Endurheimtum íbúðarhúsnæði á langtímaleigumarkaði

Líf Magneudóttir segir að það þurfi að ná tökum á leyfislausri leigustarfsemi sem fengið hefur verið að vera óáreitt í Reykjavík of lengi. Þörf sé á meira eftirliti.

Auglýsing

Þús­undir íbúða í Reykja­vík eru farnar var­an­lega af lang­tíma­leigu­mark­aði undir túrisma eða svo­kall­aða Air­bnb skamm­tíma­leigu. Þessi þróun hefur breytt sam­setn­ingu hverfa, minnkað fram­boð af leigu­hús­næði og átt þátt í hækkun leigu­verðs. Félag­s­auður og hverf­is­sam­fé­lagið verður rýr­ara og þjón­usta innan hverfa breyt­ist í takt við túris­mann. Þetta er þróun sem við þurfum að vinda ofan af og stöðva.  

Hug­myndin um deili­hag­kerfið er góð og með til­komu Air­bnb og ann­arra álíka miðla hefur fólk fengið tæki­færi til að ferð­ast með öðrum hætti en tíðkast hef­ur. Upp­lifunin af ferða­lag­inu verður oft inni­legri og á for­sendum þess lands sem heim­sótt er. Það getur líka verið ódýr­ara að gista í heima­húsi en á hót­eli eða á gisti­heim­ili og því veitir þetta fólki sem hefur minna milli hand­anna tæki­færi að ferð­ast í meira mæli.

Stöðvum ólög­lega starf­semi

Air­bnb er mik­il­vægt í flóru gisti­mögu­leika og þá sér í lagi þegar upp­gangur ferða­þjón­ust­unnar var á undan upp­bygg­ingu gisti­staða og hót­ela. Hins vegar stöndum við sem borg frammi fyrir þróun sem við verðum að stöðva sem er m.a. ólög­leg starf­semi í útleigu til ferða­manna. Hug­myndin um deili­hag­kerfið fellur um sjálfa sig ef hún er rekin áfram af hagn­að­ar­drifnum og kap­ít­alístískum hvötum og skattaund­anskot­um.

Auglýsing

Nú hefur fólk tæki­færi til að drýgja tekj­urnar með því að leigja út hús­næði sitt í allt að 90 daga á ári. Það er gott. Hins vegar virð­ast vera brögð að því að hús­næði sé leigt út leyf­is­laust og jafn­vel án þess að tekj­urnar séu taldar fram eins og lög gera ráð fyr­ir. Það er með öllu ólíð­andi.

Verndum félags­auð hverfa

Verk­efnið sem við stöndum frammi fyrir er því afar brýnt. Við þurfum að vernda íbúa byggð og upp­ræta ólög­lega gisti­starf­semi. Til þess þarf borgin að auka eft­ir­lit sitt og nýta þær heim­ildir sem hún hefur m.a. í gegnum bygg­inga­full­trúa og heil­brigð­is­eft­ir­lit­ið. Eins þarf að ná tví­hliða samn­ingum við Air­bnb og fara í við­ræður við rík­is­valdið um auknar heim­ildir sveit­ar­fé­laga og jafn­vel sekt­ar­heim­ild­ir.

Það er hags­muna­mál alls sam­fé­lags­ins að upp­ræta skattaund­an­skot og ólög­lega starf­semi sem hefur bein­línis skað­leg áhrif á þróun hverfa í borg­inni. Við þurfum að ná tökum á leyf­is­lausri starf­semi sem hefur fengið að vera óáreitt of lengi og það gerum við með því að vera með skýra stefnu og láta verkin tala. Við þurfum meira eft­ir­lit og stjórn­völd verða að leggja til aukið  fjár­magn svo eft­ir­lits­þátt­ur­inn virkar sem skyldi. Ég mun beita mér fyrir að það verði gert taf­ar­laust.

Höf­undur er odd­viti Vinstri grænna í Reykja­vík.

Minkaræktun í Kína
Loðdýrabú rekin með tapi síðustu ár
Loðdýrabú hafa verið rekin með tapi hér á landi undanfarin fjögur ár og minkabændum fækkað. Greinin óskaði eftir fjárhagsaðstoð frá stjórnvöldum í fyrra og sett hefur verið á laggirnar nefnd til að greina vanda greinarinnar.
Kjarninn 19. mars 2019
Snöggkólnar á fasteignamarkaði
Kólnað hefur á fasteignamarkaði, miðað við það sem verið hefur undanfarin ár.
Kjarninn 19. mars 2019
Smári McCarthy
Trúverðugleiki stofnana
Kjarninn 19. mars 2019
Joachim Fischer
Hinn heilagi ritstjóri Bændablaðsins
Kjarninn 19. mars 2019
Hælisleitendur mótmæla fyrir framan Alþingishúsið
Þrír handteknir við Alþingishúsið
Þrír voru handteknir við Alþingishúsið í dag eftir að lögreglan var kölluð þangað vegna mótmæla hælisleitenda. Samtökin Refugees in Iceland segja að um friðsöm mótmæli hafi verið að ræða og að þau hafi ekki ætlað að hindra aðgengi að Alþingi.
Kjarninn 19. mars 2019
Róbert R. Spanó, lögmaður og dómari við Mannréttindadómstól Evrópu
Telur tregðu íslenskra dómstóla að fylgja dómum MDE vera á undanhaldi
Róbert Spanó, dómari við Mannréttindadómstóll Evrópu, telur að upphafleg tregða íslenskra dómstóla til þess að fylgja dómum dómstólsins sé á undanhaldi og að undanfarna áratugi hafi íslenskir dómstólar leitast við að eiga samstarf við dómstólinn.
Kjarninn 19. mars 2019
Kristján Þórður Snæbjarnarson
Iðnaðarmenn slíta viðræðum við SA
Iðnaðarmenn slitu samningaviðræðum við Samtök atvinnulífsins fyrir hádegi í dag. Kristján Þórður Snæbjarnarson, talsmaður iðnaðarmanna, segir að nú hefjist undirbúningur verkfallsaðgerða.
Kjarninn 19. mars 2019
Flóttafólk mótmælir á Austurvelli. Búið er að taka tjaldið niður.
Sér ekki hvernig sérstök smithætta eigi að vera af því að fólk setji upp tjald
Sóttvarnalæknir hefur meiri áhyggjur af hreinlætisaðstöðu víðs vegar um landið fyrir ferðamenn en að flóttafólk hafi safnast saman á Austurvelli.
Kjarninn 19. mars 2019
Meira úr sama flokkiAðsendar greinar