Hættum að þagga niður ofbeldi

Jasmina Crnac fjallar um stöðu erlendra kvenna í íslensku samfélagi og hvernig hægt sé að búa til betri veruleika fyrir þær.

Auglýsing

Nú eru konur af erlendum upp­runa búnar að stíga fram og segja frá kyn­bundnu ofbeldi, kyn­ferð­is­legu ofbeldi, ofbeldi á vinnu­mark­aðnum og sví­virði­legri hegðun í þeirra garð. Ég sjálf er ein af þeim. En ætl­unin er ekki tala um mig heldur heild­stæðu mynd­ina og hvað við öll getum gert sem sam­fé­lag.

Fyrir það fyrsta var ég sjálf hissa á því hversu gróft ofbeldið og birt­ing­ar­mynd­irnar af því eru. Það er gríð­ar­lega óhugn­an­legt hvað margar hverjar konur þurftu og þurfa enn að þola vegna upp­runa síns. Því vil ég ein­blína á það að hugsa frekar í lausnum, svo­leiðis mun umræðan hald­ast á lofti og end­an­lega skila sínu fyrir mál­stað­inn. Þá er mjög mik­il­vægur punktur að við hver og eitt við­ur­kennum að ofbeldi gagn­vart konum af erlendum upp­runa er rót­gró­inn i okkar sam­fé­lagi og það er hrotta­legra en margur gerir sér grein fyr­ir.

Þessi bar­átta okkar snýst ekki bara um skamm­tíma­at­hygli og ein­hverjar til­fallandi sög­ur, heldur kallar hún fram á að hér verði gerðar breyt­ing­ar. Breyt­ingar á hug­ar­fari, við­brögðum og ferlum, hvort sem það eru stofn­arn­ir, þjóðin sjálf eða sam­tök. En fyrst og fremst erum við mennskar, með til­finn­ingar og sál. Við viljum að allir komi fram við okkur af virð­ingu, en ekki að við séum flokk­aðar niður sem 3. klassa mann­eskjur vegna upp­runa, húð­lits eða kyn­ferði. Virð­ing kostar ekki neitt.

Auglýsing

For­dómar byrja hjá okkur sjálfum og ein­kenn­ast af fáfræði. Í upp­lýstu sam­fé­lagi eins og Ísland er í dag þá eru for­dómar algjör­lega óþarfi að mínu mati, þar sem fjöl­menn­ing er mikil og ekk­ert því til fyr­ir­stöðu að kynna sér aðra menn­ing­ar­heima. Við erlendu kon­urnar erum ekki vanda­málið eins og allt of oft heyr­ist. Við erum tæki­færi, tæki­færi til að gera hlut­ina fjöl­breytt­ari og skemmti­legri. Með útlend­ingum kemur alls konar þekk­ing og fjöl­breyti­leiki sem gerir sam­fé­lagið okkar betra en ekki verr og það eru kost­ir. Við sem þjóð þurfum að ein­beita okkur að því góða.

Flestir sem koma hingað til lands­ins eru frið­sælt og gott fólk. Auð­vitað eru und­an­tekn­ingar en við getum ekki ætl­ast til þess að allir séu full­komn­ir, ekk­ert frekar en að ætl­ast til þess að allir Íslend­ingar séu full­komið fólk. Flest fólk af erlendu bergi brotið er í vinnu, borgar sína skatta, fara eftir lögum og regl­um. Þau virða sam­fé­lagið og reyna að bestu getu að aðlag­ast.

Hins vegar benda sögur þessa 34 kvenna okkur á það hvað íslenska sam­fé­lag­ið, stofn­anir og almúgur bregst ekki alltaf rétt við. Hlut­verk ríkis er að vernda borg­ara sína og veita þeim öryggi. Þar á meðal stendur í stjórn­ar­skrá Íslands að við eigum ekki mis­muna fólki eftir kyni, fötlun og húð­lit svo eitt­hvað sé nefnt. Þess vegna er ég svo inni­lega miður mín yfir því hvað fáar stofn­an­ir, sveit­ar­fé­lög, sam­tök, rík­is­stjórn okkar og aðrir ábyrgir aðilar hafa brugð­ist okkar ákalli. Sú stað­reynd segir mér hversu mikið umræðan er þörf í okkar sam­fé­lagi. Við gleym­umst svo fljótt að það er umhugs­un­ar­vert efni.

