Algjör kúvending kallar á nýtt stöðumat

Viðskiptasamband Íslands og Bandaríkjanna er nú orðið það umfangsmesta af öllum. Þetta hefur gerst hratt, og er mikill uppgangur í ferðaþjónustu þar lykilatriði.

Auglýsing

Miklar breyt­ingar hafa orðið á stöðu íslenska hag­kerf­is­ins á und­an­förnum árum og hefur vægi ein­stakra við­skipta­landa Íslands tekið miklum breyt­ingum frá því sem áður var. Ísland er orðið mun háð­ara Banda­ríkj­unum en það var, og þá einkum vegna áhrifa ferða­þjón­ust­unn­ar. 

Banda­rískir ferða­menn hafa komið með mörg hund­ruð millj­arða inn í landið í formi gjald­eyr­is­tekna, á und­an­förnum árum, og er landið nú orðið stærsta ein­staka við­skipta­land Íslands, þegar horft er til þjón­ustu- og vöru­við­skipta.

Athygl­is­vert er þó, að vöru­út­flutn­ingur Íslands til Banda­ríkj­anna mætti vera mun meiri miðað við stærð mark­aðs­svæðs­ins. Til sam­an­burðar má nefna að vöru­út­flutn­ingur frá Íslandi er Spánar er um tvö­falt meiri en til Banda­ríkj­anna, sé miðað við tölur Hag­stofu Íslands, sem teknar voru saman í skýrslu Sam­taka atvinnu­lífs­ins í sum­ar.

Auglýsing

Tekjur af þjón­ustu, þar sem ferða­þjón­usta er lang­sam­lega fyr­ir­ferða­mest, námu hins vegar um 126 millj­örðum króna árlega og heild­ar­um­fang við­skipta­sam­bands­ins (inn- og útflutn­ing­ur) tæp­lega 300 millj­örð­um. Sam­bæri­legt við­skipta­sam­band við Bret­land, sem lengi hefur verið stærsta við­skipta­land Íslands (sé horft fram­hjá upp­skipun áls í Hollandi í hag­töl­un­um), er um 235 millj­arðar króna.

Eins og sést á þessari mynd, úr skýrslu SA um Brexit og hagsmuni Íslands, þá er umfang viðskiptasambands Íslands og Bandaríkjanna það umfangsmesta af öllum öðrum löndum. Mynd: SA.

Í stjórn­ar­sátt­mála rík­is­stjórnar Katrínar Jak­obs­dóttur er vikið sér­stak­lega að því að gæta þurfi vel að hags­munum Íslands þegar kemur að útgöngu Breta úr Evr­ópu­sam­band­inu, og er það vel skilj­an­legt, enda miklir hags­munir í húfi.

Þörf á betri og meiri grein­ingum

Minna hefur farið fyrir því að það fari fram hags­muna­mat, ítar­lega og grein­ar­gott, á sam­bandi Íslands og Banda­ríkj­anna, eins og mál standa nú. Efna­hags­legt sam­band ríkj­anna hefur aldrei verið meira og fjöl­mörg tæki­færi fylgja auknum flug­sam­göngum milli land­anna sem nýta mætti mun bet­ur, t.d. þegar kemur að auknum vöru­við­skiptum milli land­anna. 

Þrátt fyrir hálf­gert nið­ur­læg­ing­ar­skeið á sviði banda­rískra stjórn­mála, með Don­ald Trump Banda­ríkja­for­seta sem helsta boð­bera dellu og yfir­borðs­rifr­ilda um hin ýmsu mál, þá eru mörg svæði innan Banda­ríkj­anna sem Ísland þarf að efla tengsl sín við. Tug­millj­óna svæði með mikla vaxt­ar­mögu­leika fyrir hinar ýmsu vörur og fyr­ir­tæki er að finna í þessu fjöl­breytta stór­veld­i. 

Má nefna Vest­ur­strönd Banda­ríkj­anna sér­stak­lega í því sam­hengi, en þar búa um 50 millj­ónir manna (Kali­fornía 39 millj­ón­ir, Oregon 4 millj­ónir og Was­hington 7 millj­ón­ir). Vöxtur er þar mik­ill og mikil tæki­færi á sviði iðn­að­ar, tækni og vöru­við­skipta, svo eitt­hvað sé nefnt. Bættar flug­sam­göngur á svæðið hafa opnað dyr á svæðið sem mætti nýta bet­ur.

