Í vik­unni bár­ust fréttir af því að Origo, áður Nýherji, hefði und­ir­ritað sam­komu­lag um einka­við­ræður um sölu á þriðj­ungs­hlut í Tempo. Félagið vinnur að söl­unni í sam­starfi við AGC Partners, fjár­fest­inga­banka í Boston.

Sam­komu­lagið er við HPE Growth Capital, fjár­fest­inga­sjóð sem sér­hæfir sig í fjár­fest­ingum í ört vax­andi tækni­fyr­ir­tækj­um. Lík­lega er veð­mál HPE í þessum við­skiptum það, að Tempo geti vaxið enn meira og náð frek­ari árangri á alþjóð­legum mörk­uð­um. Þannig gæti verð­mið­inn hækkað enn meira.

Hug­bún­að­ar­geir­inn er þekktur fyrir mik­inn hraða og oft hafa fram­sýnir fjár­festar gert góð kaup í félög­um, sem síðan taka risa­stökkið síðar meir.

Fyrir fjórum árum vann Kjarn­inn að gerð örþátta um nýsköpun í sam­starfi við við­skipta­hrað­al­inn Startup Reykja­vík, sem hefur síðan vaxið og dafn­að. Meðal heim­sókna sem við fórum í var til Tempo, innan veggja TM Software, sem þá var í örum vexti en samt með mörg ein­kenni fyrstu skrefa sprota­fyr­ir­tækja.

Ágúst Ein­ars­son, fram­kvæmda­stjóri Tempo, sagði í við­tali við Kjarn­ann að vendi­punkt­ur­inn í þróun Tempo - á árdögum þess - hafi verið hrun­ið. Þá hafi starfs­menn og stjórn­endur þurft að horfa inn á við, bregð­ast við 40 pró­sent tekju­sam­drætti og ein­blína á nýsköpun og eigin hug­bún­að­ar­gerð. Hug­vitið var dregið fram sem vopn í erf­iðri stöðu og á því skerpt eins og kostur var.

Und­an­farin miss­eri hefur verið fátt um jákvæð tíð­indi af íslensku hluta­bréfa­mark­aði, þó grænar tölur ein­kenni hann á þessum degi. Á und­an­förnu ári hefur vísi­tala mark­að­ar­ins lækkað um rúm­lega 8 pró­sent, sem er með því allra mesta í alþjóð­legu sam­hengi.

En inn í þeim fyr­ir­tækjum sem eru á skráðum mark­aði - alveg eins og ann­ars staðar í atvinnu­líf­inu - á sér oft stað spenn­andi og um margt fífldjörf nýsköp­un, sem skilar miklum ávinn­ingi fyrir íslenska hag­kerfið til fram­tíðar lit­ið.

Lík­lega sáu það ekki margir fyrir mitt inn í hrun­inu fyrir tæpum ára­tug, að Tempo yrði á skömmum tíma stór alþjóð­legur vinnu­stað­ur, á íslenskan mæli­kvarða, með millj­arða verð­miða. En þannig er raunin nú, þökk sé þeim sem veðj­uðu á hug­vitið á ögur­stundu.

Þegar vel tekst til þá sann­ast það svo um mun­ar, að nýsköp­unin lifir lengi. Hún leggur drögin að morg­un­deg­inum og fram­tíð­inni. Von­andi verður dæmið um Tempo til þess að til nýsköp­unar verði litið með enn meiri jákvæðni, ekki síst hjá skráðum félögum og í innra starfi fyr­ir­tækja, sem er oft er hljóð­lát og ósýni­leg vinna.