Auglýsing

And­ers Samu­el­sen, utan­rík­is­ráð­herra Dan­merk­ur, var til við­tals í Was­hington Post og For­eign Policy í lok jan­úar síð­ast­lið­inn og greindi þar frá fram­þróun á utan­rík­is­stefnu lands­ins. Þessi fimm millj­óna vina­þjóð og frænd­þjóð Íslands á Norð­ur­löndum hefur tekið það stóra skref að til­nefna sér­stakan sendi­herra Dana gagn­vart tækni­fyr­ir­tækj­un­um. Þetta á ekki síst við um ýmis álita­mál danska rík­is­ins og Dana almennt sem tengj­ast fyr­ir­tækjum eins og Goog­le, Face­book, App­le, Microsoft, Cisco, Oracle og Amazon, en þessi fyr­ir­tæki búa yfir gríð­ar­legu magni af gögnum sem sífellt mik­il­væg­ara er að huga betur að í hinu dag­lega lífi fólks. 

Fjár­styrkur þess­ara fyr­ir­tækja er líka með ólík­indum og er nær­tækt að benda á digra sjóði Apple og Microsoft. Apple átti 231,5 millj­arða Banda­ríkja­dala í lausu fé frá rekstri (Cash on hand), í lok árs í fyrra, og Microsoft 140 millj­arða Banda­ríkja­dala. Sam­an­a­lagt eiga þessi fyr­ir­tæki, sem að framan eru nefnd, tæp­lega 600 millj­arða Banda­ríkja­dala í lausu fé frá rekstri, sem er tæp­lega 40 pró­sent af öllu lausafé fyr­ir­tækja í Banda­ríkj­un­um, séu fjár­mála­fyr­ir­tæki frá­tal­in. 

Rök­rétt skref

Í við­tal­inu segir Samu­el­sen að það sé mat danskra stjórn­valda að mik­il­vægt sé fyrir Dani að rækta betri tengsl við tækni­fyr­ir­tækin stóru sem hafa svo mikil áhrif á líf okk­ar. Hugs­unin sé sú, að fram­þróa utan­rík­is­stefn­una þannig að hags­muna­gæslan sé virk gagn­vart stærstu tækni­fyr­ir­tækj­unum og með tím­anum verði komin á tengsl sem geti styrkt sam­keppn­is­hæfni Dan­merk­ur. Þetta er rök­rétt fram­hald á stefnu sem Danir hafa unnið eftir til að auka erlenda fjár­fest­ingu í tækni­iðn­aði, og má nefna 166 þús­und fer­metra gagna­ver Apple í Viborg á Jót­landi sem dæmi um árangur á því sviði. Starfs­maður Invest in Den­mark - eins konar Íslands­stofa þeirra Dana - sem er stað­settur í Síli­kondalnum í Kali­forníu vann að því að linnu­lítið í þrjú ár að koma á tengslum við Apple til að ræða mögu­leik­ann á grænu gagn­veri í Dan­mörku. Þetta skil­aði árangri að lok­um. 

Auglýsing

Hægt að læra af Dönum

Stefnan sem Samu­el­sen hefur talað fyrir og þessi skref sem Danir hafa stigið virka skyn­sam­legt og eitt­hvað sem við Íslend­ingar þurfum að gefa gaum. Í okkar agn­arsmáa landi eru tækni­fyr­ir­tækin áhrifa­mikil og það mun skipta miklu máli hvernig farið verður með gögnin sem safn­ast saman hjá þeim. Það þarf að hugsa um þessa hags­muni, ekki síst þegar kemur að per­sónu­frels­is­sjón­ar­miðum og fénýt­ingu gagna. Nú þegar er sá iðn­aður orð­inn risa­vax­inn og alveg öruggt er að aðeins lít­ill toppur á ísjak­anum er far­inn að sjást í þeim efn­um.

Tengj­umst svæð­um, ekki löndum

Skref Dana vekur einnig upp fleiri spurn­ingar um fram­þróun utan­rík­is­stefn­unn­ar. Hið póli­tíska lands­lag í heim­inum virð­ist einnig draga vel fram þær miklu breyt­ingar sem eru að verða á sam­fé­lög­um, á Vest­ur­löndum og í Asíu ekki síst. Innan ein­stakra ríkja eru hávaxt­ar­svæði þar sem við­skipta­sam­bönd myndast, vöru­þróun á sér stað, nýsköpun blómstr­ar, fjár­fest­ingar eru fram­kvæmdar og rann­sóknir stund­að­ar. Borgir eru í lyk­il­hlut­verki. Í mörgum til­vikum eru hin hefð­bundnu póli­tísku tengsl, í gegnum við­skipta­samn­inga og diplómat­ísk sam­skipti, ekki endi­lega rétta leiðin til að tengj­ast þessum svæð­um. Heldur frekar þaul­hugsuð mark­aðs­setn­ing og lang­tíma­á­ætl­an­ir, þar sem einka­fyr­ir­tæki og hið opin­bera leiða saman hesta sína. 