Auk þess hefur efna­hagur Banda­ríkj­anna verið að þró­ast með jákvæðum hætti að und­an­förnu, þrátt fyrir dell­una sem veður uppi í stjórn­mál­un­um, eins og Janet Yellen, frá­far­andi seðla­banka­stjóri Banda­ríkj­anna, benti á ekki alls fyrir löngu

Af sem áður var

Í yfir­grips­mik­illi skýrslu Seðla­banka Íslands um val­kosti Íslands í gjald­miðla­mál­um, frá árinu 2012, var fjallað um við­skipta­sam­band Íslands og Banda­ríkj­anna og þann val­kost að taka upp Banda­ríkja­dal. Í skýrsl­unni seg­ir:  „Af öðrum val­kostum hafa Banda­ríkin þann kost að vera stórt mynt­svæði og Banda­ríkja­dalur er forða­gjald­mið­ill. Því myndi tölu­verður ábati í formi nettengla­á­hrifa fylgja upp­töku Banda­ríkja­dals. Hins vegar eru við­skipti Íslands við Banda­ríkin til­tölu­lega lítil og tengsl við hag­sveiflu þeirra tak­mörk­uð. Þótt breska mynt­svæðið sé minna en hið banda­ríska hefði Sterl­ingspundið þann kost að breska hag­sveiflan virð­ist vera tengd­ari Íslandi og við­skipti við Ísland meiri.“

Algjör kúvend­ing hefur orðið á þess­ari stöðu frá því skýrslan kom út fyrir rúmum fimm árum, og aug­ljóst að fjallað yrði með allt öðrum hætti um for­send­urnar fyrir upp­töku Banda­ríkja­dals nú heldur en þá. 

Óháð spurn­ing­unni um hvort taki eigi upp annan gjald­mið­il, eins og var til umfjöll­unar í fyrr­nefndri skýrslu, þá er þörf á því að greina þetta mikla og djúpa við­skipta­sam­band við Banda­ríkin bet­ur.  Til dæmis hvað það er sem getur leitt til nið­ur­sveiflna og hvernig megi styrkja sam­bandið enn betur til fram­tíðar lit­ið.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Bankastjórar Arion banka kaupa hlutabréf fyrir 230 milljónir
Benedikt Gíslason bankastjóri og Ásgeir Helgi Reykfjörð aðstoðarbankastjóri keyptu hlutabréf í bankanum í dag.
Kjarninn 14. nóvember 2019
Þorsteinn Már vonar að tímabundið brotthvarf rói umræðu um Samherja
Þorsteinn Már Baldvinsson segir í viðtali við Vísi að Samherji sé ekki sálarlaust fyrirtæki. Honum blöskrar umræða um fyrirtækið í kjölfar afhjúpandi þáttar Kveiks um starfsemi Samherja í Namibíu.
Kjarninn 14. nóvember 2019
Indriði H. Þorláksson
Samherji í gráum skugga
Kjarninn 14. nóvember 2019
Björgólfur í leyfi frá störfum sem stjórnarformaður Íslandsstofu
Björgólfur Jóhannsson tekur við sem forstjóri Samherja tímabundið.
Kjarninn 14. nóvember 2019
Leifur Gunnarsson
Takmarkanir á tímum tæknibyltinga – Staða fólks með sykursýki 1 í dag
Kjarninn 14. nóvember 2019
Mosfellsbær heldur áfram að stækka
Íbúum Mosfellsbæjar hefur fjölgað gríðarlega á síðasta áratug sem og nýjum íbúðum. Bæjarstjórn Mosfellsbæjar býst við áframhaldandi fjölgun íbúa á næsta ári.
Kjarninn 14. nóvember 2019
Haukur Arnþórsson
Hugleiðingar um tengsl stjórnmála og sjávarútvegs
Kjarninn 14. nóvember 2019
Svæðið sem um ræðir
Steypuvinna vegna Landsbankabyggingarinnar – Reikna með að fara 190 ferðir á einum degi
Botnplata nýju Landsbankabyggingarinnar á Austurbakka 2 verður steypt laugardaginn næstkomandi. Meðan unnið er þarf að loka hægri akrein Kalkofnsvegar í átt að Lækjargötu.
Kjarninn 14. nóvember 2019
Meira úr sama flokkiLeiðari