Ég vil byrja á því að fagna því að mann­eskja af þinni for­rétt­inda­stöðu Þór­unn ákveði að nota aðstöðu sína til góðs. Eða alla vega að meina það til góðs. En því mið­ur, þá er þetta virki­lega van­hugsuð hug­mynd. Þegar þið hvetjip fólk til þess að verja sig með því að setja lok yfir drykk­inn sinn á skemmti­stað eða úti­há­tíð eru þið, jafn­vel þótt þið hafið ekki ætlað ykkur að gera það, að setja ábyrgð­ina á fórna­lömin. Þegar þú Þór­unn talar um það að nauðgun sé ekki ein­ungis hjá kven­fólki, tek ég undir það með þér, en hins vegar á árunum 2005-2010 voru heim­sóknir á Neyð­ar­mót­töku LSH sam­tals 776, þar af 24 karl­ar. Ég fann ekki upp­lýs­ingar um síð­ustu 7 ár en það gefur auga leið að fórna­lömb nauðg­unar eru oft­ast konur og ger­end­urnir í nær öllum til­vikum karl­kyns. Þegar konum er nauðgað er þeim líka oft kennt um það sjálf­um. Ég hef lent í því sjálf, þegar mér var nauðgað var ég spurð hvort ég hefði verið mjög full og beðin um að lýsa nákvæm­lega uppá cm hversu stutt pilsið mitt var, hvort bol­ur­inn minn hafi verið fleg­inn og hvort ég hafi gefði í skyn að ég vildi stunda kyn­líf. Nota bene þá var ég ekki við­ræðu­hæf því ég var svo drukk­in. Þú spyrð afhverju er þessi lím­miða umræða slæm og ef fólki finnst þetta svona vond hug­mynd og það setur svona mikið út á hana afhverju kemur það ekki með betri hug­mynd?

Nr. 1 Af því að hann (lím­mið­inn) skaðar þessa umræðu og færir hana aftur um mörg ár með því að gefa í skyn að fólk geti komið í veg fyrir að þeim sé nauðg­að. Þegar konum er nauðgað eru þær spurðar "Í hverju varstu?" "Hvað drakkstu mik­ið?", "Sagð­iru nei?"...Svo núna eftir þennan lím­miða kemur eflaust spurn­ingin "Hmm...varstu ekki með lím­miða?”

Nr. 2 Ég er ekki með neina hug­mynd til þess að koma í veg fyrir að vera nauðgað en ég veit að þetta er ekki rétta aðferð­in.  Því þið, Þór­unn og Secret Sol­stice, eruð að setja ábyrgð­ina á fórna­lömb­in. Ábyrgðin er ekki hjá fórna­lömb­um. Ég vildi óska þess að ég gæti komið í veg fyrir nauðg­an­ir. Það hefði hjálpað mér tvisvar. Eitt sinn þegar mér var nauðgað í Reykja­vík og síðan þegar það var reynt að nauðga mér í LA. Í fyrra skipti kenndi ég mér um það, en í seinna skipti kenndi ég honum um það. Ég átt­aði mig á því að það var ekk­ert sem ég hefði getað gert til að koma í veg fyrir þessar árás­ir. Ég þrái að finna lausn á þessum hrylli­lega raun­veru­leika sem við búum við en ég er ekki með svarið en það ert þú svo sann­ar­lega ekki held­ur.

Ég er ekki að snúa út úr þegar ég segi að þú sért að varpa ábyrgð­inni á fórna­lömbin vegna þess að þú sagðir orð­rétt: „Ábyrgðin er ekki ein­ungis hjá þeim sem drekka úr glas­in­u…“ Nei. Hún ER EIN­UNGIS hjá nauð­gar­an­um. Fólk er ekki eins og bíll, hús eða hlut­ur. Nauðgun er versta gerð af lík­ams­árás og umræða sem hvetur fólk til að verja sig með því að drekka ekki of mik­ið, vera ekki fáklædd­ur, vera aldrei einn á ferð, vera með lykil á milli put­anna til að verja sig og að setja lím­miða á glasið sitt svo eng­inn geti byrlað þeim er ekki af hinu góða. Bara alls alls alls ekki. Hún setur ábyrgð­ina á fórna­lömb­in. Ég veit að þetta er örugg­lega erfitt vegna þess að fólk er að gagn­rýna þig harka­lega og þú ætl­aðir þér ekki að gera neitt illt. En þessi gagn­rýni er ekki per­sónu­leg árás, heldur hvatn­ing til þín og Secret Sol­stice um að opna augun og gera ykkur grein fyrir því að þessir lím­mið­ar, burt­séð frá upp­runa­legri mein­ingu þeirra, eru skað­legir umræð­unni um nauðg­an­ir. Mjög skað­leg­ir. 

Ég hvet ykkur sem berið ábyrg á þessu til þess að við­ur­kenna mis­tök ykk­ar. Það krefst hug­rekkis sem ég er viss um Þór­unn að þú haf­ir. Gerðu það. 

Kveðja,

Ebba