lausnir á alvöru vanda­mál­u­m. 

Við kjós­endur eigum að geta gert meiri kröfur til stjórn­mála­manna en það sem þeir eru að bjóða okkur upp á hér. 

Við skulum ekki leyfa þeim að kom­ast upp með þetta. 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Eilífðarefnin finnast í regnvatni alls staðar um heiminn. Uppruni þeirra er oftast á vesturlöndum en það eru fátækari íbúar heims sem þurfa að súpa seyðið af því.
Regnvatn nánast alls staðar á jarðríki óhæft til drykkjar
Okkur finnst mörgum rigningin góð en vegna athafna mannanna er ekki lengur öruggt að drekka regnvatn víðast hvar í veröldinni, samkvæmt nýrri rannsókn.
Kjarninn 8. ágúst 2022
Fleiri farþegar fóru um Flugstöð Leifs Eiríkssonar í júlí síðastliðinum en í sama mánuði árið 2019.
Flugið nær fyrri styrk
Júlí var metmánuður í farþegaflutningum hjá Play og Icelandair þokast nær þeim farþegatölum sem sáust fyrir kórónuveirufaraldur. Farþegafjöldi um Keflavíkurflugvöll var meiri í júlí síðastliðnum en í sama mánuði árið 2019.
Kjarninn 8. ágúst 2022
Verðfall á mörkuðum erlendis er lykilbreyta í þróun eignarsafns íslenskra lífeyrissjóða. Myndin tengist fréttinni ekki beint.
Eignir lífeyrissjóðanna lækkuðu um 361 milljarða á fyrri hluta ársins
Fallandi hlutabréfaverð, jafn innanlands sem erlendis, og styrking krónunnar eru lykilþættir í því að eignir íslensku lífeyrissjóðanna hafa lækkað umtalsvert það sem af er ári. Eignirnar hafa vaxið mikið á síðustu árum. Í fyrra jukust þær um 36 prósent.
Kjarninn 8. ágúst 2022
Uppþornað stöðuvatn í norðurhluta Ungverjalands.
Enn ein hitabylgjan og skuggalegur vatnsskortur vofir yfir
Það er ekki aðeins brennandi heitt heldur einnig gríðarlega þurrt með tilheyrandi hættu á gróðureldum víða í Evrópu. En það er þó vatnsskorturinn sem veldur mestum áhyggjum.
Kjarninn 8. ágúst 2022
Þrjár af hverjum fjórum krónum umfram skuldir bundnar í steypu
Lektor í fjármálum segir ekki ólíklegt að húsnæðisverð muni lækka hérlendis. Það hafi gerst eftir bankahrunið samhliða mikilli verðbólgu. Alls hefur hækkun á fasteignaverði aukið eigið fé heimila landsins um 3.450 milljarða króna frá 2010.
Kjarninn 8. ágúst 2022
Fylgistap ríkisstjórnarflokkanna minna en nær allra annarra stjórna eftir bankahrun
Einungis ein ríkisstjórn sem setið hefur frá 2009 hefur mælst með meira fylgi tíu mánuðum eftir að hún tók við völdum en hún fékk í kosningunum sem færði henni þau völd. Sú ríkisstjórn beið afhroð í kosningum rúmum þremur árum síðar.
Kjarninn 8. ágúst 2022
Gylfi Zoega er annar höfundur greinar sem birtist í nýjasta tölublaði Vísbendingar.
„Hægt væri að banna Airbnb í þéttbýli þegar skortur er á íbúðarhúsnæði“
Ef fleiri flytja til landsins en frá því verður til flókið samspil hagstærða sem valda breytingum á eftirspurn og/ eða framboði á húsnæði með tilheyrandi verðhækkunum eða lækkunum. Tveir hagfræðingar leggja til að kerfinu verði breytt.
Kjarninn 7. ágúst 2022
Arnar Jónsson leikari áformar að gefa út plötu með eigin upplestri á ljóðum úr ólíkum áttum, sem hann segist vilja veita framhaldslíf.
Landskunnur leikari gefur út ljóðaplötu
„Ljóðið hefur fylgt mér frá því ég var pjakkur fyrir norðan og allar götur síðan,“ segir Arnar Jónsson leikari, sem hefur undanfarin ár safnað saman sínum uppáhaldsljóðum og hyggst nú gefa út eigin upplestur á þeim, bæði á vínyl og rafrænt.
Kjarninn 7. ágúst 2022
Meira úr sama flokkiLeiðari
None