Í grein sem frá­far­andi land­bún­að­ar­ráð­herra skrifar í Kjarn­ann í dag er mein­leg villa sem verður að leið­rétta.

Setn­ing Þor­gerðar Katrínar er eft­ir­far­andi: „…MS sem er það fyr­ir­tæki sem státar af þeim vafa­­sama heiðri að vera einn stærsti inn­­flytj­andi syk­­urs á Ísland­i...“

MS flytur ekki inn syk­ur. Tæp­lega 15 þús­und tonn af sykri og sæt­indum voru flutt inn árið 2016 skv. tölum Hag­stof­unn­ar. Ekk­ert af því var á vegum MS. MS kaupir árlega um 1-2% af þeim inn­flutn­ingi í sína fram­leiðslu en stærstu aðil­arnir í kaupum á sykri eru um 10 sinnum stærri en MS. Þetta er ekki stórt hlut­fall þegar haft er í huga að MS er stærsta mat­væla­fram­leiðslu­fyr­ir­tæki lands­ins og vinnur úr um 150.000 tonnum af mjólk árlega. Um 92% af allri mjólk á Íslandi fara í vörur án við­bætts syk­urs eða sætu­efna. 

En hversu mikið af við­bættum sykri í okkar mat­ar­ræði kemur þá frá mjólk­ur­vörum? Emb­ætti land­lækn­is í sam­starfi við Mat­væla­stofn­un hefur fram­kvæmt ítar­legar rann­sóknir á mat­ar­ræði Íslend­inga. Þar kemur í ljós að Íslend­ingar fá mest af við­bættum sykri úr gos­drykkjum og söf­um, sæl­gæti, kök­um, kexi og ís eða sam­tals um 80%. Mjólk­ur­vörur telja þar aðeins um 6% að bragð­efnum með­töld­um. Það er rétt að finna má við­bættan sykur í vörum MS en und­an­farin ár hefur það magn minnkað um 8-30% í algengum vör­um. Eitt helsta við­fangs­efni þró­un­ar­sviðs MS er að minnka sykur í bragð­bættum vörum enn frek­ar. 

Þegar þessar stað­reyndir eru skoð­aðar má sjá að frá­far­andi ráð­herra hefur verið illa upp­lýstur um syk­ur­notkun í íslenskum mat­væla­iðn­aði á sínum skamma emb­ætt­is­tíma.

Við hvetjum alla áhuga­sama til að kynna sér málið nánar á vef MS.

Höf­undur er verk­efna­stjóri í upp­lýs­inga- og fræðslu­málum MS.