Erlendir ferðamenn eru umsvifamestir í gjaldeyrissköpuninni, en við þurfum að auka útflutning á vörum og þjónustu.Nefna má helstu vaxt­ar­borgir í Kína, borg­ar­svæðin á aust­ur- og vest­ur­strönd Banda­ríkj­anna, fisk­mark­aði í Síle, nýsköp­un­ar­suðu­pott­inn í Stokk­hólmi og menn­ing­ar­starfið í mið­borg Berlín, sem dæmi. Þetta eru alþjóð­legir mann­lífspottar að grunni til og það þarf að nálg­ast þá með beinum tengslum á vett­vangi, með svip­uðum hætti og Danir hafa hugsað nálgun sína að tækni­geir­an­um.

Vel má hugsa sér að Ísland búi til nýjar sendi­herra­stöður í fram­tíð­inni sem byggja á þess­ari nálg­un. Þá sendi­herra ætti alls ekki að sækja í hóp þing­manna eða emb­ætt­is­manna, heldur miklu frekar beint út á einka­mark­að­inn á við­kom­andi svæð­um.



Stöð­urnar gætu til dæmis verið sendi­herra Íslands gagn­vart tækni­fyr­ir­tækjum og sendi­herra gagn­vart nýsköp­un­ar­svæðum í borg­um, þar sem unnið er þvert á landa­mæri. Því betur sem tekst að rækta tengsl íslensks atvinnu­lífs við þessa nýju efna­hags­legu turna, því betra.

Utan­rík­is­þjón­ustan finnst mér of oft vera tengd við bruðl í opin­berri umræðu. Ég held að það sé ósann­gjarnt og ein­fald­lega ekki rétt. Ef eitt­hvað er þá er hún lík­lega und­ir­mönnuð og of veik­burða til að geta sinnt fjöl­þættum verk­efnum vel, þó erfitt sé að meta það nákvæm­lega.

En hún þarf að fram­þró­ast og örríkið Ísland hefur mikil tæki­færi þegar kemur að betri teng­ingum við ein­staka mark­aðs­svæði þar sem vörur geta kom­ist á mark­að, við­skipta­tengsl orðið til og þjón­usta íslenskra fyr­ir­tækja verið keypt. Við þurfum að huga vel að þessum málum til fram­tíðar litið og lík­lega er fátt mik­il­væg­ara fyrir kom­andi kyn­slóðir en að styrkja þessi alþjóð­legu tengsl.

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Maður með grímu gengur fyrir framan skilti þar sem varað er við því að borða leðurblökur og beltisdýr en úr þeim er kórónuveiran talin upprunin.
Wuhan-skjölin: Mörg og alvarleg mistök í upphafi faraldursins í Kína
Sjúklingar biðu í yfir þrjár vikur að meðaltali eftir greiningu, falskar niðurstöður fengust úr sýnatökum og skæður inflúensufaraldur geisaði á sama tíma og fyrstu tilfelli sjúkdóms af völdum nýrrar veiru komu upp í Wuhan.
Kjarninn 2. desember 2020
Óli Björn Kárason þingmaður Sjálfstæðisflokksins.
Boðar andstöðu við stjórnarfrumvörp ráðherra Framsóknar og VG
Óli Björn Kárason þingmaður Sjálfstæðisflokksins kallar hugmyndafræðina að baki frumvarpi Sigurðar Inga Jóhannssonar samgöngu- og sveitarstjórnarráðherra um lágmarksfjölda íbúa í sveitarfélögum „ógeðfellda“ í grein í Morgunblaðinu í dag.
Kjarninn 2. desember 2020
Stefán Ólafsson
Brot Sigríðar Á. Andersen
Kjarninn 2. desember 2020
Húsnæði Seðlabanka Íslands
Umfangsmestu krónukaup Seðlabankans á þessari öld
Seðlabankinn hefur aldrei keypt jafnmikið af krónum á þessari öld og í síðasta mánuði. Tvær af hverjum þremur krónum sem seldar voru á gjaldeyrismarkaði voru keyptar af Seðlabankanum í október.
Kjarninn 2. desember 2020
Hitaspá á hádegi á laugardag: Fjólublái liturinn táknar frost á bilinu 12-20 stig.
Hrollvekjandi viðvaranir veðurfræðinga: „Stórhríð“ og „hörkufrost“
Ekkert nema norðan stormur í kortunum. Fyrsta alvöru norðanáhlaup vetrarins. Hreinræktað heimskautaloft mun steypast yfir okkur. Dúða ætti leikskólabörn og spara heita vatnið. Viðvaranir vegna kuldakastsins næstu daga eru allt annað en blíðlegar.
Kjarninn 2. desember 2020
Angel Gurría, aðalritari OECD
OECD hvetur til fjárfestingar í menntun á Íslandi
Samkvæmt Efnahags- og framfarastofnuninni ættu stjórnvöld hér á landi að ráðast í samkeppniseflandi aðgerðir, auk fjárfestingar í menntun, rannsókn og þróun og aðgerðum sem miðla að grænum hagvexti.
Kjarninn 2. desember 2020
Jónas Atli Gunnarsson
Misskilningur um laun
Kjarninn 2. desember 2020
Bjarni Benediktsson, fjármála- og efnahagsmálaráðherra.
Telur enga ástæðu til að hafa uppi stór orð um „svartan dag í réttarsögunni“
Fjármála- og efnahagsráðherra segir að ekki þurfi að hafa áhyggjur af orðspori Íslands vegna niðurstöðu yfir­­­­­deildar Mann­rétt­inda­­­dóm­stóls Evr­­­ópu.
Kjarninn 1. desember 2020
Meira úr sama flokkiLeiðari
None