Við sem sam­fé­lag þurfum að vera ábyrg­ari og með­vit­aðri um ofbeldi. Konur sem lenda í ofbeldi eru oft­ast ein­angr­að­ar, tæp­lega með ein­hver tengsl, jafn­vel engan pen­ing eða tala ekki tungu­mál­ið. Þær kannski geta ekki leitað sér hjálpar sjálfar og það er ábyrgð okkar allra að bregð­ast við. Þær þurfa stuðn­ing í dag­legu lífi og ekki síst opin­beran stuðn­ing.

Ég hvet öll sveit­ar­fé­lög að bregð­ast við þessu með betri upp­lýs­inga­gjöf til erlendra kvenna, betri verk­ferla í stjórn­sýsl­unni og finna lausnir til þess að nálg­ast þennan til­tekna hóp. Ég hvet stofn­arnir einnig að gera hið sama. Þetta á einnig við um félags­legu sam­tökin að bjóða upp á úrræði og aðstoð með við­burðum sem myndu hvetja konur af erlendum upp­runa að koma og ræða mál­in. Fyr­ir­tæki lands­ins þyrftu þar á meðal að bæta sig í upp­lýs­inga­gjöf til dæmis á lögum hvað varðar rétt­indi fólks. Síð­ast en ekki síst þarf Alþingi Íslands og starf­andi flokkar þar að taka þessa umræðu af alvar­leika og finna var­an­lega lausn við þess­ari mis­munun og við­ur­styggi­legu ofbeldi sem hefur verið haldið frá yfir­borð­inu. Það er svo margt sem hægt er að gera, reynum að vera með­vituð um þennan hóp og þau for­rétt­indi sem það er að vera Íslend­ing­ur. Við getum komið í veg fyrir að þetta þrí­fist hérna í okkar samfélagi.

Það er klárt mál að vit­unda­vakn­ing þurfi að eiga sér stað í íslenska sam­fé­lag­inu og við þurfum að hætta að þagga niður í fólki.

Höf­undur er stjórn­mála­fræði­nemi og inn­flytj­andi.

Meiri hækkun stýrivaxta kom til greina
Fundargerð peningastefnunefndar Seðlabanka Íslands frá því fyrr í mánuðinum hefur verið birt.
Kjarninn 21. nóvember 2018
Aðförin
Aðförin
Aðförin – Mannlíf milli húsa
Kjarninn 21. nóvember 2018
Sverrir Mar Albertsson
Aþþíbara
Kjarninn 21. nóvember 2018
Pottersen
Pottersen
Pottersen – 4. þáttur: Fljúgandi sjálfrennireið og sjálfskaðandi húsálfur
Kjarninn 21. nóvember 2018
Dómar í markaðsmisnotkunarmálum hafa dregið línu í sandinn
Forstjóri Kauphallarinnar segir að það sé aldrei hægt að tryggja að einhver fari ekki yfir á rauðu ljósi þótt það sé bannað. Fjárfestingaumhverfið hér sé þó mun tryggara og með öðrum hætti en fyrir áratug síðan.
Kjarninn 21. nóvember 2018
Eiríkur Jónsson er annar þeirra sem stefndi ríkinu vegna ólögmætra athafna Sigríðar Á. Andersen.
Ríkið áfrýjar dómi vegna skipunar dómara
Íslenska ríkið hefur áfrýjað dómum Héraðsdóms Reykjavíkur sem dæmdi ríkið bótaskylt í málum þeirra Jóns Höskuldssonar og Eiríks Jónssonar.
Kjarninn 21. nóvember 2018
Blýanturinn á útleið í prófum – Tölvur taka við
Innan nokkurra ára munu blýanturinn og penninn heyra sögunni til innan Háskóla Íslands með tilkomu rafræns prófakerfis.
Kjarninn 21. nóvember 2018
Kim Jong-yang nýkjörinn forseti Interpol.
Óvæntur sigur í forsetakjöri Interpol
Fulltrúi Rússa var talinn líklegastur til þess að verða kjörinn forseti alþjóðalögreglunnar Interpol en hann tapaði óvænt fyrir Suður-kóreumanninum Kim Jong-yang. Kosið var um nýjan forseti eftir að sitjandi forseta Interpol hvarf í október.
Kjarninn 21. nóvember 2018
Meira úr sama flokkiAðsendar greinar