Eitt prósent - glæpasamtök eða yfirstétt

Sverrir Albertsson, framkvæmdastjóri AFLs Starfsgreinafélags, fjallar um verkalýðsbaráttuna og þau verkefni sem hann telur vera framundan hjá ASÍ.

Auglýsing

Eina pró­sentið var lengi lyk­il­merki mót­or­hjóla­klúbba, með skírskotun til þess að með­lim­irnir væru ekki á meðal þeirra 99% fólks sem væri lög­hlýð­ið. Merk­ingin á eina pró­sent­inu hefur fengið aðeins aðra merk­ingu nú – en þó ekki svo ólíka.

Þeir sem til­heyra rík­asta pró­senti íbúa heims­ins og þá ekki síður Íslands, virð­ist ekki líta á að þeir þurfi að hlýða lögum og taka þátt í sam­fé­lag­inu. Þessi hluti íbú­anna virð­ist gera allt til þess að losna við skatta og skyldur og hefur á síð­ustu ára­tugum með blekk­ing­um, mút­um, ógn­unum og und­ir­ferli tek­ist að sölsa undir sig megnið af auð­æfum og auð­lindum jarð­ar­inn­ar.

Græðginni eru engin tak­mörk sett og það virð­ist ekki skipta máli hvort fólk er orðið svo ríkt að því dygðu ekki 100 manns­aldrar til að sóa auð­æf­unum – áfram er hvers kyns und­ir­ferli og svikum beitt til að auðg­ast enn frekar, fela auð­æfin og losna við rétt­láta skatta. Áfram er svindlað á launa­fólki og svikið og logið á bæði borð.

Auglýsing

Fólk gæti ætlað að þetta væri bara vanda­mál úti í hinum stóra heimi og í hinum synd­umspilltu sam­fé­lög­um. Rann­sókn­ar­skýrsla Alþingis í kjöl­far síð­asta efna­hags­hruns svo og aðrar upp­lýs­ingar sem fram hafa komið síðar – sýna hins vegar að þetta er allt á sömu bók­ina hér.

Rík­ustu ætt­irnar hafa náð að sölsa undir sig völd, með flóknu tengsla­neti í stjórn­kerf­inu og við­skipta­líf­inu. Fjöl­miðlar halda okkur svo upp­teknum af hvers kyns upp­á­komum og smá­fréttum á meðan öllu því sem ekki er nagl­fast – er stolið fyrir framan augun á okk­ur.

Mis­rétti hefur auk­ist

Síð­ustu ára­tugi hefur félags­hyggju­fólk á vest­ur­löndum talið, að „sam­tals­stjórn­mál“ væru mál­ið. Að með því að eiga sam­talið myndi skiln­ingur milli hópa aukast og okkur tæk­ist að auka rétt­læt­ið. Sann­leik­ur­inn er sá að mis­réttið er sífellt að aukast og rík­asta pró­sentið hlær alla leið í bank­ann á meðan við hin sitjum ein­hver mál­þing.

Sam­staða meðal launa­fólks hefur verið að rofna síð­ustu ár. Ein­stakir hópar hafa klofið sig frá og spila frítt spil – axla enga sam­eig­in­lega ábyrgð og bara taka allt sem hægt er. Víða í nágranna­löndum okkar er verka­lýðs­hreyf­ingin magn­vana og sundruð og þar fer valda­stéttin öllu fram að eigin geð­þótta.

Átök innan Alþýðu­sam­bands­ins hafa mjög veikt mögu­leika sam­bands­ins til að vera sá öldu­brjótur sem Alþýðu­sam­bandið hefur verið í hund­rað ár og varið almennt launa­fólk fyrir græðgi valda­hópanna. Verk­efni næstu ára er að efla sam­stöðu innan Alþýðu­sam­bands­ins. Það þarf að styrkja aðild­ar­fé­lögin til sjálf­stæðrar kjara­bar­áttu og und­ir­búa sam­bandið allt fyrir fyr­ir­sjá­an­leg átök – um grund­vall­ar­at­riði sam­fé­lags­ins. Í þeirri bar­áttu þarf allt skyn­samt fólk að standa saman – hvar í flokki sem það ann­ars stendur – og verja grund­vall­ar­sjón­ar­miðin – og hefj­ast handa við að end­ur­byggja rétt­lát­ara sam­fé­lag. 

Þessi pist­ill er skrif­aður í til­efni þess að ég hef ákveðið að sækj­ast eftir emb­ætti for­seta Alþýðu­sam­bands Íslands á kom­andi þingi sam­bands­ins. Ég hef því fengið fyr­ir­spurnir síð­ustu daga um hver áherslu­mál mín séu – og fyrir hvað ég standi. Ég mun reyna að gera grein fyrir því á kom­andi vik­um.

Höf­undur er fram­kvæmda­stjóri AFLs Starfs­greina­fé­lags.

Börkur Smári Kristinsson
Á ég að gera það?
Kjarninn 9. desember 2018
Karolina Fund: Ljótu kartöflurnar
Viðar Reynisson stofnaði ljótu kartöflurnar. Hann safnar nú fyrir pökkunarvél til að gera pakkað þeim í neytendavænni umbúðir.
Kjarninn 9. desember 2018
Bjarni Jónsson
Á að afhjúpa jólasveinana – eða gæta friðhelgi þeirra?
Leslistinn 9. desember 2018
„Þau sem stjórna þessu landi vilja taka sér langt og gott jólafrí“
Formaður Eflingar segir að tíminn til viðræðna um boðlega lausn á kjaradeilum hafi ekki verið vel nýttur undanfarin misseri. Hún telur íslenska verkalýðsbaráttu hafa verið staðnaða árum saman.
Kjarninn 9. desember 2018
Segir Sigmund Davíð vera á meðal þeirra sem þögðu
Þingmaður Miðflokksins segist gera greinarmun á þeim sem töluðu á Klaustursbarnum og þeim sem þögðu án þess að grípa inn í níðingstalið. Hann telur formann flokksins vera á meðal þeirra sem þögðu.
Kjarninn 9. desember 2018
Heimilið hættulegasti staðurinn fyrir konur
Árið 2017 bárust lögreglunni á Íslandi 870 tilkynningar um heimilisofbeldi. Sama ár voru 50.000 konur myrtar í heiminum af maka sínum eða fjölskyldumeðlim. Á síðustu 15 árum var helmingur þeirra manndrápa sem framin voru á Íslandi tengd heimilisofbeldi.
Kjarninn 9. desember 2018
Samtal við samfélagið
Samtal við samfélagið
Samtal við samfélagið – Vísindin efla alla dáð
Kjarninn 9. desember 2018
Frederik Skøt og Toke Suhr.
Morðtól í tómstundabúð
Þegar tveir ungir menn, Toke Suhr og Frederik Skøt, opnuðu verslun í Kaupmannahöfn, fyrir tveim árum, grunaði þá ekki að vörur sem þeir hefðu til sölu yrðu notaðar til árása og manndrápa í Írak.
Kjarninn 9. desember 2018
Meira úr sama flokkiAðsendar greinar